Vahebraina 13:16 - KITABU KITAKATIFU

¹⁶ Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

Vahebraina 13:16 Iomraidhean Croise

Zaburi 37:3

Usuuviri Yahova, na okole agaveeye amalahi, na ndio ulamenya mu kivala mu likingwa lilie.

Zaburi 51:19

Hene yaho, ulayaanzizwa ni visiuviliru viduukira kandi nivihaanwa vietu ni viukusambwa; kandi zigiriki ziliitirwa ku vwali vuvwo kuli visiuviliru.

Luka 18:22

Lwa Yeso yahulira yaga, yamuvolera, “Wenyekaa okole kindu kilala kandi. Gulizaa viosi via oveeye navio, ugavuliri avadaka, na ulava nilivikiru liilio mwigulu; maku, uzi ononde.”

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Vikolwa 9:36

Yaali ho mukali mulala mu lidaala lia Jopa walangwa Tabita. Mu Luguriki ni Torokasi, ligirung'anyia lialio ni kisusu. Mukali uyu yakola miyinzi milahi jokokoonya avadaka kazozo.

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

Vagalatia 6:10

Kunangwa ing'inga yakoveeye nu vwiyangu, kuduuka kokole uvulahi ku avandu vosi, mbitilira ku yavo avaveeye avinyumba yitu mu lisuuvira.

Vagalatia 6:6

Mundu wigizwa likuva liu Vukristayo kuduuka asaange ku vindu viosi vilahi viaveeye navio nu mwigizi weve.

Vafeso 4:28

Mundu wivaa atiiva kandi mba, navuzwa nivulahi adidikane, ayinziri na makono geege, akole kindu keveeye chuvusuuvirifu, kandi aduuki kuva mundu unyala kokonya mudaka.

Vafilipi 4:14

Navuzwa mwakora vulahi ligali lwa mwangoonya mu vudinyu vwange.

Vafilipi 4:18

Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

2 Vatesalonike 3:13

Navuzwa munyi, avaamitu viitu, mutaluha likora amalahi.

Filemona 1:6

Lisaala liange liveeye ndi, lisanga lietu harara niivi ku vandu avasuuviri lilakaleete limanyiriza linene liu uvugasu vwosi vwa kunyi koveeye navwo, mu vuhambani vwitu mu Kristo.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

3 Yohana 1:11

Mulina, wange muyanze, utiiga kokora kindu ekeveeye kidamanu mba, navuzwa wigi kokora kindu ekeveeye kilahi. Mundu woosi okolaa vulahi atulaa ku Nyasaye; kandi mundu woosi okolaa agaveeye amadamanu, akikiri kolola Nyasaye.