Vahebraina 6:2 - KITABU KITAKATIFU

² kandi gwa migizu gi libatiza na gi livikwa ku makono mba; nagilisimuguka lia vakuzu kandi likalagirwa lie mihiga ni mihiga.

Vahebraina 6:2 Iomraidhean Croise

Kohelethu 12:14

Nyasaye azizaa kukalagira vuli kindu choosi cha kokoraa, keve kilahi anoho kidamanu, kali vindu viekoleka mu vwivisu.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Matayo 3:14

Navuzwa Yohana yaageriza kumugaya navoora, “Kigira ki uzaa ku inzi ngubatizi lwa ivi wenyekaa umbatizi?”

Marko 16:16

Ku vosi usuviraa na abatizwi alahonywa. Ku vosi uvula kusuuvira, alakalagirwa.

Marko 7:4

Sivalizaa ikindu choosi kutura mu chiitu nivakikiri kuchogiza kutanga mba. Valonda malago ni miima jindi minyingi ja vanyoola, kuli kwogiza ivikombe, izinyingu, zibakuli ni vituria vie migasa.

Marko 7:8

“Munyi mulekaa amalago ga Nyasaye ni mulonda imiima ja vandu.”

Luka 11:38

Mufarisayo oyo yaagenya kolola ndi Yeso alizaa chukulia nakikiri kwisaava.

Luka 12:50

Mbeeye nilibatiza lia ndibatizwa ilidukanaa mbatizwi. Navuzwa mbeeye novovereri kuduuka ing'inga lwa yagalitwekiza.

Luka 14:14

naivi ulagasizwa, kigira yavo sivaveeye nichavatunga mba. Kigira Nyasaye alakutunga ing'inga ya avandu valungi valisimuguka.”

Luka 3:16

Kunangwa Yohana yavavolera vosi, “Inzi mubatizaa na amazi, navuzwa mulala yazaa oveeye ni zinguru kuvita inzi, wandaduukanaa kali kovoholora migoye ji vilatu vivie. Mwene oyo alamubatiza na Roho Mutakatifu kandi nu muliru.

Yohana 1:33

Inzi sindamumanya oyo niye, navuzwa Nyasaye uwanduma kubatiza avandu na mazi, yaali niyamboleye ndi ‘Mundu wo olola Roho niyazaa kuye kutura mwigulu nu kwikala kuye, uyu niyie ubatizaa na Roho Mutakatifu.’

Yohana 5:29

kandi valakatuli mu vilindwa viavo. Yavo avakola amalungi valakasimuguki kandi valakave mwoyo, na yavo avakola uvudamanu valakasimuguki nu kukalagirwa.

Vikolwa 10:47

“Avandu yava vanyooye Roho Mutakatifu kuli kunyi kwamunyoola. Aveeye ho mundu woosi unyala kuvigalira vavuli kubatizwa mumazi?”

Vikolwa 13:3

Lwa vamala kusaala, nivahonga lilia, vaviika amakono gaavo kuvo, nivavatuma vazie.

Vikolwa 16:15

Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”

Vikolwa 16:33

Musikari oyo yavavugula ing'inga zana yu vudiku, naavogiza zingwagu ziavo; inyima vabatizwa ahene nahene yaho, oyo harara na avinyumba yeeye.

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Vikolwa 2:38

Petero yavativulira, “Mwiganiri mwosi, mubatizwi mu lieta lia Yeso Kristo, musamiifwi uvwoni vwinyu, kandi mulanyola kihanwa cha Roho Mutakatifu.

Vikolwa 2:41

Kunangwa avanyingi vasuuvira amakuva geege, nivabatizwa lidiku liene yilio. Avandu vaduuka ahimbi zielefu zivaga komeeda livaliza liu muganda gwa avasuuviri.

Vikolwa 23:6

Navuzwa lwa Paolo yalora ndi kiduma kilala nicha Avasadukayo ni ikindi cha Avafarisayo, yahanzuka imbiri wi kiyaalo navoora, “Avaamitu vange, inzi nu Mufarisayo, umwana wu Mufarisayo. Inzi mali koleetwa mu kiyaalo kigira lisuuvira liambeeye nalio ndi avakuzu valakasimuguki.”

Vikolwa 24:15

Mbeeye nilisuuvirizwa lilala liere mu Nyasaye kuli avandu vene yava vaveeye nalio ndi, avandu vosi, vombi avalungi na avadamanu valakasimugukizwi.

Vikolwa 24:21

Nikitali kindu kilala yiki cha ndaagamba lwa ndasingira hagati haavo: ‘Nzalwa imbiri winyu lidiku lia kalunu kigira suuviraa ndi avakuzu valakasimuguki.’ ”

Vikolwa 24:25

Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.”

Vikolwa 26:8

Kigira ki munyi muloraa ni vudinyu kandi siganyalika ligali kusuuvira ndi Nyasaye asimugukizaa avakuzu?

Vikolwa 4:2

Vavihilirwa ligali kigira avatumwa vaviri yavo vaali nivigiza kandi ni vilwazira avandu ndi Yeso yasimuguka kutura mu vakuzu, amakuva gamanyia havulavu ndi avakuzu valakasimuguki.

Vikolwa 6:6

Muganda gwa vasuuviri yavo, vavaviika imbiri wa avatumwa navo ni vavasaalira ni vaviika makono gaavo kuvo.

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

1 Vakorintho 10:2

Vosi vabatizwa nivava valondi va Musa mu lilesi yilio, kandi munyanza yiyi.

1 Vakorintho 12:13

Munzira ndala nzere, kunyi kwosi nikuva nikoveeye Avayuda anoho vandu vizihiiri, avatugwa anoho vavoholore, kwabatizwa na Roho mulala ma ni kuva muviri mulala kandi Nyasaye yahaana ku kunyi vosi Roho mulala mu mioyo jitu.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.

Vafilipi 3:21

Alakagirung'anyie imiviri jietu midedekere yiji nukujikola kuva kuli umuviri gwigwe umwene gwu vukumi; Alakatumikiri zinguru yizio koleta ivindu viosi isi wu vwamihi vwivwe.

Vakolosai 2:12

Munyi mwayavilwa harara na Kristo mu libatizwa, kandi mwasimugukizwa harara naye kuvitira mu lisuuvira lienyu, mu zinguru zia Nyasaye, wa simugukiza Kristo kutura muvakuzu.

Vahebraina 11:35

Kuvitira mu lisuuvira avakali vavugura aviiko vaavo vakuzu nivasimugukiziwi. Avandi vasuuraa kuvugilira vovoholore, vakuzira mu lidambizwa kunangwa vaduuki konyoora lisimugukizwa mu livamwoyo lilahi ligali.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.

2 Petro 3:7

Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.