Vahebraina 10:29 - KITABU KITAKATIFU

²⁹ Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Vahebraina 10:29 Iomraidhean Croise

2 Avami 9:33

Jehu yavavolera, “Musiuvi haasi!” Vamusiuva hasi kutura igulu na masahi geege guhuka ku lidigi nu ku zibarasi, kandi zibarasi ziamuduvaga.

Zaburi 143:10

Ivi oveeye Nyasaye wange; unzigize kokora uvulariri vuvwo. Roho gugwo umulahi gunzimiliri kunzira yu vulungi.

Zaburi 91:13

Uladuvaga zisimba nizinzoka, uladuvulanyia avana vi zisimba kandi vihirigoma viuvusungu vululu.

Kutwula 24:8

Maku Musa yavugula masahi gaali kubakuli niyuha ku vandu navoora, “Yaga na masahi gahambanyia lilagana lia Yahova yalomba ni munyi lwa yahaana amalago yaga.”

Isaya 14:19

navuzwa ivi si oveeye ni kilindwa mba, muviri gwugwo gwa siuvwa ichova kugunda. Gwakunikwa ni miviri ja avasikari viitirwa mu vulwani ma vasiuvwa mu zimbangaywa zia magina, kandi jiduvagirwa hasi.

Isaya 28:3

Itaji yi lielola lia vimiliri vahambiku va Isiraeli, iladuvagirwa hasi ni wivirenge.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Jeremia 1:5

“Ndaakotovola imbiri wa ndaali ningikiri kokolomba munda mwa mama woovo, kandi ndaaku takasa imbiri wa waali nukikiri kwivulwa. Ndaakotovola kuva muporofeti kuzihiiri.”

Lisyoma lya Jeremia 1:15

“Yahova yalegeriza avasikari viitu vizingulu hagati hiitu; yatuma iliihi kudiviza avasoleri viitu; yaaduvagila hasi avandu viitu ve Ivuyuda kuli vamiina iwaini kutura mu mazabibu.

Ezekieli 16:6

“Maku ndaavitiraho kandi nindora nimugaragaraa mu masahi ginyu. Mwaali nimwivaki masahi, navuzwa sindaali nyara koleka mukuzi mba.

Danyeli 8:13

Maku ndaahulira engelosi indala neteeva iyindi, “Vindu vialoleka mu malola yivi vilazizagilira kuduuka ngi'ngaki? Uvwoni vwa vandu vakora vulazizagilira kuvugura vwiyangu vwi visiuviliru kuduuka ng'inga ki? Liihi liu mwigulu kandi Litembeli vilazizagilira kwonogonywa kuduuka ng'inga ki?”

Mika 7:10

Hene yaho avasigu vange valalola yaga kandi valava mu zisoni; Oyo owavoolera kuinyi, “Yahova Nyasaye woovo aveeye haliha?” Zimoni ziange zilarora liigwa liu musigu wange. Kalunu valaduvagirwa hasi kuli ovodohi kuzinzira.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Matayo 26:28

yaga na masahi gange, agaveeye umuhuri gwi lilagana lia Nyasaye, agasundurwa kigira ilisamiifa liu uvwoni vwa vanyingi.

Matayo 7:6

“Mutaha izimbwa vindu vitakatifu, gase zilagirung'ana ma zimutanduli; anoho mutasigisira zinguruvi iziluulu zienyu, gase zilaziduvagira hasi.

Marko 7:2

Valora valala ku aviigi va Yeso nivalizaa ichukulia chavo na mamisu. Sivali nivisaavi amakono munzira idukanaa mba.

Luka 12:10

“Ku vosi ovola likuva lio konyega, Mwana wa Adamu, alasaamifwa; navuzwa uyu onyegaa Roho Mutakatifu sialasamiifwa mba.

Yohana 10:36

Ku lwa inzi Baba yandovola kandi naanduma mu kivala. Kunangwa munyala kovora ndi, ‘Ivi onyegaa Nyasaye?’ Gaveeye kigira ndavoora, ‘Inzi nu mwana wa Nyasaye?’

Yohana 17:19

Kigira yavo inzi nzitakasaa ku ivi, kunangwa yavo vaduuki kwitakasa mu agiligali.

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

1 Vakorintho 11:27

Kandi galava ndi, ku vosi ulia mugadi yigu anoho unwa kekombe chu Mwami munzira itaveeye nuluyali kuye, alava ni lihiolo liu kwononyia umuviri na masahi gu Mwami.

1 Vakorintho 11:29

Ku vosi uliizaa mugadi nu kunwa kutura mu kekombe natamanyiriza kivuni chu muviri gwu Mwami, yeleeteraa likalagirwa kuye mwene.

1 Vakorintho 15:25

Kigira gadukanaa Kristo yaamihi kuduuka lwa Nyasaye aguutaa vasigu vosi nukuvaviika hasi hi virenge vivie.

1 Vakorintho 15:27

Amang'oda Matakatifu gavoora, “Nyasaye yavika vindu viosi hasi hi virenge vivie.” Gaveeye vuzwa havulavu ndi amakuva, “Ivindu viosi” sigavolaa ndi Nyasaye siaveeye mulala ku vindu viosi viayaviika hasi ha Kristo mba.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Vahebraina 10:10

Yeso Kristo yatwekiza vulariri vwa Nyasaye yenya akole, kunyi kwosi kutakasiywi kutura muvwoni vwitu ku kihanwa cha yihaana chu muviri gwigwe mwene lulala kandi lwokoheleriza.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Vahebraina 2:11

Oyo atakasaa vandu kutura muvwoni vwavo, kandi yavo avakolwa avatakase, vosi vaveeye na Baba mulala. Yiki nicho kigira Yeso nataveeye nizisoni kuvalanga avamwavo veve.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Vahebraina 4:14

Maku gendi kugumiri vudinyu ligali lieyama lisuuvira lietu lia kovora koveeye nu Musaalisi Munene ligali umali kuzia kuduuka mwigulu imbiri wa Nyasaye naye ni, Yeso Mwana wa Nyasaye.

Vahebraina 6:4

Ni vudinyu kwilanyia vandu viganira mu lieganira kandi, vandu vamala kumanya vulavu vwa Nyasaye, kandi vamala konyoora kihanwa chu mwigulu. Yava ni vandu vamala konyoora Roho Mutakatifu.

Vahebraina 6:6

Niiva valeka lisuuvira liavo, ganyala kunyalika ndi kandi kuvilanyia vahia vaduuki kwiganira? Vavambaa Mwana wa Nyasaye, kandi kumuleganyira havulavu lwa viirana kokora vwoni.

Vahebraina 9:13

Amasahi gi zimburi na gi zigiriki kandi ligoke lie vimoli viukusambwa viuhwa ku vandu vaveeye vadamanu kolondekana numwima gwi vindu yivi vivatakaasa nukutulizaho uvudamanu vwavo kolondekana numwima.

Vahebraina 9:20

Yavoola, “Yaga na Masahi gi lilagana lia Nyasaye yamulaga mulonde.”

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege