Vahebraina 4:11 - KITABU KITAKATIFU

¹¹ Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.

Vahebraina 4:11 Iomraidhean Croise

Matayo 11:12

Kutura ing'inga ya Yohana Mubatizi yilwaza makuva geege kuduuka lero, Uvwami vwu mwigulu vwasalirizwa vululu ligali, kandi avandu vi zinguru nivo avagerizaa kuvuvugula kuzinguru.

Matayo 7:13

“Mwingiri mu kiliango keveeye keng'erere. Kigira inzira izizaa hukudiviza eveeye imambararu, na kiliango chayo keveeye kigalamu; na avavitiraa mucho vaveeye avanyingi.

Luka 13:24

“Mukore zinguru kwingira mukiliango keng'erere; kigira avandu vanyingi valageriza kwingira mu Vwami vwa Nyasaye navuzwa sivalinyala mba.

Luka 16:16

“Lilaga lia Musa na mang'oda ga avaporofeti vialiho kuduuka ing'inga ya Yohana Mubatizi. Kutura ing'inga yeyo, Makuva Malahi gu Vwami vwa Nyasaye yilwazwa, kandi vuli mundu avuvugulaa kuzingulu.

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Vikolwa 26:19

“Ku lwa yago, O, Mwami Aguripa, sindahangaliza amalola gu mwigulu yago mba.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vafeso 5:6

Mutaleka mundu kali mulala amugaade na makuva gu vusiru mba; gaveeye kigira vindu yivi uvutima vwa Nyasaye vuduuka ku avandu vosi avavuraa kumutia.

Vafilipi 2:12

Kunangwa, avalina vange vayanze, kuli mwahulira kutura ku inzi lwa ndaali nimunyi kazozo, kuduuka muhuliri kandi kalunu lwambeeye ihale kutura ku munyi. Muzizagiliri kuyinzira nu vuti kandi ni lidegera kunangwa muduukizi ovohonyi vwinyu,

Vakolosai 3:6

Vandu vegomba vindu kuli yivi, uvutima vwa Nyasaye vulaza kuvo.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Vahebraina 3:18

Lwa Nyasaye yisuha ndi, “Sivalingira mu kivala cha ndakavaheye vososi, ni vanga vwaha ava yamoloma ku?” Ni yavo avibaara kuye.

Vahebraina 4:6

Yavo avatanga kwilwazirwa makuva malahi gi Ivangeri, sivanyoola vosoosi yivwo mba, kigira sivasuuvira mba. Kunangwa, vaveeye ho na valala vavugilirwa konyoora vosoosi yivwo.

Vahebraina 6:11

Lienya lietu linene liveeye ndi, sa mulala ku munyi alolekizi vugulu vwivwe kuduuka ku keheri, chu vuduukiru vwi lisuuvirizwa lienyu.

Joshua 7:3

virana kuhaana amakuva ga valora ku Joshua ndi, “Siliveeye ho ni lienya liu kutuma avandu vosi kuzia kwingilira lidaala lia Ayi mba. Tuma vuzwa ahimbi avandu vasaza zielefu ziviri anoho zivaga. Utatuma yo iliihi liosi mba; siliveeye lidaala linene mba.”

2 Petro 2:6

Nyasaye yakalagira amadara ga Sodoma na Gomora, kandi yaagadiviza nu muliru naagakora kelolero kiliekoleka ku yavo avatamanyi Nyasaye.