Vahebraina 6:12 - KITABU KITAKATIFU

¹² Kunangwa sikwenyaa munyi muve vagata, navuzwa muve kuli yavo avasuuviraa kandi vaveeye viikuziri, kandi ndio vanyoore yivio via Nyasaye amali kusuuviriza.

Vahebraina 6:12 Iomraidhean Croise

Tsing'ano 12:24

Miyinzi midinyu jihaanaa zinguru, navuzwa kuva mugata kulakokola ove mutugwa.

Tsing'ano 13:4

Mundu mugata niyenya kindu si alakenyoola mba, navuzwa mundu mugulu alanyoola choosi chayenyaa.

Tsing'ano 15:19

Niiva oveeye mugata ulanyora vudinyu havundu hoosi, navuzwa niiva oveeye musuuvirifu, si ulava nuvudinyu mba.

Tsing'ano 18:9

Mundu mugata aveeye mudamanu kuli mundu udiviza.

Tsing'ano 2:20

Kunangwa ga kuduukira olonde liiva lia vandu valahi kandi omenye limenya liu vulungi.

Tsing'ano 26:14

Mundu mugata agirung'aniraa mu vogono kuli muliango govodong'aniraa ku zimbada ziagwo.

Tsing'ano 28:10

Niiva ulimilira mundu mulungi kokora vudamanu, ulagwa mu mutego gugwo, navuzwa avandu vataveeye nimbala valanyora miandu milahi.

Lwimbu lwa Solomoni 1:8

Niiva si wamanya havundu, O, mukali mulahi ligali? Zia olonde munzira yi chayo cha magondi zia waye vimeme vie zimburi zizio ahimbi na mahema ga vayi.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Matayo 22:32

‘Inzi mbeeye Nyasaye wa Aburahamu, Isaka Nyasaye wa Yakobo?’ Ku, siaveeye Nyasaye wa avakuzu, navuzwa aveeye Nyasaye wa avaveeye mwoyo.”

Matayo 25:26

“Mwami weve yamutivulira, ‘Ivi umutumikiri mudamanu kandi mugata! Wamanya inzi ngesaa aha ndaavura kutaga, kandi mbungizaa aha ndaavura kusalanyia uvuguza.

Luka 16:22

“Mundu mudaka zana yakuza, zingelosi vamuvugura, nivamwikaliza ku kiritu cha Aburahamu mu Paradiso. Mutugi oyo yakuza kandi naye, naatevwa.

Luka 8:15

Uvuguza vwagwa mu marova malahi na magunamu ni yavo avahulira likuva ma valigumira nu vusuuvirifu vwosi kandi numwoyo mulahi gwosi kandi vikuzira kuduuka lwa vaama amakuyu.

Varumi 12:11

Mutava vagata, navuzwa muyinziri vudinyu. Mutumikiri Mwami numwoyo gwinyu gwosi.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Varumi 4:12

Aveeye baba kandi wa yavo avakevwa, agaveeye kovora, wa yavo, komeeda ku likevwa, vamenyi liiva lielisuuvira lia baba wiitu Aburahamu yamenya nakikiri kokevwa.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

2 Vatesalonike 1:4

Kulwayago, kunyi aveene kwekonya kigira munyi avaveeye mu makanisa ga Nyasaye kigira uvwikuziri vwinyu; kandi lisuuvira lia muveeye nalio, mu lidambizwa lienyu liosi harara nu vusaliri vwa muzizagiliraa kwikuzira mu kazozo.

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

Vahebraina 10:36

Gamuduukira muve nu vwikuziri, kunangwa muduuki kokora uvulariri vwa Nyasaye, kandi munyore via Nyasaye amulagaa.

Vahebraina 11:33

Kuvitira mu lisuuvira, valwaana kandi ni vaguuta vivala viosi. Vakora agaali malungi, ma nivanyoora ga Nyasaye yasuuviriza. Vakunika minwa jiving'ang'a,

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Vahebraina 13:7

Mwizurizi aviimiliri vinyu va maziambiri, avamwilwazira likuva lia Nyasaye. Muganagane ligali kuli vamenya kandi kuli vaakuza, mwigi kutura ku lisuuvira liavo.

Vahebraina 5:11

Koveeye na makuva manyingi gokovoola ku makuva yaga, navuzwa ni vudinyu kumwivaalira kigira si muveeye vangu kumanyiriza nukuhulira ligali mba.

Vahebraina 6:15

Aburahamu yaali mwikuziri, kandi ndio yanyoora icha Nyasaye yamusuuviriza.

Yakobo 1:3

Mumanya vulahi ndi ligerizwa lie lisuuvira lienyu liletaa uvwikuziri.

2 Petro 1:10

Kulwa yaga, avaamitu, muyinziri ni zinguru miyinzi milahi mulombe lilangwa ni litovolwa lienyu vive via agiligali. Nimukora yaga simunyala koleka lisuuvira lienyu mba.

1 Yohana 2:25

Yaga nigo ga Kristo yakusuuviriza alakuha, nalio ni, “Livamwoyo litahera mba.”

Likunula 13:10

Mundu wenyaa kugumirwa, alagumirwa. Mundu wenyaa kwitwa nikivavi kuduuka yitwi ni kivavi. Yili nililangwa liu kwikuzira kandi liu kusuuvira kolovega lwa vandu va Nyasaye.