Vahebraina 11:11 - KITABU KITAKATIFU

¹¹ Kigira lisuuvira Sara yanyoora zinguru zio kovereka mwana kali niyaali wi mihiga minyingi; kigira yasuuvira ndi Nyasaye, wamusuuviriza, aveeye musuuvirifu kutwekiza indagano yeeye.

Vahebraina 11:11 Iomraidhean Croise

2 Avami 4:17

Navuzwa kuli Elisha yaali navooye, ahimbi ku ing'inga yeyo muhiga gwalonda ku, mukali oyo yivula mwana muyaayi.

Luka 1:36

Umanye kali Sabeti mwiko woovo, umali kovereka mwana muyaayi mu vokeere vwivwe. Yigu nu mweli gwigwe gwa sita, wa vandu valanga mugumba.

Varumi 9:8

Agaveeye kovora ndi, sivaveeye yavo viivulwa ku lugano lwu muviri vaveeye vana va Nyasaye, navuzwa yavo viivulwa kolondekana ku lisuuvirizwa lia Nyasaye nivo vavalizwa kuli visukululwi vivie viagiligali.

Vagalatia 4:23

Mwana weve wu mukali mutugwa yiivulwa kolondekana ku liiva liu muviri, navuzwa mwana wu mukali muvoholore yiivulwa kolondekana ku lisuuvirizwa lia Nyasaye.

Vahebraina 10:23

Gendi kugumiri vudinyu lisuuvira lietu vugira lihayahaya, kigira Nyasaye walomba lilagana yili aveeye musuuvirifu.