Vahebraina 3:3 - KITABU KITAKATIFU

³ Yeso aveeye wuvukumi kuvita Musa, kuli mwumbaki winyumba aveeza nilizominywa kuvita inyumba yene.

Vahebraina 3:3 Iomraidhean Croise

Zekaria 4:9

“Zerubabeli umali ku viika muse gwi Litembeli, kandi alamaliriza kuliumbaka. Lwayaga gekoleka, avandu vange valamanya ndi ninzi umali kukutuma kuvo.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

1 Vakorintho 3:9

Kunyi koveeye avamwavo, avayinziri va Nyasaye; na munyi muveeye mulimi gwa Nyasaye, kandi muveeye kuli inyumba ya Nyasaye.

2 Vakorintho 3:7

Lilaga liavazwa mu zinduguta ku vigaho via magina, vukumi vwa Nyasaye vwaloleka lwa liahaanwa. Kali niiva vong'ereng'anu vwu mumoni mwa Musa vwali nivogehaa, vwaloleka kuva vwizinyulu ligali, kali vandu va Isiraeli sivali vanyara kumwumika mba. Niiva Lilaga liletaa likuza liakazi nu vukumi kuli yivu, maku vukumi vwa Roho aletaa voveeye vonene ligali.

Vakolosai 1:18

Aveeye mutwi gwu muviri gwigwe, likanisa; aveeye uvutangiliru vwi livamwoyo liu muviri zana. Aveeye Muyaayi watanga kwivulwa, uwasimugukizwa kutura mu likuza, kunangwa oyo yenyine aduuki kuva wu mu vindu viosi.

Vahebraina 2:9

Navuzwa kololaa Yeso, wakolwa kuva mukekeeke ku zingelosi ku ing'inga engekeeke, kunangwa kuvitira mu zimbavasi zia Nyasaye, aduuki kukuzira avandu vosi. Kumulolaa kalunu naavikiywi itaji yu vukumi kandi yuluyali kigira uvusaliri vwi likuza lilie.

Vahebraina 3:4

Vuli inyumba yumbakwa nu mwumbaki, na Nyasaye niyie umali kwumbaka vindu viosi.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.