Vahebraina 13:11 - KITABU KITAKATIFU

¹¹ Musaalisi Munene Wavayuda yaleeta amasahi gi zinyama Havundu haveeye Hatakatifu ligali kugahaana kuli kisiuviriru chu vwoni; navuzwa miviri ji zinyama jasaambirwa ichova wa ahokososa.

Vahebraina 13:11 Iomraidhean Croise

Kutwula 29:14

Navuzwa usambiri inyama yi igiriki, ekesero chayo, harara na mara gayo ichova wa hokososa. Yiki ni kihanwa chu kutuliza uvwoni vwa vasaalisi.

Ezekieli 43:21

Uvuguli igiriki ihaaniywi kuva kuli kisiuviriru chu vwoni, ma ugisambiri havundu hatovoleywi ichova wi Litembeli.

Kyavalevi 16:27

Igiriki ni imburi, viatumikirwa kigira kihanwa chu uvwoni, via masahi gavio galeetwa havundu Hatakatifu ligali kutuliza ho uvwoni, vilahirwa chova wa hokososa nu kusambwa. Kesero, inyama na mala vilasambwa.

Kyavalevi 6:11

Ahene yaho alatuliza zinguvu zizie nukwivika zinguvu zindi, kandi alagiinga ligoke nukulihila ichova wa hokososa havundu haveeye halahi kolondekana nu muruka gwi idini.

Kyavalevi 6:30

Navuzwa, niiva malala ku masahi gi kihanwa chu vwoni galeetwa mu Lihema ma gatumikirwi kolomba chukwogiza uvwoni, inyama yeyo italiivwa mba. Ilasambwa ku muliru.

Kyavalevi 9:11

Navuzwa yasambira inyama nekesero ichova wi lidaala.

Kyavalevi 9:9

Avayaayi veve vamuleetera masahi, naye yiina mu kedete chiche naviika malala ku zinziga ziu uvwali. Yasundula masahi gatigala mu lwaalo lwuvwaali.

Livalidza 19:3

Vahane kemoli yiki ku musaalisi Elieza. Kemoli yiki kilahilwa ichova wa hokososa ma kisinzwi imbiri wo musaalisi.

Livalidza 19:7

Inyima wa yaga afuuyi zinguvu zizie, ma yisundulili amazi, maku anyala kwingira hokososa; navuzwa alava nakikiri mudamanu kuduuka hamugorova.