Vahebraina 2:17 - KITABU KITAKATIFU

¹⁷ Kigira yaga, gamuduukira ave kuli avamwavo veve munzira yoosi, kunangwa aduuki kuva Musaalisi Munene wavo wi zimbavasi kandi wu vusuuvirifu mu vutumiki vwivwe ku Nyasaye, kunangwa aduuki kusamiiha avandu vwoni vwavo.

Vahebraina 2:17 Iomraidhean Croise

2 Kyetsinyinga 29:24

Maku avasaalisi vita zimburi, nivavugura masahi gazio, nivuuha ku vwali, keve kihanwa chu kutuliza uvwoni vwosi vwa avandu va Isiraeli, kigira mwami yaali nalagi vihaanwa viukusamba ni vihaanwa viu vwoni vilomberwe Isiraeli yoosi.

Isaya 11:5

Alamiiha avandu veve nuvulungi kandi nu vusuuvirifu.

Ezekieli 45:15

“Ligondi lilala lilahaanwa kutura ku vuli chayo cha magondi 200, munyumba ya Isiraeli. “Mulaleeta vihaanwa viu vuswage, vihaanwa viu kusambwa, kandi vihaanwa vie mirembe kunangwa muduuki kusamifwa uvwoni vwinyu. Inzi Mwami Munene Yahova mali kulaga yaga.

Ezekieli 45:17

Gulava muyinzi gwu mwamihi kuhaana vihaanwa viu kusambwa, vihaanwa viu vuswage kandi vihaanwa vie iwaini ku ihiiri yoosi ya Isiraeli ku ing'inga ya masavo gu Mweli Muhia, Lisabato kandi masavo gandi. Kandi alahaana vihaanwa viu vwoni, vihaanwa viu vuswage, vihaanwa viu kusambwa, kandi vihaanwa vie mirembe kunangwa vandu va Isiraeli vaduuki kusamifwa uvwoni vwavo.”

Ezekieli 45:20

Ku lidiku lia saba liu mweli; mulakola ndio kandi havogono ha vuli mundu woosi uwaakola uvwoni mu livula kumanya anoho mu lizukanila. Mulikola ndio, mulakola Litembeli liange kuva litakatifu.

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Kyavalevi 14:18

Alaviika maguta gatigaye ku kigalo chiche ku mutwi gwa oyo utakaswa. Munzira yiyi musaalisi alalombera mundu oyo muruka gu kusamiiha uvwoni imbiri wa Yahova.

Kyavalevi 16:16

Munzira yiyi alakola muruka gwu kutakasa havundu hatakatifu ligali kutura ku vudamanu vwa vandu va Isiraeli kandi kutura muvwoni vwavo vwosi. Kuduuka akole ndio kandi ku Lihema liukuvuganira mu kigira liveeye hagati haavo na vaveeye vadamanu kolondekana nu muruka.

Kyavalevi 6:30

Navuzwa, niiva malala ku masahi gi kihanwa chu vwoni galeetwa mu Lihema ma gatumikirwi kolomba chukwogiza uvwoni, inyama yeyo italiivwa mba. Ilasambwa ku muliru.

Kyavalevi 8:15

Musa yaasinza igiriki zana, ma navugura malala ku masahi gayo, nekedete chiche nagavaka ku zinziga zie zimbega ziosi ziu uvwali kuvutakasa. Yamanya naasundula masahi gatigala ha lwaalo lwu uvwali. Munzira yiyi yavutakasa kigira vutumiki vwa Yahova.

Livalidza 15:25

Musaalisi alakola muluka gwu kukunika vwoni vwa vandu va Isiraeli. Valasamifwa, kigira gaali mahiolo ga vaakora vugira kumanya, kandi vamali koleta vihaanwa viavo viu vwoni, kandi vihaanwa viu kusambwa imbiri wa Yahova.

Varumi 15:17

Kunangwa, mbeeye ni kivuni chi lieyizominya mu Kristo Yeso kigira miyinzi ja ngolera Nyasaye.

Varumi 5:10

Kigira lwa kwaali nikukiri avasigu va Nyasaye, kwahambanywa naye kuvitira mu likuza liu Mwana weve; kuvita ligali, kalunu kumali kuhambanywa na Nyasaye, kulakahonywi ni livamwoyo lilie.

