Vahebraina 5:7 - KITABU KITAKATIFU

⁷ Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.

Vahebraina 5:7 Iomraidhean Croise

Zaburi 22:24

Yahova siadunyiraa kandi sialekaa avadedekere mu kivi chavo mba. Siagirung'anaa kuvaleka mba, lwa vanira kuye avakoonye, avativuliranga.”

Zaburi 69:1

Ombonyie, O, Nyasaye ombonyie! Amazi gaduuki mwigoti mwange;

Zaburi 88:1

O, Yahova Nyasaye, muhonyi wange, ndilaa ku ivi mbasu gwosi, kandi nzanira ku ivi uvudiku vwosi.

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Kyavalevi 2:2

ma ahiliri avayaayi va Haruni avasaalisi. Musaalisi uva natumikaa lwene yilwo, alavugula uluhi lulala lwu vusie namaguta harara ni kimuli choosi. Musaalisi alavisaamba ku uvwali kuli kihanwa chu kwizuliza ndi choosi kimali kuhaanwa ku Yahova, ligunya mwayu gwi kihanwa chi chukulia yiki liveeye liukuyanziza ku Yahova.

Matayo 27:46

Lwi ing'inga yaduuka ahimbi zisa tisa, Yeso yalira nu mwoyo munene, “Eli, Eli, lama sabakatani?” Livoora liago liveeye, “Nyasaye wange, Nyasaye wange, kigira ki ondeki?”

Matayo 27:50

Yeso yalira vudinyu, ma naalakula mwoyo gwigwe.

Marko 15:34

Lwa yaduuka zisa tisa Yeso yalira nu mwoyo umunene navoora, “Eloi, Eloi, lama sabakatani?” Liveeye kovora, “Nyasaye wange, Nyasaye wange, kigira ki ondeki?”

Marko 15:37

Yeso yahanzuka ma nakuza.

Luka 23:46

Yeso yalira nu mwoyo munene, navoora, “Baba, mbikaa mwoyo gwange mu makono googo.” Lwa yamala kovora yaga, yakuza.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 11:35

Yeso yalira.

Yohana 11:42

Manyi ligali ivi umbuliriza kazozo. Navuzwa mboraa yaga kigira avandu vasingiyi hano yava vaduuki kusuuvira ivi niyie wanduma.”

Yohana 17:1

Lwa Yeso yaali ni yakamala kovora yaga, yahenza mwigulu navoora, “Baba, ing'inga iduuki! Ukuminyi Mwana woovo kunangwa Mwana aduuki kukukuminya ivi.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

Vagalatia 4:4

Navuzwa lwa ing'inga indahi yaduuka, Nyasaye yatuma Mwana weve. Yaza kuli mwana wivulwa nu mukali, kandi namenya hasi hi Lilaga lia Avayuda,

Vahebraina 10:10

Yeso Kristo yatwekiza vulariri vwa Nyasaye yenya akole, kunyi kwosi kutakasiywi kutura muvwoni vwitu ku kihanwa cha yihaana chu muviri gwigwe mwene lulala kandi lwokoheleriza.

Vahebraina 10:5

Lwa Kristo yaali ahimbi kuuza mu lirova yavolera Nyasaye ndi: “Ivi siwenyaa visiuviliru ni vihaanwa, navuzwa umali konzetegekizira muviri.

Vahebraina 11:7

Kigira lisuuvira, Nyasaye yiganihiza Nuhu kumakuva gi vindu viza kwekoleka via yaali sianyala kolola mba. Yahulira Nyasaye, ma nalomba liato aduuki kwehonyia harara na vandu vinyumba yeeye; kutura ku gene yago, avilirova vakalagirwa, na Nuhu yanyoora kutura ku Nyasaye uvulungi vuzaa kolondekana ni lisuuvira.

Vahebraina 12:28

Kunangwa, gendi kusandizi kigira konyoora uvwami vutanyala kodengeyizwa. Gendi kusandizi ma kusigamiri Nyasaye munzira yu ku muyaanziza, niliegehiza nuvuti ligali,

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

1 Yohana 4:3

Navuzwa mundu woosi uvula kwiyama Yeso, siaveeye na Roho wa Nyasaye mba. Yigwo ni roho gwu musigu wa Kristo, gwa mwahulira guzaa; kali kalunu goveeye mu kivala.

2 Yohana 1:7

Avagaadi vanyingi vamali kulanda mu lirova, liosi na avandu yava nivo avavura kwiyama ndi Yeso Kristo yaazaa mu liiva liu umundu. Umundu kuli uyu aveeye umugadi kandi umusigu wa Kristo.