Vahebraina 6:4 - KITABU KITAKATIFU

⁴ Ni vudinyu kwilanyia vandu viganira mu lieganira kandi, vandu vamala kumanya vulavu vwa Nyasaye, kandi vamala konyoora kihanwa chu mwigulu. Yava ni vandu vamala konyoora Roho Mutakatifu.

Vahebraina 6:4 Iomraidhean Croise

Kyavalevi 13:55

Maku alavohenzeliza, niiva vuguku zana sivugilung'ani mba, kali niiva sivulaandi, kindu yicho kikikiri vuzwa kidamanu, kuduuka ukisaambe; kali niiva ligunda liveeye imbiri anaho inyima wacho.

Kyavalevi 14:43

Niiva vuguku vuliranira kandi muinyumba inyima wa magina gamali kutulizwa na madigi kuhalagatwa nokohomwa vuhia kandi,

Livalidza 24:3

ma naativula voporofeti yivu. “Amakuva ga Baalamu muyaayi wa Boeri, amakuva gu mundu unyala kolola vulahi,

Matayo 12:45

Mazia koleta roho vadamanu vandi saba, avadamanu ligali kumuvita navo vosi vazaa ma vingira komenya mu mundu oyo. Iliiva liu mundu oyo livezaa ilidamanu ligali kuvita lie imbiri. Yaga kandi galakoleka ndio ku avandu vi likula liveeye ho lidamanu yili.”

Matayo 5:13

“Munyi muveeye kuli umunyu gwi lirova! Navuzwa umunyu ni guzangalaye gulakolwa ndi gove ne kenosi kandi? Sigoveeye kindu kandi mba, navuzwa gulasundulwa ichova nu kuduvagwa ni virenge.

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Yohana 3:27

Yohana yavavolera, “Mundu sianyala kuva ni kindu nataheeveywi na Nyasaye mba.

Yohana 4:10

Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Yohana 6:32

Yeso yavavolera, “Muvooleraa Agiligali, si yaali Musa uwamuha mugadi kutura mwigulu mba navuzwa; ni Baba wange niyie umuheezaa mugadi gwa agiligali kutura mwigulu.

Vikolwa 10:45

Avayuda vandu avasuuviraa, avaazaa harara na Petero kutura Jopa, vagenya kolola ndi Nyasaye uviiki kihanwa cha Roho Mutakatifu ku avandu vi zihiiri zindi kandi;

Vikolwa 11:17

Niiva Nyasaye umali kuhaana ku avandu vi Zihiiri zindi kihanwa yicho cha yahaana ku kunyi lwa kwasuuvira ku Mwami Yeso Kristo, inzi nivwaha uhing'ana na Nyasaye?”

Vikolwa 15:8

Nyasaye umanya zing'anagani zie mioyo ja avandu, yalolekiza ndi, umali kuvavugilira mu lihaa Roho Mutakatifu vave kuli yaaha kunyi.

Vikolwa 8:20

Navuzwa Petero yamutivulira, “Udivi harara na mabese googo kigira uganaganaa unyala kugura kihanwa cha Nyasaye na mabese!

Varumi 1:11

Kigira ngayilwa ligali kolola munyi, nduuki kusanga harara nimunyi mu kihanwa cha roho kunangwa muduuki kuva ni zinguru.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Vagalatia 3:2

Nyenya kumanya vuzwa kindu kilala kutura ku munyi. Mwavugula Roho wa Nyasaye ku likora agi Lilaga lienyaa, anoho ku lihulira Ivangeri nu kugisuuvira?

Vagalatia 3:5

Nyasaye ohezaa munyi Roho, kandi okolaa vilolekizu hagati hinyu, akolaa vindu yivi viosi kigira mulonda agi Lilaga lienyaa, anoho kigira muhulira Ivangeri nu kugasuuvira?

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 2:8

Gaveeye ku zimbavasi zia Nyasaye, munyi mumali kohonywa kuvitira mu lisuuvira, kandi yaga sigaveeye kigira mativuli gi zinguru zienyu mba, navuzwa keveeye kihanwa cha Nyasaye.

Vafeso 3:7

Inzi ndakorwa mutumikiri wi Ivangeri ku kihanwa kidukiru chi zimbavasi zia Nyasaye cha yamba kuvitira mu miyinzi ji zinguru zizie.

Vafeso 4:7

Navuzwa sa mulala ku kunyi yanyoora kihanwa kidukiru chi zimbavasi kolondekana ne kegero chi kihanwa kilahi cha Kristo amali kuhaana.

Vahebraina 10:32

Mwizurizi kuli lwa gaali nimunyi zing'inga ziavita. Mu madiku yago inyima wu vulavu vwa Nyasaye vwali nivwakaa ku munyi, mwasalira vindu vinyingi, navuzwa simwaguutwa mba.

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.

1 Yohana 5:16

Niiva mundu alolaa amwavo weve naakoraa uvwoni vutaveeye vumudukiza ku likuza, gamudukira amusaaliri ku Nyasaye, na Nyasaye alamuha livamwoyo litahera mba. Likuva yili mbolera yavo avakolaa uvwoni uvutavimiliraa kuduuka ku likuza. Navuzwa voveeye ho nu uvwoni vuhilaa vandu mu likuza. Simbolaa musaale Nyasaye ku vwene yivwo mba.