Vahebraina 4:2 - KITABU KITAKATIFU

² Kunyi kwamala kuhulira amakuva malahi gi Ivangeri kuli navo vilwazirwa, vahulira likuva zana, navuzwa siliavakoonya mba, kigira lwa valihulira, sivalivugula ni lisuuvira mba.

Vahebraina 4:2 Iomraidhean Croise

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Vikolwa 3:26

Kunangwa, Nyasaye yatovola mutumikiri weve naamutuma kutanga ku munyi amugasizi ku likora samulala ku munyi agirung'ane kutura muzinzira zizie ziu vudamanu.”

Varumi 2:25

Niiva ulahulira Lilaga, likevwa liilio lilava nu vukala ligali, navuzwa niiva ulavunaga Lilaga, vwakaveeye vulahi ivi ulavuli kokevwa.

Varumi 3:3

Navuzwa galava ki niiva valala kuvo sivaali vasuuvirifu? Livula kuva nu vusuuvirifu liavo, linyala kutulizaho vusuuvirifu vwa Nyasaye?

1 Vakorintho 13:3

Kandi niiva ndakahaani ivindu viosi viambeeye navio ku vadaka, kandi niiva ndakahaani umuviri gwange gusaambwe, navuzwa nindaveeye nu vuyanzi, sivingoonya kali hakuzu mba.

Vagalatia 3:2

Nyenya kumanya vuzwa kindu kilala kutura ku munyi. Mwavugula Roho wa Nyasaye ku likora agi Lilaga lienyaa, anoho ku lihulira Ivangeri nu kugisuuvira?

Vagalatia 3:8

Mang'oda Matakatifu gamanyia mulitanga ndi Nyasaye alavugilira vandu vizihiiri kuva avalungi kuvitira mu lisuuvira. Kunangwa Mang'oda Matakatifu gaalandiza makuva malahi ku Aburahamu ndi: “Kuvitira mu ivi, Nyasaye alakagasizi avandu vovo.”

Vagalatia 4:13

Mumanyi ndi uvulwaye vwange nivwo vwahaana vwiyangu ku inzi kumwilwazira Ivangeri lwu kutanga.

Kwidzulitsa 1:32

Navuzwa kali niiva ndavoora yaga goosi, simwali munyala kusuuvira Yahova mba,

1 Vatesalonike 1:5

Ivangeri yitu siyaduuka ku munyi mu makuva ameere mba, navuzwa mu zinguru, kandi mu Roho Mutakatifu; kandi mu lisuuvira liveeye liagiligali. Munyi mumanyi vulahi liiva lie limenya lietu lwa kwaali ni munyi. Gaali kigira valahi vwinyu.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

Vahebraina 11:6

Vugira lisuuvira, mundu sianyala kuyaanziza Nyasaye mba. Ku vosi uzaa ku Nyasaye gamudukira ave nilisuvira ndi Nyasaye aveeye ho kandi niyie muhaani wa madanyi ku yavo avamwenyaa.

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Vahebraina 4:6

Yavo avatanga kwilwazirwa makuva malahi gi Ivangeri, sivanyoola vosoosi yivwo mba, kigira sivasuuvira mba. Kunangwa, vaveeye ho na valala vavugilirwa konyoora vosoosi yivwo.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.