Vahebraina 3:12 - KITABU KITAKATIFU

¹² Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Vahebraina 3:12 Iomraidhean Croise

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

Ayubu 21:14

Avachamu vaavoolera Nyasaye, “Tula ku kunyi.” Sikwenyaa kumanye zinzira zizio mba.

Ayubu 22:17

Avandu yava vaavoolera Nyasaye, ‘Tula ku kunyi, kandi unyala kukokola kindiki?’

Zaburi 18:21

Mali kuhulira amalago ga Yahova, kandi sindagirung'ana kutura ku Nyasaye wange mba.

Tsing'ano 1:32

Avandu vasiru vakuza kigira vasuura ovogeri, na vayingu vadivaa kigira liesuuviriza liavo.

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Jeremia 11:8

Navuzwa si vahulira anoho si vaatia mba. Muvogono yivwo vuli mundu samulala yaazizagilira kuva mudinyu kandi kokora uvudamanu kuli kazozo. Ndaali ni ndavalaga vaviiki lilagana liange navo, navuzwa vasuura. Kunangwa, ndaviika kuvo viramo viosi vie lilagana kuli ndaali nimbalagi.”

Jeremia 16:12

Navuzwa mumali kokora vudamanu ligali kuvita kali avaguuga vinyu. Munyi mwosi muveeye avahindagirizi kandi aviziimbi, kandi simutizaa inzi mba.

Jeremia 17:5

Yahova avoora, “Ndakalagira oyo ugirung'anaa kutura ku inzi, kandi usuviraa mu mundu, kandi mu zinguru zizie.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Jeremia 18:12

Valativura, ‘Awa, kigira ki kokole ndio? Kunyi kwosi kulava kuli avahindagirizi kandi avandu avuvudamanu kuli kwenya.’ ”

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Ezekieli 14:5

Vifananyi yivi viosi vimali kugirung'anyia vandu va Isiraeli kuzia ihale kutura ku inzi, navuzwa kuvitira mumativuli gange mbe nilisuvira ndi valirana ku inzi.

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Matayo 24:4

Yeso yavativulira, “Mugerihi! Mutaleka umundu woosi kali mulala amugaade.

Marko 13:23

Navuzwa mugerihi! Inzi mali kumuvolera ivindu viosi nivikikiri kuduuka.

Marko 13:33

Muhenze, mulindi kigira simumanyi lwi ing'inga yeyo iliduuka mba.

Marko 13:9

“Munyi aveene muve avageri. Avandu valakamuzaame, nukumugumira nukumuhira mu viyaalo. Kandi valakamukuyiri mu masinagogi. Mulakasingiri imbiri wa vamiihi na avami vanene vikivala kigira inzi, muduuki kuva avalolekizi vange kuvo.

Luka 21:8

Yeso yaavativula, “Mugerihi mutagadwa mba. Kigira avanyingi valaza mu lieta liange, nivavoora, ‘Inzi niyie,’ kandi, ‘Ing'inga eveeye ahimbi,’ Mutavalonda mba.

Varumi 11:21

Niiva Nyasaye siyavererera Avayuda vaveeye iziisia zieligali, uganaganaa alavererera ivi?

1 Vakorintho 10:12

Woosi wiganagana asingiyi vudinyu vwakaveeye vulahi yeehenze, gase alagwa!

Vakolosai 2:8

Muhenze vulahi gase mundu woosi alamukola vahambe kandi avatugwa ku vogeri vwu mu kivala nuvugadi vwa vuzwa, vwo vogeri ni miima ja avandu vituraa ku miigizu ga avandu na mademoni gamiihaa mu vwerefu, agataveeye ga Kristo.

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Vahebraina 10:31

Keveeye kindu chu kutihiza ligali kugwa mu makono ga Nyasaye oveeye mwoyo.

Vahebraina 10:38

Navuzwa avandu vange valungi valava mwoyo kigira lisuuvira; niiva mulala kuvo yirana inyima, mwoyo gwange sigulamuyaanza mba.”

Vahebraina 12:15

Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.

Vahebraina 12:22

Mu vogono yivwo, munyi mumali kuuza ku Kiguru cha Ziyoni, kandi ku lidaala linene lia Nyasaye oveeye mwoyo, Jerusalemi yumwigulu, harara ni zielefu zie zingelosi zialio.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 3:1

Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

Vahebraina 3:10

Kunangwa, ndaali nuvutima na vandu yavo nimbora, ‘Vibaara ku inzi, kazozo kandi sivenyaa kuhulira malago gange mba.’

Vahebraina 3:19

Kunangwa kolola ndi, sivali vanyara kwingira mu kivala cha valagwa mba, kigira livula kusuuvira.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.