Vahebraina 12:27 - KITABU KITAKATIFU

²⁷ Likuva yili, ing'inga yindi kandi, limanyia havulavu ndi ivindu vialombwa na Nyasaye viosi viladegerizwa, kandi vilakatulizwi ho, kunangwa vindu vitanyala kudengeyizwa vilakatigale.

Vahebraina 12:27 Iomraidhean Croise

Isaya 34:4

Liuva, mweli, ni zing'ereng'ani zilavunguluka hasi ku lirova. Ligulu liliringa kuli likaratasi liringangwa, kandi zing'ereng'ani zilagwa hasi kuli amatu ga makuyu anoho misaala ja makuyu.

Isaya 54:10

Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Isaya 65:17

Yahova avoora, “Inzi nombaa lirova lihia kandi ligulu lihia. Vindu via kale vilivirirwa ligali.

Isaya 66:22

“Avandu vange harara ni visukululwi viavo valamenya mihiga ni mihiga, kuli ligulu lihia kandi lirova lihia via ndilomba vilakamenye mihiga ni mihiga.

Ezekieli 21:27

Hazwa! Hazwa! Inzi ndakora lidaala yili kuva hazwa! Navuzwa yaga si galakoleka mba kuduuka mundu uwa inzi mali kotovola kuhaana mageri ku lidaala yaza. Maku inzi ndakamuhe.

Haggai 2:21

avolere Zerubabeli, mwami wi Ivuyuda: “Mbeeye himbi kodegeriza ligulu ni lirova

Matayo 24:35

Ligulu ni lirova vilavita, navuzwa amakuva gange sigalivita mba.”

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

Varumi 8:21

ndi vindu viosi, lidiku lilala navio vilakavohololwi kutura mu vutugwa vwu vwoneku, kandi viduuki kusanga mu vukumi vwo vovoholore vwa vana va Nyasaye.

1 Vakorintho 7:31

Yavo avadidikanaa kutumikira vindu vie lirova yili, vave kuli avatatumikiraa vindu vie lirova ligali. Liiva lie lirova yili, kuli kumanyi, livitaa.

Vahebraina 1:10

Yavoola kandi, “Ivi Mwami, mulitanga walomba lirova liosi kandi walomba ligulu na makono googo.

Vahebraina 13:14

Kigira hano mu lirova sikoveeye nilidaala linene lihindiraa mba; kulindiliraa lidaala linene lizaa.

Vahebraina 9:11

Kristo umali kuuza kuli Musaalisi Munene wi vindu vilahi vimali kuva hano. Lihema lia atumikaa mu liveeye linene ligali, kandi liveeye liduukiru. Lihema yili silialombwa na makono gavandu, agaveeye kovora, siliveeye lie lilombwa lie lirova yili mba.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 21:1

Maku ndaalora ligulu lihia ni lirova lihia. Ligulu liu kutanga kandi lirova liu kutanga limali kuvita kandi inyanza ituliziywi ho.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”

Likunula 21:5

Maku Nyasaye yavoola, “Henza! Inzi ngolaa ivindu viosi vive ivihia.” Yambolera, “Ng'oda yili, kigira amakuva yaga gaveeye agiligali kandi aguvusuuvirifu.”