Vafeso 2:16

Ku likuza lilie ku musalaba, Kristo yadiviza vusigu vwavo. Kuvitira kunzira yu musalaba gwigwe yahambanyia zihiiri ziombi mu muviri mulala kandi naaviranyia ku Nyasaye.

Vakolosai 1:21

Na munyi, ku maziambiri mwaali ihale kutura ku Nyasaye kandi mwaali avasigu veve mu zing'anagani kandi, mu vikolwa vienyu vidamanu,

Vahebraina 10:21

Koveeye nu musaalisi munene ligali oveeye nuvunyari munyumba ya Nyasaye.

Vahebraina 2:11

Oyo atakasaa vandu kutura muvwoni vwavo, kandi yavo avakolwa avatakase, vosi vaveeye na Baba mulala. Yiki nicho kigira Yeso nataveeye nizisoni kuvalanga avamwavo veve.

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

Vahebraina 2:16

Gaveeye havulavu ndi, siziveeye zingelosi avaakonyaa, navuzwa, “Akoonyaa visukululwi via Aburahamu.”

Vahebraina 3:1

Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

Vahebraina 3:2

Yaali musuuvirifu ku Nyasaye wamutovola kokora miyinzi yiji, kuli Musa yaali musuuvirifu munyumba ya Nyasaye.

Vahebraina 3:5

Musa yaali mutumikiri musuuvirifu ligali munyumba yoosi ya Nyasaye, kandi yamoloma vindu via Nyasaye yazizaa kovora mu zing'inga ziza.

Vahebraina 4:14

Maku gendi kugumiri vudinyu ligali lieyama lisuuvira lietu lia kovora koveeye nu Musaalisi Munene ligali umali kuzia kuduuka mwigulu imbiri wa Nyasaye naye ni, Yeso Mwana wa Nyasaye.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

Vahebraina 5:1

Vuli Musaalisi Munene atovolwa na Nyasaye kutura mu vandu veve, kandi aviikwa kutumikira Nyasaye mu vogono vwavo, aduuki kuhaana visiuviliru kandi vihaanwa kigira vwoni vwavo.

Vahebraina 5:10

Nyasaye yamutovola kuva Musaalisi Munene ku lugano lwu vusaalisi vwa Melikizedeki.

Vahebraina 5:2

Kigira oyo mwene aveeye mudedekere mu zinzira zinyingi, anyala kwikuzira no vohoma vwosi ku yavo avataveeye nilimanya navakolaa vudamanu.

Vahebraina 5:5

Kandi ndio, Kristo siyenenehiza nukwivugulira mwene uluyali lwu kuva musaalisi munene mba. Navuzwa Nyasaye yamuvolera, “Ivi oveeye Mwana wange; kalunu inzi mali kugwa Baba woovo.”

Vahebraina 6:20

Yeso yitaa kwingira mu, mu vogono vwitu, kandi umali kuva musaalisi munene mihiga ni mihiga kolondekana novolohizi vwu vusaalisi vwa Melikizedeki.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

Vahebraina 7:28

Lilaga lia Musa litovolaa avandu vataveeye vadukanu kuva avasaalisi vanene; navuzwa lisuuvirizwa lia Nyasaye lia yakola kuliesuuha, liaza inyima wi Lilaga, limali kotovola Mwana, umali kokolwa muduukiru mihiga ni mihiga.

Vahebraina 8:1

Kalunu kivuni kenene cha makuva ga kovora ni yiki: koveeye nu Musaalisi Munene wu lugano yilu, wikala ha mukono mulungi gwendeve yu vwami vwa Nyasaye Wuvunyali, mwigulu.

Vahebraina 8:3

Vuli musaalisi munene atovolwa ahaane vihaanwa harara nivisiuviliru viezinya ma ku Nyasaye; kandi gaduukiraa Musaalisi Munene wiitu ave ni kindu chukuhaana.

Vahebraina 9:11

Kristo umali kuuza kuli Musaalisi Munene wi vindu vilahi vimali kuva hano. Lihema lia atumikaa mu liveeye linene ligali, kandi liveeye liduukiru. Lihema yili silialombwa na makono gavandu, agaveeye kovora, siliveeye lie lilombwa lie lirova yili mba.