Vahebraina 6:18 - KITABU KITAKATIFU

¹⁸ Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

Vahebraina 6:18 Iomraidhean Croise

Litanga 19:22

Wiruki vwangu! Inzi sindakola kindu choosi mba kuduuka lwa nduuka ahene yaho.” Kulwayago, Loti yalanga havundu hene yaho “Zohari”.

1 Avami 2:28

Joabu yahulira agaali nigekoleki ku Adonija. Yaali niyungi Adonija mukono, navuzwa siyunga Abisolomu mukono mba. Kunangwa yirukira mu lihema liukuvuganira mu lia Yahova. Nagumira zinziga ziu kuvwaali.

Zaburi 110:4

Yahova yalomba lisuuvirizwa na sialagirung'anyia zing'anagani zizie mba, “Ivi ulava musaalisi mihiga ni mihiga kolondekana ku ovolohizi vwu vusaalisi vwa Melikizedeki.”

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Tsing'ano 3:18

Yavo avanyoora ovogeri vaveeye nuvuyanzi, kigira ovogeri vulavaha livamwoyo.

Tsing'ano 4:13

Wizulizi vuli ing'inga cha umali kwiga. Vogeri vuvwo ni limenya liilio, uvulindi vulahi ligali.

Isaya 27:5

Navuzwa niiva avasigu va vandu vange valeenya likingwa kutura ku inzi, leki valombe mirembe ninzi. Yee, leki valombe mirembe ninzi.”

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Isaya 56:4

Yahova avooreraa ku mundu kuli uyu ndi, “Niiva ulamba luyali ku liliinda Lisabato, na niiva ulakola aganyaanzizaa kandi nukulinda lilagana liange nu vusuuvirifu vwosi,

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Zekaria 9:12

Mwilane, munyi avandu vazia mu vuhaambe vamuveeye ni lisuuvirizwa kalunu; mwilane mu kivala chiinyu chi mirembe. Kalunu muvooleraa, ndakahaane kandi madanyi ku munyi kuvita haali kaviri nu vugasu kolondekana nu vusaliri vwinyu.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Matayo 24:35

Ligulu ni lirova vilavita, navuzwa amakuva gange sigalivita mba.”

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Luka 2:25

Kunangwa yaali ho mundu mu Jerusalemi walangwa Simioni; yaali mundu mulungi kandi uwatia Nyasaye niliehozeliza. Mundu uyu yalindilira vohonyi vwa Isiraeli kandi Roho Mutakatifu yaali kuye.

Varumi 15:5

Nyasaye oveeye vutangiliru vwu vwikuziri nilizuvana, amuhe mwoyo gwu vuhambani mu livugilizana liduukiru hagati hinyu lwa muva nimulondaa Kristo Yeso.

Varumi 3:25

Nyasaye yahaana Kristo aduuki kuva ichu kwisayasayira ku kigira vwoni kuvitira mu lisuuvira ku masahi geege. Yakola ndio kumanyia uvulungi vwa Nyasaye, kigira mu vwikuziri vwu vunyasaye vwivwe si yavaliza ku vandu uvwoni vwi imbiri mba.

Varumi 3:4

Awa! Siganyalika mba. Kuduuka Nyasaye ave wiligali kazozo kali niiva avandu vosi vaveeye vavehi. Kuli Mang'oda Matakatifu gavoora, “Gakuduukiraa ove wagiligali lwa ovola makuva googo; gakuduukiraa uguuti kiyaalo lwa uyaalwa.”

Varumi 5:5

Lisuuvirizwa yili silinyala kukuvihiliriza mba, kigira Nyasaye yamala kuviika mu mioyo jietu uvuyanzi vwivwe kuvitira ku Roho Mutakatifu oveeye kihanwa chiche ku kunyi.

Vafilipi 2:1

Ilivamwoyo lienyu mu Kristo limukolaa kuva ni zinguru, kandi uvuyanzi vwivwe vumuleminyaa umwoyo. Muveeye ni lisanga harara na Roho kandi muveeye nu mwoyo umulahi kandi muveeye nizimbavasi kandi liverererana vene naveene.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 1:5

Kigira lisuuvirizwa lia mwaviikirwa mwigulu. Lisuuvirizwa yili mumali kuhulira mu likuva liagiligali lie Ivangeri.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Vahebraina 11:7

Kigira lisuuvira, Nyasaye yiganihiza Nuhu kumakuva gi vindu viza kwekoleka via yaali sianyala kolola mba. Yahulira Nyasaye, ma nalomba liato aduuki kwehonyia harara na vandu vinyumba yeeye; kutura ku gene yago, avilirova vakalagirwa, na Nuhu yanyoora kutura ku Nyasaye uvulungi vuzaa kolondekana ni lisuuvira.

Vahebraina 3:11

Ndaali nuvutima ma ninzisuuha ndi, ‘Sivalingira mu kivala cha ndaali ndakavaheeleye ovososi vwange mba!’ ”

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Vahebraina 6:17

Kandi, Nyasaye yatovola kutwekiza lisuuvirizwa lilie ni liesuuha. Nandio yamanyia havulavu yavo valinyoola miandu ndi amakuva geege sigaveeye niligirung'ana, maku yavika liesuuha hagati haavo.

Vahebraina 7:19

Lilaga lia Musa siliali linyala kokora kindu choosi kuva kidukiru mba. Navuzwa kalunu mu vogono vwalio, lisuuvirizwa lilahi ligali kuvita, limali kuhaanwa lia kunyala kuvitira mu, ma kwisundi ahimbi ku Nyasaye.

Vahebraina 7:21

Navuzwa Yeso yakolwa musaalisi munzira yi liesuuha lwa Nyasaye yamuvolera, “Mwami umali kolomba lisuuvirizwa liu kwisuuha kandi sialagirung'anyia zing'anagani zizie mba: ‘Ivi ulava Musaalisi mihiga ni mihiga.’ ”

Joshua 20:3

Mundu uwiita wundi ku matava anoho vugira kumanya, anyala kuzia yo na ahononoke kutura ku mwiko wa uwitiywi uwenyaa amwiite mu livanza kisaalia.

1 Yohana 1:10

Nikuva ni kovora sikwakola uvwoni, kokoraa Nyasaye ave mugaadi kandi likuva lilie siliveeye mu kunyi mba.

1 Yohana 5:10

Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”