Vahebraina 3:1 - KITABU KITAKATIFU

¹ Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

Vahebraina 3:1 Iomraidhean Croise

Zaburi 110:4

Yahova yalomba lisuuvirizwa na sialagirung'anyia zing'anagani zizie mba, “Ivi ulava musaalisi mihiga ni mihiga kolondekana ku ovolohizi vwu vusaalisi vwa Melikizedeki.”

Isaya 1:3

Zing'ombe ziamanya mwenezio kandi zibunda ziamanya mwenezio ahazilihizilaa. Navuzwa avandu vange Isiraeli sivamanyi mba, kandi sivahulira mba.”

Isaya 41:20

Avandu valakalole yaga kandi valakamanye ndi Inzi, Yahova, mali kokora yaga. Valakamanye ndi, Nyasaye Mutakatifu, wa Isiraeli okoli yaga kokoleka.”

Isaya 5:12

Mu lilia lienyu musangalaa nimukuba uvukana, amadungu, amarere, kandi zisugudi, kandi ni munwa iwaini. Navuzwa simuveeye ni limanyiriza miyinzi ja Yahova Nyasaye akola mba.

Ezekieli 12:3

“Kalunu, Mwana wu Mundu, vungiliza misigo jijo kuli uwilihaminywa kandi inyinga ya mbasu vandu nivaloraa. Oleke vuli mundu akolole nuzizaa havundu handi. Namusia avibaali yavo valakolola nuzizaa.

Ezekieli 18:28

Yizuliza agakolaa ma yiganira uvwoni vwosi vwakolaa, mundu ligali sialakuza mba, navuzwa alazizagilira komenya.

Haggai 1:5

Si muloraa chekoleka ku munyi?

Haggai 2:15

Yahova avoora, “Munyala kolola chekoleka ku munyi? Ni mukikiri kutanga kwumbaka Litembeli vuhia,

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 20:21

Yeso yavavolera kandi, “Mirembe jive ku munyi! Kuli Baba yanduma, kandi nainzi nduma munyi.”

Yohana 20:27

Maku yavolera Tomasi, “Leeta kedete chicho udiiri mu zimbara zia makono gange; leeta mukono gugwo uhambe mu zimbalu ziange. Utava nilihayahayiza, navuzwa usuuviri!”

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Varumi 11:17

Yee, zindala ku zisia ziu muzeituni gwu mulimi gwa vasembeleraa zimali kuvunagwa, na mu vwiyangu vwazio, munyi iziisia zia muzeituni gwu mu mulitu zimali kuhambanywa kugwo, munyi avandu vi zihiiri zindi ni munyi avaveeye kuli iziisia zia muzeituni gwu mulitu, na kalunu musangaa harara na Vayuda livamwoyo liumu Roho lie zinguru.

Varumi 15:27

Aveene vamali kotovola kokora ndio; navuzwa kuduuka vavakonye. Avayuda vaasanga navo ivihaanwa viu mu Roho, kunangwa kuduuka vandu vizihiiri navo vatumikiri imiandu jaavo kokoonya Avayuda.

Varumi 15:8

Inzi muvooleraa ndi, Kristo yakolwa mutumwa wa Vayuda aduuki kumanyia ndi Nyasaye aveeye musuuvirifu, kandi kudinyiriza lisuuviriza lia Nyasaye yahaana ku vaguuga viitu liduuki kuva liagiligali.

Varumi 9:24

Kunyi koveeye vandu vayalanga, sigaveeye kutura hagati ha Vayuda venyine, navuzwa kandi kutura mu vandu vi zihiiri.

1 Vakorintho 1:2

Kong'oderaa munyi avaveeye likanisa lia Nyasaye mu lidaala lia Korinzo, kandi ku vosi avalangwa kuva avandu vatakatifu va Nyasaye, avaveeye veeve mu lihambanywa harara na Kristo Yeso, harara na vandu vosi hoosi havundu hoosi vasigamira Mwami wiitu Yeso Kristo, Mwami wavo kandi mwami wiitu:

1 Vakorintho 10:17

Kigira goveeye umugadi mulala, kunyi avakoveeye vanyingi, koveeye umuviri mulala kigira kwosi kusangaa umugadi mulala mwere yigu.

1 Vakorintho 9:23

Ngolaa yaga goosi kigira nyenya Ivangeri ilaande kunangwa nduuki kusanga mu vugasu vwayo.

2 Vakorintho 1:7

Kunangwa lisuuvirizwa lietu mu munyi silinyala kodengeyizwa mba; kumanya ligali kuli musangaa mu vusaliri vwitu, kandi mulasanga ndio mu vokonyi vwa kunyi konyoora.

2 Vakorintho 9:13

Kigira mativuli gu vutumiki vwinyu yivu, avanyingi valakuminya Nyasaye kigira lihulira lienyu liu kwiyama Ivangeri ya Kristo kandi kigira uvuhaani vwinyu kuvo nu ku vandu vandi vosi.

