Vahebraina 6:8 - KITABU KITAKATIFU

⁸ Navuzwa niiva lilamera amafa ni ikayongo anoho indiva ya matagalu siliveeye novokoonyi, kandi liveeye ahimbi kulaamwa na Nyasaye. Mu keheri chalio lilakasambwe nu muliru.

Vahebraina 6:8 Iomraidhean Croise

Litanga 4:11

Kalunu ivi umali kulamwa kutura ku lirova limali kwalaminya munwa kumila masahi ga amwavo woovo Habili wa witi.

Litanga 5:29

kandi yavoola, “Kutura ku lirova lia Yahova yalaama, mwana uyu alakoletera vosoosi kutura ku miyinzi jiitu midinyu.” Kunangwa yamugulika Nuhu.

2 Samweli 23:7

Kuduuka utumikiri ikiju chi kivia anoho litimu; vilasambwa ligali.

Ayubu 31:40

hene yaho, leka amafwa gaviruki mu muvogono vwi ingano, na indiva emeraa mu mulimi yigu mu vogono vwi ishairi.” Makuva ga Ayubu gaheri hano.

Zaburi 107:34

Yakola kivala cha marova magunamu kuva kuli changalangwe chijumbi, kigira uvuchamu vwa vandu vamenya mucho.

Isaya 27:4

Simbeeye nu vutima ni kizabibu zana mba. Niiva amafwa ni vigunzanguva kingiliyi kizabibu! Inzi ndakalwaani navio nukuvisamba viosi.

Jeremia 17:6

Aveeye kuli uvulimu voveeye mu changalangwi, kandi sialalola uvulahi vwosi mba. Alamenya havundu haveeye ahumu mwigendanyama, mukivala chijumbi chu mundu atamenyaa mu.

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Ezekieli 20:47

Ovolere avandu visavalu vahuliri aga inzi Yahova Wuvunyali mboraa: Henza! Ndahambiza muliru, kandi gulasamba nukudiviza vuli musaala muvisi kandi vuli musaala mwumu. Muliru yigu sigulakasiminywi mba, gulakalande kutura Isavaalu kuduuka Ivaale, na gulakasambe vuli mundu.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Matayo 7:19

Ku misaala josi, ugutama makuyu malahi gulatemagwa nokoteevwa mu muliru.

Marko 11:14

Yavolera umukuyu zana “Mundu atalia kandi amakuyu googo imihiga josi mba.” Aviigi veve vahulira amakuva yago.

Marko 11:21

Petero yagwizuliza, navolera Yeso, “Mwigizi, henza! Umukuyu gwa walaama gula guniaye!”

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Kwidzulitsa 29:28

Yahova yiiha avandu yava kutura mu kivala chavo nilivihilirwa linene kandi nu vutima vululu ligali, naavasiuva mukivala kegeni, kandi vaveeye uwene yeyo kuduuka kalunu.’

Vahebraina 10:27

Navuzwa litigaaye ni lilindilira nuvuti likalaga lia Nyasaye nu vululu vwu muliru gulidiviza yavo vosi avahing'anaa naye.

Vahebraina 12:17

Lwinyima, kuli mumanyi yenya konyoora uvugasu zana kutura ku baba weve, navuzwa yasuulwa, kigira siyaali unyala konyoora vwiyangu vwu kwiganira nukugirung'anyia aga yakola mba, kali niiva yenya uvugasu yivwo namaliga.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.