Vahebraina 10:24 - KITABU KITAKATIFU

²⁴ Kandi leki kwehenderanili mioyo aveene naveene kandi mukokonyane aveene naveene muduuki kuyaanzana kandi kokora miyinzi milahi.

Vahebraina 10:24 Iomraidhean Croise

Zaburi 41:1

Aveeye nuvugasu uyu ohenderaa avadaka mwoyo; Yahova alamukonyia lwaveeye mu vudinyu.

Tsing'ano 29:7

Mundu mulungi yamanya lienya lia vadaka, navuzwa vandu vachamu sivanyala kumanya lienya kuli yili mba.

Vikolwa 11:29

Avandu avasuuviraa yavo vatovora kuhila kindu choosi cho vokonyi, sa mulala kuli anyala, ku avamwavo vamenya Ivuyuda.

Varumi 11:4

Nyasaye yamutivulira ki? Yamuvolera, “Mali kwivikira haloveg inzi mwene avandu zielefu saba avavura kusigamira kifananyi Baali.”

Varumi 12:15

Musangare harara na yavo avasangalaa, musiome harara na yavo avasioma.

1 Vakorintho 10:33

Mukore kuli inzi ngolaa. Ngerizaa kuyaanziza avandu vosi mu vindu viosi vaangora vugira kweyenyera lizominywa, navuzwa lizominya lia vosi, kunangwa vosi vanyoore ovohonyi kuli inzi.

1 Vakorintho 9:22

Inzi ndaamenya kuli mudedekere hagati ha yavo avaari vadedekere mu lisuuvira, kunangwa nduuki kuvaleeta ku Yeso. Kulwayago, ndaamenya kuli liiva lia vandu vosi, kunangwa nduuki koleta valala ku Yeso munzira yoosi inyalika.

2 Vakorintho 8:8

Simuhezaa malago mba, navuzwa nyenya kuvamanyia kuli vandi vaveeye nu vugulu vwo kokoonya vandu vandi. Ngerizaa kumanyia agiligali gu vuyanzi vwinyu kuli voveeye.

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vagalatia 6:1

Avaamitu vange, niiva mundu woosi yanyooleki nakora vwoni munyi avaveeye mu Roho gavadukiraa mumukonye vulungi mu vohoma. Navuzwa mwilindi aveene gase na munyi mulagerizwa kandi.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

1 Vatesalonike 5:11

Kunangwa, muzuvane munyi aveene naveene nokokonyana vene na vene, kuli mukolanga kazozo.

2 Vatesalonike 3:9

Kwakora yaga sigali kigira sikoveeye nu vunyali konyoora ovokonyi vwinyu, navuzwa kigira kwenya kuva kelolero cha munyala kolonda.

Tito 2:4

Kandi vaduuki kwigiza avakali avang'erere vayanze avasaza vaavo, kandi avana vaavo,

Tito 3:8

Livoora yili liveeye lie ligali. Inzi nyenya udinyirizi ligali ivindu yivi, kunangwa yavo avamali kusuuvira mu Nyasaye vaduuki kuva nilienya kutumikira ing'inga yavo kokora vikolwa vilahi ku vandu vosi.

Vahebraina 13:1

Muzizagiliri kuyaanzana aveene naveene kuli avaamitu Vakrisitayo.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.

1 Yohana 3:18

Avana vakekeeke vange, uvuyanzi vwitu vutava vwa amakuva ni limoloma iliere vuzwa mba; kuduuka vove uvuyanzi vwagiligali uvwimanyia uvwene mu vikolwa.