Vahebraina 2:6 - KITABU KITAKATIFU

⁶ Mu vogono yivwo, kuli gamali kovoolwa havundu handi mu Mang'oda Matakatifu ndi; “O, Nyasaye, mundu aveeye ki, ivi uduuki kumwizuliza? Anoho Mwana wu mundu vuzwa, aveeye ki, ivi uduuki kumuhendera mwoyo.

Vahebraina 2:6 Iomraidhean Croise

Litanga 50:24

Yavolera avamwavo veve, “Inzi mbeeye ahimbi kukuza, navuzwa Nyasaye alamulinda. Alamutuliza mukivala yiki nukumuhira mukivala chayisuhizira Aburahamu, Isaka, kandi Yakobo.”

Ayubu 15:14

“Mundu woosi anyala kuva mulahi ligali? Anoho mundu anyala kuva mulungi imbiri wa Nyasaye?

Ayubu 25:6

Kunangwa na sindi mundu oveeye kiguguli, kandi mwana wu mundu oveeye eng'ende?”

Zaburi 144:3

O, Yahova, mundu siaveeye kindu imbiri woovo uduuki kumuhendera mwoyo? Kandi aveeye ki ivi uduuki kuganagana kigira kuye?

Isaya 40:17

Zihiiri ziosi siziveeye kindu imbiri wa Yahova mba, zivaliziiywi kuye kuva kuli mwika vuzwa.

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Luka 1:68

“Agasizwi Mwami Nyasaye wa Isiraeli, kigira umali kogeniha kandi ohonyi avandu veve.

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.

Luka 7:16

Avandu vosi vaali nuvuti, nivakuminya Nyasaye. Nivavoora, “Umuporofeti munene yanyooleki mu kunyi. Nyasaye yaazi kohonyia avandu veve.”

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Vahebraina 4:4

Havundu handi mu Mang'oda Matakatifu, yaga gavoolwa ndio ku lidiku lia saba: “Nyasaye yasosa ku lidiku lia saba kutura ku miyinzi jije josi.”

Vahebraina 5:6

Kandi yavoola havundu handi, “Ivi ulava musaalisi mihiga ni mihiga, mu vusaalisi ku lugano lwa Melikizedeki.”

1 Petro 1:11

Vageriza kwenya kumanyiriza ni ing'inga ki, kandi ni liiva lia lugano ki lwa Roho wa Kristo alilolekiza uvusaliri vulinyoola Kristo nu vukumi vuliva ho inyima wa yaga.