Vahebraina 6:10 - KITABU KITAKATIFU

¹⁰ Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

Vahebraina 6:10 Iomraidhean Croise

Nehemia 13:22

Maku ndalaga vandu va Levi vitakase na vazie kuliinda virivwa ku vaduuki kolola ndi Lisabato likoleywe kuva litakatifu. Unzizulizi, O, Nyasaye wange, kigira yaga kandi, na omberere kigira ovonene vwi zimbavasi zizio.

Nehemia 13:31

Ndalohiza iziingu zitumikaa kigira kusamba vihaanwa zileetwe ku ing'inga indahi idukanaa, kandi kigira avandu koleta vihaanwa viavo viuvuswage vwukutanga namakuyu gukutanga kwenga. Unzizulizi yaga goosi, O, Nyasaye, na ongolere.

Nehemia 5:19

Ngusaala, O, Nyasaye wange, unzizulizi ku goosi aga mali kokolera avandu yava.

Zaburi 20:3

Avugiliri vihaanwa vivio viosi kandi aduuki kuyaanzizwa ni visiuviliru vivio viosi.

Kutwula 1:20

Kigira vakonyeleri vaavo vaatia Nyasaye, yavagasiza, kandi na avandu vameedeka nivagwa avizingulu ligali.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Kohelethu 11:1

Koveeye ni livoora lia makuva ndi, “Usiuvi viukulia vivio ku mazi, na inyima wi ing'inga idukanaa, ulavinyoola kandi.”

Jeremia 18:20

Uvudamanu voveeye nimitungu jiuvulahi? Navuzwa vamali kuyava liliina nduuki kugwa mu. Wizulizi kuli ndaaza komoloma ku ivi muvogono vwavo kunangwa uvuli kuvaha mageri mu vutima vuvwo.

Jeremia 31:16

Mulekere lilira kandi mweye amaliga ginyu. Goosi agamumali kokolera avana vinyu kuduuka namuhevwe amadanyi; navirane kutura mukivala chumusigu.

Matayo 10:42

Ligali muvooleraa, ku vosi ulinwehiza mulala ku avakeekeke yava kisanda cha mazi makindu kigira aveeye umulondi wange, alakanyoole amadanyi geege.”

Matayo 20:7

Navo vaamutivulira. ‘Kigira sikoveeye nu mundu okoheeye miyinzi mba.’ Naye yavavolera, ‘Kali munyi muzie muyinziri mu mulimi gwange gwi mizabibu.’

Matayo 25:17

Munzira ndala nzere, umutumikiri wahevwa zitalenta ziviri yanyoora vukala zitalenta zindi ziviri.

Marko 9:41

Ligali muvooleraa, ku vosi umuha ekekombe cha mazi munwi kigira muveeye harara ninzi, alanyoola amadanyi.”

Yohana 13:20

Muvooleraa agiligali, ku vosi, uvugilira oyo wa inzi nduma, avugiliraa inzi, naye uvugilira inzi avugiliraa oyo uwanduma.”

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

Vikolwa 11:29

Avandu avasuuviraa yavo vatovora kuhila kindu choosi cho vokonyi, sa mulala kuli anyala, ku avamwavo vamenya Ivuyuda.

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

2 Vakorintho 9:1

Si gadukanaa inzi ng'odere munyi kigira vokonyi vutumangwa ku vatakatifu vaveeye mu Vuyuda mba.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vagalatia 6:10

Kunangwa ing'inga yakoveeye nu vwiyangu, kuduuka kokole uvulahi ku avandu vosi, mbitilira ku yavo avaveeye avinyumba yitu mu lisuuvira.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Vakolosai 3:17

Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

Vahebraina 10:32

Mwizurizi kuli lwa gaali nimunyi zing'inga ziavita. Mu madiku yago inyima wu vulavu vwa Nyasaye vwali nivwakaa ku munyi, mwasalira vindu vinyingi, navuzwa simwaguutwa mba.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.