Vahebraina 5:13 - KITABU KITAKATIFU

¹³ Mundu woosi ukinwa maveere akikiri mwana mudoto, utaveeye ni limanya mu makuva gu vulungi nu vudamanu.

Vahebraina 5:13 Iomraidhean Croise

Zaburi 119:123

Zimoni ziange ziiluhi ninindiliraa ovohonyi kutura ku ivi, kandi ninindiliraa uduukizi lisuuviriza liilio lirungi ku inzi.

Isaya 28:9

Vililira kigira inzi. Vavoola, “Mundu ula aganagana yigizaa vwaha? Nivwaha wenyaa makuva geege? Gaveeye malahi vuzwa ku vana vadoto avamali kolekera kunuuna!

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Marko 10:15

Muvooleraa agiligali, umundu woosi utavugilira Uvwami vwa Nyasaye kuli umwana mukekeeke, sialingira muvwo mba.”

Varumi 2:20

wevoolera oveeye mwigizi wa vasiru, kandi umwigizi wa vandu vakikiri kuva vadukiru. Oveeye na giligali ndi mu Lilaga oveeye nilimanya liosi kandi agiligali goosi.

1 Vakorintho 13:11

Lwa ndaali mwana, ndamoloma kuli mwana, ndaaganagana kuli mwana, kandi ndamanyiriza kuli mwana. Navuzwa lwa ndaduuka mundu muhindira, ndaaleka miima josi ju lwana.

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

1 Vakorintho 3:1

Avaamitu vange, inzi sindaali nyara komoloma ni munyi kuli molomaa ku vandu vaveeye na Roho mba; navuzwa ndaamoloma ni munyi kuli avandu vu mu lirova yili kuli vana vadoto mu lisuuvira liu Vukristayo.

2 Vakorintho 3:9

Niiva vutumiki vukalagilaa vandu voveeye nu vukumi, vutumiki voletaa vulungi vulava nu vukumi vonene ligali.

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

1 Petro 2:2

Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

2 Yohana 1:11

Umundu woosi, uchelizaa mundu oyo asangaa mu miyinzi jije midamanu.