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Vafeso 4:1

Kunangwa, inzi oveeye muhambe kigira ndumikiraa Mwami, mugoonyaa mumenye kolondekana ni liiva lia Nyasaye yaviikaho lwa yamulanga.

Vafeso 4:4

Haveeye nu muviri mulala, kandi Roho mulala, kuli haveeye kandi ni lisuuvirizwa lilala lia Nyasaye yamulangira.

Vafilipi 3:14

Kunangwa inzi nyagura zimbiru vulungi kuduuka ahukutwekizira no okonyora itaji yi liguuta eveeye lilangwa lia Nyasaye kuvitira mu Kristo Yeso, kuduuka ku livamwoyo lie igulu.

Vakolosai 1:12

musandiza Baba, umali kumuvugilira kusanga mu miandu juvugasu vwa Nyasaye yavikira Vakrisitayo veve mu vwami vwu vulavu.

Vakolosai 1:22

Navuzwa kalunu umali kumuhambanyia kuvitira mu likuza liu Mwana mu muviri gwinyama ya Kristo, kigira likuza lio Mwana weve aduuki kumuleeta imbiri weve avatakatifu, avataveeye nelihiolo kandi avatali nimbara kuye.

Vakolosai 3:12

Kunangwa kuli avandu vatovole va Nyasaye, avaveeye avatakatifu na vayaanzwa, muve nu mwoyo gwi zimbavasi, vogoosi liegehiza, vohoma kandi, vwikuziri.

1 Vatesalonike 2:12

Kwa muluviriza nu komuleminya umwoyo muduuki kumenya nokogenda mu liiva liyaanziza Nyasaye, uwamulanga muduuki kusanga mu vwami nu vukumi vwivwe.

1 Vatesalonike 5:27

Mugoonyaa mu vunyali vwu Mwami ndi, ibarwa yiyi esomerwe avaamitu vosi.

2 Vatesalonike 1:11

Kigira yaga, kumusaalira vuli kazozo. Nyasaye wiitu aduuki kumukola kuva avadukiru mu livamwoyo lia yamulangira komenye. Nyasaye ayaanze atwekizi lienya lienyu liu vulahi, kandi atwekizi miyinzi josi ji lisuuvira.

2 Vatesalonike 2:14

Nyasaye yamulanga kuvitira mu Ivangeri ya kwamwilwazira. Yamulanga muduuki konyoora vukumi vwu Mwami wiitu Yeso Kristo.

Vahebraina 10:19

Kunangwa, avaamitu vange, kigira masahi ga Yeso, koveeye no vovoholore vwosi vwu kwingira Hatakatifu ligali.

Vahebraina 10:21

Koveeye nu musaalisi munene ligali oveeye nuvunyari munyumba ya Nyasaye.

Vahebraina 10:23

Gendi kugumiri vudinyu lisuuvira lietu vugira lihayahaya, kigira Nyasaye walomba lilagana yili aveeye musuuvirifu.

Vahebraina 13:22

Ng'onyaa munyi avaamitu vange, muhulirizi nu vwikuziri ku likuva lie lizuvwa yili, kigira ibarwa ya mung'odeye yiyi sieveeye indambi mba.

Vahebraina 2:11

Oyo atakasaa vandu kutura muvwoni vwavo, kandi yavo avakolwa avatakase, vosi vaveeye na Baba mulala. Yiki nicho kigira Yeso nataveeye nizisoni kuvalanga avamwavo veve.

Vahebraina 2:17

Kigira yaga, gamuduukira ave kuli avamwavo veve munzira yoosi, kunangwa aduuki kuva Musaalisi Munene wavo wi zimbavasi kandi wu vusuuvirifu mu vutumiki vwivwe ku Nyasaye, kunangwa aduuki kusamiiha avandu vwoni vwavo.

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

Vahebraina 6:20

Yeso yitaa kwingira mu, mu vogono vwitu, kandi umali kuva musaalisi munene mihiga ni mihiga kolondekana novolohizi vwu vusaalisi vwa Melikizedeki.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

Vahebraina 7:28

Lilaga lia Musa litovolaa avandu vataveeye vadukanu kuva avasaalisi vanene; navuzwa lisuuvirizwa lia Nyasaye lia yakola kuliesuuha, liaza inyima wi Lilaga, limali kotovola Mwana, umali kokolwa muduukiru mihiga ni mihiga.

Vahebraina 9:11

Kristo umali kuuza kuli Musaalisi Munene wi vindu vilahi vimali kuva hano. Lihema lia atumikaa mu liveeye linene ligali, kandi liveeye liduukiru. Lihema yili silialombwa na makono gavandu, agaveeye kovora, siliveeye lie lilombwa lie lirova yili mba.

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

1 Petro 3:5

Nindio avakali vatakatifu va Nyasaye visiahilaa vasaza vaavo kandi ni vegehiza kuvo.

1 Petro 5:1

Inzi, oveeye mukulundu wache, mbolera avakulundu vi livugana avaveeye hagati hinyu. Inzi mbeeye umuloli wuvusaliri vwa Kristo, kandi mbeeye umusangi wu vukumi vuliloleka.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

1 Yohana 1:3

Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.