Vahebraina 4:3 - KITABU KITAKATIFU

³ Kunyi avakumali kusuuvira, konyoora vosoosi zana yivwo, vwa Nyasaye yasuuviriza. Gaveeye kuli yavoola, “Ndaali nu vutima ma ninomba lisuuviriza lie liesuuha ndi, ‘Sivalakingiri mu kivala cha ndakavaheye vosoosi vwange mba!’ ” Yavoola yaga kali niiva miyinzi jije jaali nijatwekizwa kutura lwa yalomba lirova.

Vahebraina 4:3 Iomraidhean Croise

Litanga 1:31

Nyasaye yahenza ku vindu viosi via yaali nalombi, na yalora viali vilahi ligali. Na mugolova gwavita nu mugamba nigwaduuka. Yili liali lidiku lia sita.

Zaburi 95:11

Kunangwa ndisuuha mu vutima vwange nimbora, ‘Sivalingira mu kivala cha ndakavaheye vweremerizi mba.’ ”

Kutwula 20:11

Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Isaya 28:12

Yahaana vosoosi ni lielemeriza ku munyi mwosi, navuzwa mwasuura kumuhulira.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Ezekieli 20:38

Ndatuliza hagati hinyu yavo avaveeye vukwibaara kandi avoni nu kuvahila ihale ligali. Ndavatuliza muvivala viavamenyimu kalunu, navuzwa si ndaleka viirane mu kivala cha Isiraeli mba. Maku mulamanya ndi Inzi mbeeye Yahova.”

Matayo 13:35

Yakola yaga aduuki kutwekiza agu muporofeti yavoola, “Ndatumikira zing'ano ulwa inzi moloma kuvo; Ndavavolera ivindu vitamanyikani kutura lwi lirova lialombwa.”

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vahebraina 3:11

Ndaali nuvutima ma ninzisuuha ndi, ‘Sivalingira mu kivala cha ndaali ndakavaheeleye ovososi vwange mba!’ ”

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

1 Petro 1:20

Yatovolwa na Nyasaye ing'inga yi lirova liali ni likikiri kolombwa kandi yalolekizwa mu madiku gukumaliriza yaga kigira munyi.