Vahebraina 4:12 - KITABU KITAKATIFU

¹² Likuva lia Nyasaye liveeye mwoyo, kandi liveeye nizinguru, kandi liveeye liugi kuvita kivavi chu vwugi zimbega ziombi. Litumitaa kuduuka hu mwoyo na roho viaganiraa, kuduuka hi viungu nuvuhaale viaganiraa. Likalagira liegomba kandi zing'anagani ziu mwoyo gwu mundu.

Vahebraina 4:12 Iomraidhean Croise

Zaburi 110:2

Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

Zaburi 119:130

Livaala lia amakuva googo lihaana uvulavu ku avandu vovo, kandi lihaana limanyiriza ku avataveeye ni limanya.

Zaburi 139:2

Ivi umanya inzi kandi vindu viosi viangolaa; ivi umanyirizaa zing'anagani ziange ziosi kali noveeye ihale.

Zaburi 149:6

Leka vahanzuki vudinyu ni vizominyaa Nyasaye; nivaveeye nivivavi viavo viugi zimbega ziombi ligali mu makono gaavo;

Zaburi 45:3

Weevohe kivavi chicho, mwami wizingulu. Ivi oveeye wuvukumi kandi wuluyali.

Tsing'ano 5:4

navuzwa yaga goosi nigakavita si alakolekela kindu, nitali vululu nu vuzunu.

Kohelethu 12:11

Zing'ano ziu mundu mugeri ziveeye kuli zimbimbu zinzugi zia vayi va magondi vatumikira kulinda magondi, kandi zing'ano ziayavungiza zilamenya kuli misumari giduyiywi vudinyu. Zing'ano yizi ziahaanwa na Nyasaye, mwayi wiitu vosi.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 49:2

Yakola amakuva gange kuva amuugi kuli kivavi. Yaambisa muchiriri chu mukono gwigwe. Kandi yangola kuva kuli muvano gwu vuta, ogoveeye umwugi kandi gwetegeki kutumika.

Isaya 55:11

Likuva liange lia molomaa liveeye ndio kandi. Sililirana ku inzi iliere mba, navuzwa liradukiza ilienya liange. Lilagasizwa mu miyinzi ja ndalituma likore.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 23:29

Likuva liange liveeye kuli muliru kandi kuli inyundu ivunanyiaa zinyanda muvidonye.

Luka 8:11

Yiki nicho kivuni chu lugano yilu “Uvuguza ni likuva lia Nyasaye.

Yohana 12:48

Uyu usulaa inzi kandi siagumira makuva gange, aveeye numukalagi. Amakuva gandavoola galava umukalagi weve mu lidiku lie keheri.

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Vikolwa 2:37

Lwa avandu vahulira yaga, vatumitwa mu mioyo jaavo, nivateeva Petero na avatumwa vandi, “Avaamitu, kokora ki?”

Vikolwa 4:31

Lwa vamala kusaala, havundu ha vavuganira harara hadegerizwa. Vosi vizura Roho Mutakatifu kandi ni vatanga kwilwaza likuva lia Nyasaye nuvuluviliri.

Vikolwa 5:33

Lwa avandu vosi avaari mu kiyaalo vahulira yaga, vavihilirwa ligali kali nivenya viiti vatumwa.

Vikolwa 7:38

Musa uyu niyie uwaali mu livugana lia avandu va Isiraeli mu changalangwe harara nengelosi uwavolerana naye mu Kiguru cha Sinai. Kandi yaali hala na avaguuga viitu. Niyie wahevwa amakuva ga Nyasaye gi livamwoyo ahe kunyi.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

1 Vakorintho 1:24

navuzwa ku yavo ava Nyasaye amali kulanga, vombi Avayuda na Avaguriki, likuva yili liveeye Kristo, oveeye zinguru zia Nyasaye kandi ovogeri vwa Nyasaye.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

Vafeso 5:13

Navuzwa lwi vindu viosi viletwaa ku vulavu, ahene yaho liiva liavio lieligali livuulikaa havulavu;

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Vafeso 6:17

Mwiviki igudwa yo vohonyi, kandi muvuguli kivavi cha Roho Mutakatifu, nacho ke veeye likuva lia Nyasaye.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

Vahebraina 13:7

Mwizurizi aviimiliri vinyu va maziambiri, avamwilwazira likuva lia Nyasaye. Muganagane ligali kuli vamenya kandi kuli vaakuza, mwigi kutura ku lisuuvira liavo.

Vahebraina 6:5

Vamala kumanya vulahi vwi likuva lilahi lia Nyasaye, ni zinguru zie zing'inga ziza;

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

Likunula 1:16

Mu mukono gwigwe umulungi yaali ni zing'ereng'ani saba. Kivavi ichuugi izimbega ziombi chatula mu munwa gwigwe. Na mu moni mwimwe mwang'ereng'ana kuli liuva mbasu hagati.

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.

Likunula 19:21

Amahi gaavo giitwa ni kivavi ikituraa mu munwa gwa uyu wahila barasi. Amanyonyi goosi gaalia zinyama zie miviri jaavo.

Likunula 2:16

Kalunu wiganiri kutura mu vwoni vuvwo. Nuuva nutiganira, ndaaza vwangu ku ivi nu kulwaana na avandu yavo ni kivavi kitulaa mu munwa gwange.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.

Vakalagi 3:16

Ehudi yaali niyalomba ikivavi ichugi zimbega ziosi, vutambi imiita ndala ninusu. Yevoha ikivavi zana musi mwizinguvu zizie ku mukono mulungi.