Vahebraina 10:25 - KITABU KITAKATIFU

²⁵ Kutaleka mwimwa yigwo gwu kuvugana harara aveene naveene, kuli vandi vakora. Navuzwa mugende kudinyirizane mulala nuwache ligali, kigira kuli muloraa ndi Lidiku liu Mwami liveeye ahimbi.

Vahebraina 10:25 Iomraidhean Croise

Matayo 10:15

Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.

Matayo 18:20

Kigira hoosi ha vavugani vaviri anoho vavaga ku lieta linage, inzi mbeeye hagati haavo.”

Yohana 12:48

Uyu usulaa inzi kandi siagumira makuva gange, aveeye numukalagi. Amakuva gandavoola galava umukalagi weve mu lidiku lie keheri.

Vikolwa 16:16

Lidiku lilala, lwa kwaali nikuzizaa havundu hu kusaala, mukaana mulala uwaali ni lidemoni liu kulagula, yagana ni kunyi. Mukaana oyo yaleeteranga avatugi veve mabese manyingi ku vulaguli vwivwe.

Vikolwa 2:1

Lwa liaduuka lidiku lia Pendekote, vandu avasuuviraa vosi havundu harara.

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Vikolwa 20:7

Ku lidiku lia Jumamosi hamugorova, kwavugana harara komeganyia mugadi. Kigira Paolo yaali niyenyaa kuzia mugamba golonda ku, yiilwazira avandu, nazizagilira kwilwaza kuduuka vudiku hagati.

Varumi 12:8

Niiva ni kihanwa chu kuzuva avandi kuduuka kokole ndio. Niiva koveeye ni kihanwa chu vwihaani kokoonya avandi, kuduuka kokole ndio nu mwoyo gwosi. Niiva nuvwimiliri, leki kwamiihi novogeri. Niiva nukuva ni zimbavasi, leki kokole zimbavasi nuvusangali vwosi.

1 Vakorintho 11:20

Lwa muvuganaa harara kuli muganda, siliveeye ni lilia liu Mwami lia mu liza mba!

1 Vakorintho 14:23

Niiva likanisa liosi lilavugana harara, maku vandu vosi vatange komoloma mu zinimi zing'eni; kandi niiva vandu vageni valaza kutura ichova, anoho vandu vatasuuvira, valavoora ndi munyi vosi muveeye avalalu.

1 Vakorintho 14:3

Navuzwa uyu oporofetaa avooreraa vandu vindu viu kuvumbaka, kuvazuva kandi kuvaleminya mioyo.

1 Vakorintho 3:13

Uvulahi nuvuduukiru vwi miyinzi ja vuli mundu, vulaloleka lwi Lidiku lia Kristo liliduuka Lidiku yilio muliru gulakavuuli miyinzi ja vuli mundu; kandi muliru gulakagerizi vulahi vwi miyinzi ja vuli mulala yakola.

1 Vakorintho 5:4

Lwa muvuganaa harara, mu lieta liu Mwami wiitu Yeso, umwoyo gwange nigoveeye harara ni munyi, nizinguru ziu Mwami Yeso niziveeye ho kandi,

Vafilipi 4:5

Leki ovohocha vwinyu vumanyikane ku avandu vosi. Mwami yaazaa vwangu.

1 Vatesalonike 4:18

Kunangwa mu leminyane mioyo munyi aveene naveene namakuva yaga.

1 Vatesalonike 5:11

Kunangwa, muzuvane munyi aveene naveene nokokonyana vene na vene, kuli mukolanga kazozo.

Vahebraina 10:24

Kandi leki kwehenderanili mioyo aveene naveene kandi mukokonyane aveene naveene muduuki kuyaanzana kandi kokora miyinzi milahi.

Vahebraina 10:37

Mang'oda Matakatifu gavoora, “Itigaaye ing'inga engekeeke vuzwa, kandi uyu uzaa alaza kandi sialalindagilira mba.

Vahebraina 13:22

Ng'onyaa munyi avaamitu vange, muhulirizi nu vwikuziri ku likuva lie lizuvwa yili, kigira ibarwa ya mung'odeye yiyi sieveeye indambi mba.

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.

Yakobo 5:8

Munyi kandi kuduuka mwikuziri kuli ndio, muve nilisuuvirizwa linene kigira liza liu Mwami liveeye ahimbi.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

2 Petro 3:11

Kigira vindu yivi viosi vilakadivizwi munzira ndala nzere, gamudukira kuva avandu vu lugano ki? Gamudukira komenya mu liiva litakatifu,

2 Petro 3:14

Kunangwa, avalina vange, lwa mukilindilira Lidiku yilio, mukore zinguru ligali muve avasereze, vugira imbara imbiri wa Nyasaye kandi muve ni mirembe naye Nyasaye.

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.

Yudasi 1:19

Yava nivo avandu, valeta iliavukana, avamifwa niliiva liavo liu muviri, avataveeye na Roho.