Vahebraina 12:2 - KITABU KITAKATIFU

² Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 12:2 Iomraidhean Croise

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Zaburi 138:8

Ivi ulakola vindu viosi via umali kusuuviriza; O, Yahova, uvuyanzi vuvwo. Vuhindiraa mihiga ni mihiga. Maliriza miyinzi ja umali kutanga kokora.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Isaya 8:17

Yahova yiivisi kutura ku vandu veve, navuzwa inzi musuuviraa kandi mbikaa lisuuvirizwa liange muye.

Mika 7:7

Navuzwa kulwa inzi, ndahenza ku Yahova yeng'ine. Ndalindilira Nyasaye wange mulisuuvira ligali, ulimbonyia. Nyasaye wange alambulira.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Livalidza 21:9

Maku Musa yalomba enzoka yu mugasa na viika kumusaala. Mundu woosi waali nalumiywi niyaheenzaa konzoka yu mugasa yiyi, yahona.

Matayo 16:21

Kutura ing'inga yeyo, Yeso yaatanga kumanyia aviigi veve havulavu ndi, “Gandukira kuzia Jerusalemi, kandi ngubizwi kivi kenene na vakulundu vasaalisi vanene harara na avigizi vi Lilaga, kandi nzitwi, navuzwa ku lidiku lia kavaga ndakasimugukizwi.”

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Marko 14:36

Yavoola, “Baba wange, ivindu viosi vinyalikaa kigira ivi Tuliza ekekombe chu vusaliri yiki ku inzi. Gatava kuli inzi nyenya, navuzwa gave kuli ivi umwene wenyaa.”

Marko 15:28

Hene yaho gaduukizwa Amang'oda Matakatifu agaavoola, “Yavikwa harara na voni.”]

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

Marko 9:12

Yavativulira, “Yee, ligali Elija alaza kutanga aduuki kwetegekiza vuli kindu. Navuzwa kigira ki gang'odwa mu Mang'oda Matakatifu ndi, Mwana wa Adamu alakubizwa ikivi kinyingi nu kuchaywa?

Marko 9:24

Nonoho baba wu muyaayi zana oyo yahanzuka navoora, “Mwami inzi mbeeye ni lisuuvira, navuzwa ni likuzuzu vuzwa. Ngonya mbula ndava ni lisuuvira iliduukiru!”

Luka 17:5

Avatumwa vavoolera Mwami, “Lomba lisuuvira lietu live linene ligali kuvita!”

Luka 23:11

Herodi harara navasikari veve vachaya ni vaviika Yeso mu zisoni, nivamukolera kehenyahenye. Vaviika Yeso iganza indahi yuluyali ma nivamwiranyia wa Pilato.

Luka 24:26

Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?”

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Yohana 12:24

Muvooleraa agiligali, enzori yi ingano itigalaa yenyine vuzwa nitagiywi mu marova ma ikuze, itigalaa yeng'ine. Navuzwa niiva ilakuza, yaama ingano inyingi.

Yohana 12:32

Lwa ndigingwa igulu ku musalaba nu kuhilwa mwigulu kutura mu kivala, ndang'usa avandu vosi sa mulala vaze ku inzi.”

Yohana 13:3

Yeso yamanya ndi, Baba weve umali kuviika vindu viosi hasi hi zinguru zizie, kandi yamanya ndi yatura ku Nyasaye kandi yirana ku Nyasaye

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Yohana 8:56

Aburahamu baba winyu yasangala kolola lidiku lie liza liange; yalilola kandi yayanza.”

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Vikolwa 3:15

Munyi mwita oyo oveeye uvutangiliru vwi livamwoyo. Navuzwa Nyasaye yamusimugukiza kutura mu likuza, nakunyi koveeye avalolekizi ku yaga.

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

Vikolwa 5:41

Kunangwa avatumwa vaatura mu kiyaalo ni vayaanza ligali kigira Nyasaye yalora sivadukanaa kuvikwa mu zisoni kigira lieta lia Yeso mba.

1 Vakorintho 1:18

Likuva lie likuza lia Kristo ku musalaba liveeye uvusiru ku yavo avadivaa, navuzwa ku kunyi avahonywa, liveeye zinguru zia Nyasaye.

