Vahebraina 12:15 - KITABU KITAKATIFU

¹⁵ Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.

Vahebraina 12:15 Iomraidhean Croise

1 Avami 14:16

Yahova alaleka Isiraeli kigira Jeroboamu yakola vundamanu naahira vandu va Isiraeli mu vwoni.”

Kutwula 32:21

Yavolera Haruni, “Avandu yava vakoli kinduki yiki? Ivi ndi uvakoli vingili mu vwoni vonene vwukutihiza kuli ndi?”

Tsing'ano 4:23

Henza kuli uganaganaa. Livamwoyo liilio lilombwaa ni zing'anagani zizio.

Isaya 5:4

Keveeye ho ni kindu chandavula kokora mu kizabibu yiki? Kunangwa, kigira ki mizabibu jamaa mazabibu malulu havogono vwa mazabibu malahi?

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Jeremia 2:21

Ndaali ni ndamusimika kuli musaala gwa makuyu gwa ndaatovora, kutura ku uvuguza uvulahi ligali. Navuzwa loli kuli mumali kugirung'ana! Muveeye kuli muzabibu gumali kugunda ugutaveeye kindu kali hakuzu.

Luka 22:32

Navuzwa inzi mali kukusaalira ku Nyasaye, Simoni, ndi lisuuvira liilio litageha mba. Lwa ivi wirana ku inzi, uladinyiriza mioyo ja avamwavo vovo.”

1 Vakorintho 10:12

Woosi wiganagana asingiyi vudinyu vwakaveeye vulahi yeehenze, gase alagwa!

1 Vakorintho 13:8

Uvuyanzi sivoveeye ne keheri mba. Navuzwa voporofeti nivoveeyeho vulakahere, vihaanwa viokomoloma mu zinimi zing'eni, niviveeyeho, vilakahere; limanya niliveeyeho lilakahere.

1 Vakorintho 15:33

Mutagadwa mba. “Avalina vadamanu vononyiaa miima milahi.”

1 Vakorintho 5:6

Sivoveeye vulahi munyi kwigingira mba. Simwamanya livoora, “Amamera makekeeke galombaa lihumbi liu vusie vwosi kuvimba?”

2 Vakorintho 13:5

Mwehane munyi veene, kandi veene mwikalagiri muduuki ku manya niiva mumenyi mu lisuuvira. Simumanyi ndi Kristo Yeso aveeye mu munyi? Nigataveeye ndio, munyi mwamala kuguutwa.

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

Vagalatia 2:13

Kali avaamitu Avayuda vandi navo kandi vahambana naye mu kekolwa chavo chu vuti na chu vugadi yiki; kali Baranaba naye yaagotizwa kandi ne kekolwa chavo chu vugadi.

Vagalatia 5:4

Yavo avagerizaa kokolwa avalungi imbiri wa Nyasaye ku lilonda Lilaga, vamali kwiyavukanyia vene kutura ku Kristo. Yavo vaveeye ichova wi zimbavasi zia Nyasaye.

Vafeso 5:3

Kigira munyi muveeye vandu va Nyasaye, sivaveeye vulahi amakuva goosi go voheyi, anoho komenya mu miima midamanu jovoheyi, anoho likayirwa, nu uvuviti vitalwe hagati hinyu kali hakuzu mba.

Kwidzulitsa 29:18

Mulole ndi siaveeyeho nu musaza anoho mukali avinyumba anoho ihiiri, usingiyi hano kalunu ugirung'anaa kutura ku Yahova Nyasaye wiitu, azie kusigamira avanyasaye vi zihiiri zindi. Yiki kilava kuli muli guvirukaa kuva kitagwa kilulu kandi chu vusungu.

Kwidzulitsa 32:32

Kigira mizabibu jaavo jiveeye visivu via Sodoma; kandi kutura mu milimi ja Gomora. Mazabibu gajo gaveeye mazabibu guvusungu visaganyi viacho viveeye vilulu.

Kwidzulitsa 4:9

Mwilindi ligali munyi aveene, muvuli kwivilira ing'inga yoosi ya muveeye mwoyo viamumali kolola. Muvoolere avana vinyu kandi aviisukulu vinyu

Vakolosai 3:5

Kunangwa gamuduukira mutuliziho liegomba liosi livivero vienyu iviveeye mumunyi kuli ovoheyi, kifavwi, liegomba lio muviri, kandi iliaduka mu muviri ni likayirwa lidamanu, kandi kusigamira vifananyi.

Tito 1:15

Ku yavo valungi, vindu viosi viveeye vilungi, navuzwa ku yavo vadamanu na ava vula kusuuvira, sihaveeyeho ni kindu kinifu kuvo mba. Kali ndio ovogeri vwavo ni zing'anagani zie mioyo jaavo, viombi vigwiyi vidamanu.

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Vahebraina 4:1

Kunangwa, Nyasaye yakuha lisuuvirizwa ndi kunyala konyoora vosoosi vwa yamoloma amakuva gavwo. Gakuduukiraa kohenze vulahi, gase mulala ku munyi alanyooleka natanyooye vosoosi vwasuuvirizwa yivwo.

Vahebraina 4:11

Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.

Vahebraina 6:11

Lienya lietu linene liveeye ndi, sa mulala ku munyi alolekizi vugulu vwivwe kuduuka ku keheri, chu vuduukiru vwi lisuuvirizwa lienyu.

Joshua 6:18

Navuzwa mutavuguli kindu ku viosi ivienyekaa viononywe mba. Nimuva nimukora ndio mulaleeta kivi hokososa ha vandu va Isiraeli.

2 Petro 1:10

Kulwa yaga, avaamitu, muyinziri ni zinguru miyinzi milahi mulombe lilangwa ni litovolwa lienyu vive via agiligali. Nimukora yaga simunyala koleka lisuuvira lienyu mba.

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

2 Petro 3:11

Kigira vindu yivi viosi vilakadivizwi munzira ndala nzere, gamudukira kuva avandu vu lugano ki? Gamudukira komenya mu liiva litakatifu,

2 Petro 3:14

Kunangwa, avalina vange, lwa mukilindilira Lidiku yilio, mukore zinguru ligali muve avasereze, vugira imbara imbiri wa Nyasaye kandi muve ni mirembe naye Nyasaye.

2 Yohana 1:8

Kunangwa mwilindi munyi aveene muvuli kogotiza vindu yivio via kumali kuyinzilira, navuzwa muduuki konyoora amadanyi ginyu muvuduukiru.