Vahebraina 13:2 - KITABU KITAKATIFU

² Mwizurizi kwingiriza avageni mu zinyumba zienyu. Mu likora ndio vaali ho avalala vingiriza zingelosi nivatamanyi.

Vahebraina 13:2 Iomraidhean Croise

Litanga 18:1

Yahova yaloleka ku Aburahamu ha misaala mitakatifu ja Mamure. Lwa Aburahamu yaali niyikaye mu vwingiliru vwe lihema lilie mu ing'inga yu muvasu gwaali munyingi mu lidiku,

Litanga 19:1

Lwi zingelosi vaviri vaduuka mu lidaala lia Sodoma ing'inga ya ha mugolova, Loti yaali niyikaye ha kirivwa chi lidaala. Nonoho lwa yavalola, yazia navaganira. Yinama imbiri wavo

2 Avami 4:8

Lidiku lilala, Elisha yazia Shunemu wu umukali mutugi yamenya. Mukali zana yamugenihiza azie kulia chukulia, na kutura ulwene yilwo kuzizagilira, vuli ing'inga lwa Elisha yazizaa Shunemu, yanyoora chukulia chiche munyumba yeeye.

Ayubu 31:19

“Niiva ndola mundu nadivaa kigira livula kuva nizinguvu, anoho mundu mudaka nataveeye nizinguvu ziukwivika,

Ayubu 31:32

Ndaagenihiza avandu vokologendo munyumba yange, na sindavaleka vagone kuzinzira mba.

Isaya 58:7

Musange viukulia vienyu harara na vaveeye ninzara kandi mwiguli zinyumba ku vadaka vatali na hango. Muhaane zinguvu ku yavo avatali nikindu chukwiviika, kandi mutasuula kokoonya aviiko vinyu mba.

Kyavalevi 19:34

Muvakolere kulia vandu va Isiraeli vache vinyu, muvayaanze kuli mwiyaanzaa vene. Mwizurizi ndi munyi kandi mwaali avageni mu kivala cha Egebeti. Inzi mbeeye Yahova Nyasaye winyu.

Matayo 25:35

Ndaali ninzara na munyi mwamba chu kulia; ndaali nu vuluhu na munyi mwamba chu kunwa. Ndaali umugeni na munyi mwanyingiriza.

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Matayo 25:43

Ndaali umugeni na simwanyingiriza. Ndaali chahonyo na simwambika mba; ndaali umulwaye kandi mu vuhambe, navuzwa munyi simwaninda mba.’

Vikolwa 16:15

Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

Varumi 16:23

Mugenihizi wange Gayu, kandi wi likanisa livuganiraa munyumba yeeye, amuchelizi. Erasito, umuviiki wi miandu ji lidaala linu, harara na Kwaritasi amiitu wiitu, vamuchelizi. [

Tito 1:8

Gamudukira ave mwingirizi wa vageni kandi uyanzaa gaveeye malahi. Gamudukira ave mwilindi wuvulungi, umutakatifu, kandi wi miima milahi.

1 Petro 4:9

Mugenihizane aveene naveene vugira kwigana.

3 Yohana 1:5

Umulina muyanze wange, oveeye umusuuvirifu ligali mu miyinzi josi jokolaa kokoonya avaamitu Vakrisitayo kali nivaveeye avageni.