Vahebraina 6:13 - KITABU KITAKATIFU

¹³ Lwa Nyasaye yalomba lisuuvirizwa lilie ku Aburahamu, yalomba liesuuha akole icha yaali naasuuvirizi. Kigira sihaali nu munene kuvita oyo mwene, yatumikira lieta lilie liene lwa yalomba liesuuha lilie.

Vahebraina 6:13 Iomraidhean Croise

1 Kyetsinyinga 16:16

lilagana lia yalomba na Aburahamu kandi lilagana lia yisuhira Isaka.

Kutwula 32:13

Wizulizi Lilagana lia walomba na avatumikiri vovo Aburahamu, Isaka na Yakobo. Wizulizi lisuuviriza lia walomba navo ndi ulavaha visukululwi vinyingi kuli zing'ereng'ani ziu mwigulu, kandi kuvaha kivala chawavasuuviriza kuva miandu jaavo mihiga ni mihiga.”

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Jeremia 22:5

Navuzwa niiva simulatia malago gange, hene yaho, inze nzisuha ku munyi ndi, inyumba yu vwami yiyi ilagwa amang'anye. Inzi Yahova mali kovora.

Jeremia 44:26

Navuzwa kalunu muhulirize ku liesuha lia Inzi Yahova mali kolomba mu vunyali vwi lieta liange ku munyi avandu va Isiraeli vosi avamenyi mukivala cha Egebeti: Si ndaleka kandi mulala ku munyi atumikiri lieta liange kolomba iliesuuha nokovoora, ‘Inzi nzisuha ku lieta lia Yahova, Nyasaye, oveeye mwoyo!’

Jeremia 49:13

Inzi mwene mali kwisuha ndi lidaala lia Bozira lilava havundu hukutihiza kandi changalangwi; avandu valali kolera kehenyahenye nukutumikira lieta lialio kuli kilaamo. Amadara goosi gahimbi galava hazwa kazozo. Inzi Yahova mali kovora.”

Ezekieli 32:13

Ndakadivizi kali zinyama ziosi ku vuli lujinga lwa mazi. Avandu sivalakaveho, anoho zinyama kuduvula mazi kandi mba.

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Luka 1:73

Liesuuha lia yisuhira Aburahamu guuga wiitu, liveeye ndi alakuha kuduuki kohonywa,

Vagalatia 3:15

Avaamitu vange, ndamufananyira ku limenya lia kazozo: lwa avandu vaviri vavugirizana ku likuva, sihaveeye ho nu mundu unyala kuvunanyia, anoho komeeda kindu kugo mba.

Vagalatia 3:18

Niiva miandu ja Nyasaye jiveeyeho kigira ku Lilaga, maku sijiveeyeho kigira lisuuviriza lia Nyasaye kandi mba. Navuzwa Nyasaye mu zimbavasi zizie, yahaana miandu jije ku Aburahamu kigira lisuuvirizwa.

Kwidzulitsa 1:8

Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”