1 Vakorintho 1:23

Navuzwa kulwa kunyi, kwilwazaa Kristo wavambwa. Ku Avayuda, likuva yili liveeye chukwikigitaliza, na ku vizihiiri liveeye uvusiru,

Vafeso 2:16

Ku likuza lilie ku musalaba, Kristo yadiviza vusigu vwavo. Kuvitira kunzira yu musalaba gwigwe yahambanyia zihiiri ziombi mu muviri mulala kandi naaviranyia ku Nyasaye.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Vafilipi 3:20

Nitali, kunyi, koveeye avuluhia lwu mwigulu, kandi kulindiliraa Umuhonyi wiitu, Mwami Yeso Kristo, ni liegomba linene yaaze kutura mwigulu.

Vahebraina 1:13

Navuzwa nivwaha ku zingelosi, wa Nyasaye yavolera; “Yikala ha mukono gwange mulungi, kuduuka mbiki avasigu vovo kuva kituva chi virenge vivio.”

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 10:14

Kigira kisiuviriru kilala yavakola avadukiru mihiga ni mihiga yavo avatakaswa kutura muvwoni vwavo.

Vahebraina 10:33

Zing'inga zindala mwakolerwa uvudamanu kandi nimunyegwa imbiri wa vandu, na zing'inga zindi mwetegeka kuhambana harara na yavo avakolelwa kuli ndio.

Vahebraina 11:36

Avalala vakolerwa kehenyahenye kandi nivakuywa, na vandi vavofa niminyororo kandi nivaviikwa mu vuhambe;

Vahebraina 12:3

Muganagane ligali ku ga Yeso yavitira mu; kuli yikuzira ku lihing'ana linene kutura ku vandu voni. Kulwayago mutaluha kandi mutakuzi mioyo jinyu mba.

Vahebraina 13:13

Kunangwa kalunu gendi kuzie kuduuki kuye ichova wa hokososa ma kusange mu linyegwa lilie.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

Vahebraina 7:19

Lilaga lia Musa siliali linyala kokora kindu choosi kuva kidukiru mba. Navuzwa kalunu mu vogono vwalio, lisuuvirizwa lilahi ligali kuvita, limali kuhaanwa lia kunyala kuvitira mu, ma kwisundi ahimbi ku Nyasaye.

Vahebraina 8:1

Kalunu kivuni kenene cha makuva ga kovora ni yiki: koveeye nu Musaalisi Munene wu lugano yilu, wikala ha mukono mulungi gwendeve yu vwami vwa Nyasaye Wuvunyali, mwigulu.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

Yakobo 2:1

Avaamitu vange, kuli avasuuviri mu Mwami wiitu Yeso Kristo, oveeye Mwami wu vukumi, mutayanzilira avandu kolondekana ku ligondo liavo mba.

1 Petro 1:11

Vageriza kwenya kumanyiriza ni ing'inga ki, kandi ni liiva lia lugano ki lwa Roho wa Kristo alilolekiza uvusaliri vulinyoola Kristo nu vukumi vuliva ho inyima wa yaga.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

Yudasi 1:21

Mumenye mu vuyanzi vwa Nyasaye, ni mulindiliraa liu Mwami wiitu Yeso Kristo muzimbavasi amuhe ilivamwoyo lie mihiga ni mihiga.

Likunula 1:11

nigovoora, “Ng'oda via ololaa mu kitabu yiki ma ukihiri mu amakanisa gaveeye mu madaala manene saba yaga: Efeso, Simarina, Perigamo, Ziatira, Saride Filadefia, na Laodikia.”

Likunula 1:17

Lwa ndaamulola, ndaagwa havirenge vivie kuli mukuzu. Yavika mukono gwigwe mulungi ku inzi, navoora, “Utatia mba! Mbeeye wukutanga kandi wu kumaliriza.

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”

Likunula 2:8

“Ng'oderaa engelosi wi likanisa liveeye mu Simarina: “Yaga nigo amakuva ga uyu oveeye litanga kandi limaliriza, uwakuza kandi naava mwoyo. Avoora.