Vahebraina 11:7 - KITABU KITAKATIFU

⁷ Kigira lisuuvira, Nyasaye yiganihiza Nuhu kumakuva gi vindu viza kwekoleka via yaali sianyala kolola mba. Yahulira Nyasaye, ma nalomba liato aduuki kwehonyia harara na vandu vinyumba yeeye; kutura ku gene yago, avilirova vakalagirwa, na Nuhu yanyoora kutura ku Nyasaye uvulungi vuzaa kolondekana ni lisuuvira.

Vahebraina 11:7 Iomraidhean Croise

Litanga 19:14

Maku Loti yazia ku avanavizara venya koleta avakaana veve, navavoolera, “Mukore vwangu muturi havundu hano, kigira Yahova azizaa kudiviza lidaala yili.” Navuzwa valora ndi Loti akole kehenyahenye.

Litanga 6:13

Nyasaye yavolera Nuhu, “Inzi mali kotovola kudiviza avandu vosi. Ndavadiviza ligali, kigira lirova lizuuyi vikolwa viavo vikirage.

Litanga 6:22

Nuhu yakola vuli kindu choosi cha Nyasaye yamulaga.

Litanga 6:9

Yaga namakura ga Nuhu. Nuhu yaali umundu mulungi, vugira imbara hagati ha avandu mu ing'inga yeeye, kandi yatia Nyasaye.

Litanga 7:23

Yahova yadiviza vindu viosi viveeye mwoyo ku lirova: avandu, zinyama, vimolaa, kandi amanyonyi gu mu ligulu. Nuhu yeng'ine harara na vandu vinyumba yeeye, kandi viosi viali mu liato viahona.

Litanga 7:5

Nuhu yakola vuli kindu choosi cha Yahova yamulaga.

Litanga 8:16

“Tula mu liato harara nu mukali woovo, na vana vovo kandi na vakali va vana vovo.

2 Avami 4:5

Kunangwa mukali yazia munyumba na vayaayi veve, nahana kiliango, navugura kajuba kadii ka maguta ga muzeituni, ma ni yitulura amaguta mu viju kuli avayaayi vamuletera.

Ayubu 35:8

Vandu vandi vasalira kigira uvwoni vuvwo, kandi uvulahi vwa okolaa vumukonyaa.

Tsing'ano 22:3

Mundu mugeri alolaa vuhimwa mayeleha, navuzwa mundu musiru azizaa maduuka mu vudinyu inyima yiduli.

Tsing'ano 27:12

Mundu mugeri alolaa vudinyu nivuza ma yeleha kuvwo, navuzwa mundu utaganagana alingira muvwo ma yidula lwinyima.

Ezekieli 14:14

Kali niiva vandu vavaga yava, Nuhu, Danieli na Ayubu vamenyi mu kivala yiki, valahona kigira uvulungi vwavo.” Yahova Wuvunyali umali kovora.

Ezekieli 14:20

kali niiva Nuhu, Danieli na Ayubu vamenyi mu kivala yiki, gaveeye giligali inzi kuli Yahova Wuvunyali mbeeye Nyasaye omenya. Avandu yava sinavahonyie avayaayi vaavo na vakana vaavo mba. Valahona kigira uvulungi vwavo.”

Ezekieli 33:5

Likuza lilie liveeye kigira uvudamanu vwivwe mwene, kigira si yahulira lieganihiza mba. Niiva yakahuliyi yakahononoki.

Matayo 2:12

Nyasaye yaviganihiza nukuvagerihiza mu maloto vatirana ku Herodi mba. Kunangwa virana mu kivala chavo kuvitira kunzira yindi.

Matayo 24:15

“ Lwa mulilora “Kindu kidamanu ligali keleetaa lidiviza” lia mu muporofeti Danieli yavoola nasingiyi Havundu Hatakatifu, hene yaho osomanga amanye.

Matayo 24:25

Henza! Inzi mali kumuvolera ing'inga nikikiri kuduuka.

Matayo 24:38

Kigira kuli gaali mu madiku yago, amazi manene nigakiri kuuza, avandu valia kandi ni vanwa, avasaza na vakali vaahilana kuduuka lidiku lia Nuhu yingira mu liato;

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Luka 17:26

“Kuli gaali mu madiku ga Nuhu, nindio galiva mu madiku gu Mwana wa Adamu.

Varumi 1:17

Kigira Ivangeri ivuulaa kuli Nyasaye akolaa vandu kuva valungi naye mwene kuvitira mu lisuuvira kutura mu litanga kuduuka mu keheri. Ni kuli Amang'oda Matakatifu gavoora, “Umundu okolwaa mulingi na Nyasaye kuvitira mu lisuuvira, alava mwoyo.”

Varumi 10:6

Navuzwa ku makuva ga Mang'oda Matakatifu ku likolwa valungi na Nyasaye kuvitira mu lisuuvira, ni yaga: “Oteteeva mu mwoyo gugwo, ‘ Ivwaha ulianigira kuduuka mwigulu?’ Agaveeye kovora, koleta Kristo yaaze hasi.”

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 4:11

Aburahamu yakevwa inyima, na likevwa yilio liali kelolero chamanyia ndi Nyasaye yamuvugilira kuva mulungi kigira lisuuvira lilie lia yaali nalio nakikiri kokevwa. Kulwayago, Aburahamu yaduuka kuva baba wa vosi avasuuviraa Nyasaye, kandi avavugilirwa naye kuva valungi, kali niiva sivakevwa mba.

Varumi 4:13

Nyasaye yasuuviriza Aburahamu harara ni visukululwi vivie ndi, lirova lilava liavo. Lisuuvirizwa yilio siliahaanwa kigira Aburahamu yatia Lilaga mba, navuzwa kuvitira mu vulungi vwi lisuuvira lilie yili iliavugilirwa na Nyasaye kuva uvulungi.

Varumi 9:30

Kunangwa kovoole ki? Vandu vi zihiiri avaavura kwenyeleriza uvulungi vwa Nyasaye, vumali konyooleka kuvitira mu lisuuvira;

Vagalatia 5:5

Navuzwa, ku lisuuvira, kulindilira nu vuha kuvitira mu roho, vulungi vwi lisuuvirizwa.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Vahebraina 11:1

Kuva ni lisuuvira ni kuva na giligali gi vindu via kulindiliraa, kandi vindu via kutanyala kolola.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.

Vahebraina 8:5

Uvutumiki vwavo vwu vusaalisi voveeye kelolero kandi chiriri chi vindu viveeye mwigulu. Yiki nicho chagira Nyasaye niyiganihiza Musa lwa yenya kwumbaka Lihema navoora, “Henza olombe vindu viosi ku lugano lwi kilolero cha wamanywa ku kiguru.”

1 Petro 3:20

Yiji jaali mioyo ja yavo avaavura kuhulira Nyasaye lwa yalindilira mu vwikuziri mu madiku ga Nuhu yaali ni yumbaka liato lilie. Avandu munane mu liato venyine nivo avaahona kutura ku likuza lia amazi.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

2 Petro 2:5

Nyasaye siyavererera avilirova va kale, navuzwa yaleeta amazi amanene ku vandu vatamanyi avaavura kumutia Nyasaye, navuzwa yahonyia Nuhu, umwilwazi vulungi na vandu vandi saba.

2 Petro 3:6

kandi gaali amazi gi imbura yi migelera, agaajira lirova liali ho ni lidivizwa.