Vahebraina 3:8 - KITABU KITAKATIFU

⁸ mutadinyia mioyo jinyu kuli avaguuga vinyu vakora lwa vibaara ku Nyasaye, kuli vaali lidiku yilio mwigendanyama lwa vageriza Nyasaye.

Vahebraina 3:8 Iomraidhean Croise

2 Avami 17:14

Navuzwa sivali vanyara kulihulira mba; vaali ava magoti madinyu kuli vaguuga vaavo, avavura kusuuvira Yahova, Nyasaye wavo.

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

Nehemia 9:16

Navuzwa avaguuga viitu vigingiraa kandi vaali avamagoti madinyu ligali, kandi nivasuula kuhulira amalago googo.

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Zaburi 106:14

Navuzwa vizura likayirwa linene lie chukulia mu changalangwe, ma nivageriza Nyasaye.

Zaburi 78:18

Vasavira ligali kogeriza Nyasaye mu mioyo jaavo, ku liteeva vahevwe viukulia kuzinguru via vakayirwa kulia.

Zaburi 78:56

Navuzwa avandu va Isiraeli vibaara ku Nyasaye Wuvunyali, kandi nivamugeriza. Sivahulira malago geege mba.

Zaburi 95:8

“Mutadinyia magoti ginyu mba, kuli avaguuga vinyu vaakora ha Meriba, kuli vaali ku lidiku yilio muchangalangwe na Maasa.

Kutwula 17:7

Havundu hazana halangwa Maasa na Meriba, kigira avandu va Isiraeli vililira kandi vageriza Yahova lwa vateva, “Yahova aveeye nikunyi anoho mba?”

Kutwula 8:15

Lwu Mwami yalora amakere gamali kukuza, yadinyia mwoyo gwigwe ligali, kandi kuli Yahova yaali niyavoola ndi Mwami siyalahulira Musa na Haruni mba.

Tsing'ano 28:14

Aveeye nuvugasu mundu utizaa Yahova kazozo, navuzwa oyo oveeye ni kirage aladivizwa.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Danyeli 5:20

Navuzwa kigira yaali ni liegingira, kilage kandi nava mululu, yatulizwa ku vwami kandi naagotiza luyali lwilwe.

Livalidza 14:11

Yahova yavolera Musa, “Avandu yava valasura kuduuka ing'inga ki? Valavula kusuvira kuduuka ing'inga ki, kali niiva mali kokora vilolekizu vinyingi hagati haavo?

Matayo 13:15

kigira mioyo ja vandu yava jigwiyi midamanu kandi amatu gaavo galiduhi ku lihulira kandi vamwolizi zimoni ziavo. Gase vakaloli ni zimoni ziavo kandi vakahuliyi na matu gaavo. Nu kumanya zing'anagani ziu mu mioyo jaavo n nu kwiganira vaaluhi viirane ku inzi, na inzi mbahonyie.’

Vikolwa 19:9

Navuzwa avalala kuvo ni kilage ni, vasuura kusuuvira; vatanga konyega miigizu gu Mwami Yeso imbiri wa avandu. Kunangwa Paolo yahuka kuvo, naahira halovega aviigi veve, namolomaa navo kazozo munyumba ya amasomo ya Tairano.

Vikolwa 7:36

Niyie wimilira avandu yava kutura mu Egebeti niyakamara kokora vilolekizu kandi viokogenyia mu kivala cha Egebeti, mu Inyanza Inzakanyu kandi mu changalangwi ku mihiga arubaini.

1 Vakorintho 10:9

Kutageriza Mwami kuli valala kuvo vamugeliza ma niviitwa ni zinzoka mba.

Kwidzulitsa 6:16

“Mutagelizi Yahova Nyasaye winyu, kuli mwamugelizira ha Maasa mba.

1 Samweli 6:6

Kigira ki muve ni mioyo midinyu kuli mwami na vandu va Egebeti? Mutivilira kuli Nyasaye yavakola vasiru kuduuka lwa valeka avandu va Isiraeli vatule vazie.