Vahebraina 2:3 - KITABU KITAKATIFU

³ Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Vahebraina 2:3 Iomraidhean Croise

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 20:6

Lwi ing'inga yene yeyo iliduuka, avandu vamenyi ahimbi ni lidaala lia Filisitia valakavoole, ‘Heenzi kugamali kokoleka ku avandu vakwasuuviraa vakukingi kutura ku mwami wa Asiria! Kunyi kunyala ndi kohona?’ ”

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 51:8

Zisere zilavalia kuli ziliizaa inguvu ingungu; zilavalia kuli ziliizaa inguvu yuvwoya. Navuzwa ovohonyi vwange ndeetaa, vulahindira mihiga ni mihiga. Liguuta liange lilava ho ku makura goosi.”

Isaya 62:11

Yahova alandizaa ku vandu vosi vi lirova ndi: “Muvoolere avandu va Jerusalemi, ndi Yahova yazaa kumuhonyia, kandi alaza harara na vandu va yamala kosoola.”

Ezekieli 17:15

Navuzwa Mwami wi Ivuyuda yibaala kandi natuma avatumwa kuzia Egebeti koleta zibarasi harara ni liihi lia vandu vanyingi. Alaguuta? Mundu okolaa vindu yivi anyala kohononoka? Anyala kuvunaga lilagano ma avuli konyoora mageri?”

Ezekieli 17:18

Yaavunaga lilagano kandi liesuuha lilie liayaali nalombi. Yakola vindu yivi viosi, na kalunu si alahona mba.”

Matayo 23:33

Zinzoka munyi! Avana vi vihirigoma munyi! Mu lihononoka ndi ku likalagirwa liu muliru gwe gehena?

Matayo 4:17

Kutura ing'inga yeyo, Yeso yaatanga kwilwaza navoora, “Mwiganiri, kigira Uvwami vwu mwigulu voveeye ahimbi!”

Marko 1:14

Kunangwa, lwa Yohana yaali namali kovofwa mu vuhambe, Yeso yazia Galilaya ni yilwaza Ivangeri ya Nyasaye.

Luka 1:2

Vang'oda ivindu via kwavolerwa na yavo avaari avaloli va moni na moni vi vindu yivio kutura mulitanga, kandi avilwaazi vi likuva yilio.

Luka 1:69

Okoheeye muhonyi wi zinguru kutura mukisukululwi cha Daudi mutumikiri weve.

Luka 24:19

Yeso yamuteeva, “Ni vindu ki?” Navo vativura, “Vindu viekoleka ku Yeso wa Nazareti, uwaali muporofeti, wizingulu ziu kokora nokovoora imbiri wa Nyasaye kandi imbiri wa vandu vosi.

Yohana 15:27

Na munyi, kandi, mulakave valolekizi vange kigira inzi, kigira mwali harara nainzi kutura mulitanga.

Vikolwa 1:22

Gamudukira ave uwahambana ni kunyi kutura ing'inga ya Yohana yabatizanga avandu kuduuka lidiku lia Yeso yavugurwa kutura ku kunyi kuzia mwigulu. Kuduuka ahambane ni kunyi, ave mulolekizi wi lisimuguka liu Mwami Yeso.”

Vikolwa 2:22

“Munyi avandu va Isiraeli, muhulirize amakuva yaga! Yeso wa Nazareti, yaali mundu wa Nyasaye yalang'aminya ku munyi ku vikolwa viokogenyia, na vie zinguru ni vilolekizu. Nyasaye yakolera vindu yivi muye hagati hinyu kuli munyi aveene mumanyi.

Vikolwa 4:12

Ovohonyi vulanyoleka kuvitira muye yenyine, kigira mu lirova liosi, siali ho nu mundu wundi woosi wa Nyasaye yahaana unyala kukuhonyia mba. ”

Varumi 11:14

Suuviraa nyara kokora avandu vi ihiiri yange vakendeke, na ndio nduuki kohonyia valala kuvo.

Varumi 2:3

Navuzwa ivi, umundu, ukalagiraa yavo avakolaa vindu kuli yivi na ivi mwene, okolaa viazana? Uganaganaa ulahononoka kutura mu likalaga lia Nyasaye?

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.

Tito 2:11

Nyasaye umali kumanyia zimbavasi zizie zio ovohonyi ku avandu vosi.

Vahebraina 1:1

Mu zing'inga zia kale, Nyasaye yavolerana na vaguuga viitu haali kanyingi muliiva lugano lugano kuvitira mu vaporofeti.

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

Vahebraina 4:11

Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Yohana 1:1

Kumung'oderaa munyi kolondekana ni Likuva lie livamwoyo iliali ho kutura mu litanga. Kwalihulira kandi kwalilora kunyi aveene, moni na moni; Yee, kwalilola kandi kwagumira kulio na amakono giitu.

Yudasi 1:17

Navuzwa munyi avalina vange avayaanze, mwizurizi amakuva ga vatumwa vu Mwami wiitu Yeso Kristo vamuvolera kale.

Likunula 7:10

Vaahanzuka nu mwoyo munene nivavoora: “Ovohonyi vuturaa ku Nyasaye wiitu uwikaye kondeve yu uvwami kandi kutura ku Mwana wi Ligondi!”