Vahebraina 13:17 - KITABU KITAKATIFU

¹⁷ Muhuliri aviimiliri vinyu, kandi mwegehizi ku malago gaavo. Valinda kazozo vugira lisosa, kigira kuduuka valahaane ku Nyasaye makuva gu vutumiki vwavo. Nimuvahulira, valakola miyinzi jaavo nuvusangali; nigataveeye ndio, valajikola novovereri, nandio sigalava novokonyi ku munyi mba.

Vahebraina 13:17 Iomraidhean Croise

Litanga 16:9

Engelosi yamuvolera, “Wirane ku munene woovo ma wegehizi kuye.”

Kutwula 32:31

Musa yirana ku Yahova navoora, “Avandu yava vamali kokora uvwoni vonene ligali, na velombeeye umunyasaye wizahabu.

Tsing'ano 5:13

Sindenya kuhuliriza ga vigizi vange mba. Sindahulira ga wavoola mba.

Isaya 62:6

O, Jerusalemi, mali kuviika avasikari ku amadigi giinyu. Si valachiring'ana mu muvasu gwosi kandi mu vudiku vwosi mba. Munyi avizulizaa Yahova, mutaleka amwiviliri mba.

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Ezekieli 33:2

Yavoola, “Mwana wu Mundu, ovoolere avandu vovo agekoleka lwa ndeta uvulwani ku kivala. Avandu vi kivala chene yicho vatovora mulala kuvo kuva musikari.

Luka 16:2

Kunangwa mutugi yamulanga namuvolera, ‘Ni makuva ki gambuliraa ku ivi? Leeta livaliza liu vulindi vwi linyola nu vutumikiri vwi vindu viange; kigira siunyala kuva mulindi wange kandi mba.’

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Varumi 14:12

Kunangwa, sa mulala ku kunyi alakivaale makuva geege mwene, imbiri wa Nyasaye.

1 Vakorintho 16:16

Mugoonyaa, avaamitu vange, mwegehizi kandi mulonde vwimiliri vwa vandu kuli yavo, nu vwimiliri vwa vuli mundu okolaa imiyinzi kandi utumikaa harara navo.

Vafeso 5:21

Mwegehizirane aveene naveene mu liitia Kristo.

Vafilipi 1:4

Vuli ing'inga lwa salira munyi mwosi, saalaa nu uvusangari

Vafilipi 2:12

Kunangwa, avalina vange vayanze, kuli mwahulira kutura ku inzi lwa ndaali nimunyi kazozo, kuduuka muhuliri kandi kalunu lwambeeye ihale kutura ku munyi. Muzizagiliri kuyinzira nu vuti kandi ni lidegera kunangwa muduukizi ovohonyi vwinyu,

Vafilipi 2:16

lwa muva muvahezaa likuva lie livamwoyo. Nimuva nimukora ndio, inzi ndava ni kivuni chukwekonya kigira munyi Lidiku lia Kristo, kigira lilamanyia ndi ilinyang'ana liange liosi harara ni miyinzi josi sijali ja vuzwa mba.

Vafilipi 2:29

Mumwingirizi nu uvusangari vwosi kuli aminyu mu Mwami. Muhaane uluyali ku avandu avaveeye kuli oyo,

Vafilipi 3:18

Ndaamara kumuvolera amakuva gaavo haali kanyingi ulwimbiri, kandi kali kalunu nziraniraa kumuvolera na amaliga: vaveeye ho na avandu avanyingi avaveeye avasigu vu musalaba gwa Kristo.

Vafilipi 4:1

Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

2 Vatesalonike 3:14

Hawundi mulala alasura kuhulira likuva lia kutumaa ku munyi mu ibarwa yiyi. Nigava ndio, mu manyirizi mundu oyo, mutava ni lihambana naye mba, kunangwa aduuki kuva esoni.

Vahebraina 13:24

Haani mirembe ku viimiliri vinyu vosi, harara na vatakatifu vosi. Avamwavo vinyu mu Kristo kutura Italia vahaani mirembe kumunyi.

Vahebraina 13:7

Mwizurizi aviimiliri vinyu va maziambiri, avamwilwazira likuva lia Nyasaye. Muganagane ligali kuli vamenya kandi kuli vaakuza, mwigi kutura ku lisuuvira liavo.

Yakobo 4:7

Kunangwa, mwegehizi ku Nyasaye; Muhingiri Setani, naye alamwiruka.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

1 Samweli 8:19

Navuzwa vandu yavo vasuura kuhulira Samweli. Vavoola, “Awa! Kwenyaa umwami,