Vahebraina 10:22 - KITABU KITAKATIFU

²² Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 10:22 Iomraidhean Croise

1 Avami 15:3

Yakola vwoni vulala vwere kuli baba weve, kandi siyaali ligali musuuvirifu ku Yahova Nyasaye weve, kuli guuga weve Daudi yaali mba.

1 Kyetsinyinga 12:33

Vandu va Zabuloni avasikari vi limanya linene, avaari avetegeke kutumikira zing'ano ziosi zie viugi mu vulwani, avaari vasuuvirifu ku Daudi vaali 50,000.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Zaburi 111:1

Mwizominye Yahova! Ndasandiza Yahova nu mwoyo gwange gwosi, mu livugana lia vandu veve valungi.

Zaburi 119:10

Ngerizaa kukutumikira nu mwoyo gwosi, unindi mburi kwibaala ku malago googo.

Zaburi 119:145

O, Yahova, nzanira ku ivi nu mwoyo gwange gwosi; undivuliri na inzi ndahulira amalago googo.

Zaburi 119:2

Vaveeye nuvugasu yavo avalondaa malago geege, avamuhulira nimioyo jaavo josi.

Zaburi 119:34

Ombe limanyiriza, kunangwa nduuki kuliinda amalago googo; kandi nduuki kugahulira nu mwoyo gwange gwosi.

Zaburi 119:58

Ngoteva nu mwoyo gwange gwosi, ombere zimbavasi kuli umali kusuuviriza.

Zaburi 119:69

Avandu vu luyaayi vamali kuung'ina, navuzwa inzi nondaa amigizu googo nu mwoyo gwange gwosi.

Zaburi 119:7

Ndakwizominya nu mwoyo mulungi lwa nzigaa malago googo matakatifu.

Zaburi 119:80

Leka mwoyo gwange gove vugira imbara ku amalago googo, kunangwa mburi kuvikwa mu zisoni.

Zaburi 32:11

Munyi avaveeye avalungi, muyanze nukusangara, kigira aga Yahova amali kumukolera. Munyi avahulira Yahova, musangare ligali.

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Zaburi 73:28

Navuzwa ku inzi vuveeye vulahi ligali kuva ahimbi ku Nyasaye; konyoora likingwa ku Yahova Nyasaye Wuvunyali nukulandiza ndavoora vindu viosi viokogenyia viamali kokora.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Zaburi 9:1

O, Yahova, Inzi ndakwizominya nu mwoyo gwange gwosi, ndavolera avandu vindu viosi viokogenyia via ivi umali kokora.

Zaburi 94:15

Likalaga lirungi lilanyooleka mu zikooti, na avandu vosi valungi valavolonda nukuliunga mukono.

Kutwula 29:4

“Oleete Haruni na vayaayi veve ha vwingiliru vwi Lihema liukuvuganira mu, na uvavoolere visingi na mazi gu kwitakasa.

Tsing'ano 23:26

Mwana wange huliriza kandi uvuguli limenya liange live amigizu kuive.

Isaya 29:13

Yahova yavoola, “Avandu yava vavoola vaasigamira, navuzwa makuva gaavo gaveeye vugira kivuni, na mioyo jiavo jiveeye ihale kutura ku inzi. Idini yavo eveeye vuzwa malago gavandu ni miima ja vandu vigiza, makuva ga vaagumilira mumutwi.

Isaya 52:15

Kunangwa alagenyia zihiiri zinyingi; avami valakiring'ana niligenya; valalola aga vakikiri kololaku, kandi valamanyiriza aga vakikiri kumanya.”

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 3:10

Inyima wivindu yivi, Yuda amwavo utaveeye musuuvirifu, wa Isiraeli yagada vuzwayirani ku inzi; siyaali nagiligali mba. Inzi Yahova mali kovora.”

Jeremia 30:21

Aviimiliri vaavo valatura mukivala chavo chene, avanene vaavo valatura hagati ha avandu vaavo vene. Ndamugerihiza, na alisunda himbi ku inzi, nivwaha unyala kogeriza kuuza vugira kogenihizwa?

Ezekieli 16:9

“Maku ndaavugura mazi nimusinga, masahi gaturaa ku munyi ma niimuvaka maguta.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Kyavalevi 14:7

Aluuha masahi zana haali saba ku mundu wenyaa kutakaswa kutura ku vulwaye vwo vogere, ma ku alamulandiza, mundu oyo kuva mulahi. Alalakuula linyonyi liveeye mwoyo libuluki kuzia muvulimu.

Kyavalevi 16:4

Haruni nakikiri kwingira havundu hatakatifu ligali, kuduuka yisingi muviri gwosi kandi yiviiki zinguvu ziuvusalisi yizi: Iganza ni suruhali yi katani, musibi gwi katani ne kelemba chi katani. Yizi nizinguvu zindakatifu.

Kyavalevi 8:6

Musa yaleeta Haruni harara na vayaayi veve imbiri wi livugana liosi navasinga na mazi matakatifu.

Zekaria 13:1

Yahova Wuvunyali avoora, “Lwi ing'inga yeyo iduuka, Kisenukiru kilakunulwa nu kutakasa visukululwi via Daudi harara na vandu va Jerusalemi kutura ku vwoni vwavo kandi kusigamira vifananyi.

Livalidza 8:7

Okole yaga kuvatakasa: Uvuhili amazi gu kutakasa na uvavoolere vavege miviri jaavo josi, vafuyi zinguvu ziavo ziosi ma vitakase aveene.

Matayo 3:11

Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

Luka 1:1

Avandu vanyingi vamali kokora kuli vanyara kong'oda amakuva gi ivindu viekoleka hagati hiitu.

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Yohana 8:9

Navuzwa lwa vahulira yaga, vatanga kuzia mulala sa mulala kutangilira na vakulundu kuvo vosi. Yeso yaatigara yenyine, nu mukali oyo naakisingiyi imbiri weve.

Vikolwa 22:16

Kalunu kigira ki ulindagira kandi? Singira ubatizwi, kandi wogizwi uvwoni vuvwo ku lieyama lieta lilie.’

Vikolwa 8:21

Ivi sioveeye ni lisanga liosi anoho mugavwa ku muyinzi yigu, kigira mwoyo gugwo si goveeye mulahi imbiri wa Nyasaye mba.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vafeso 3:12

Kunangwa, mu lihambanywa lietu na Kristo kandi kuvitira mu lisuuvira lietu muye, kunyi koveeye nuluviliraa kuzia imbiri wa Nyasaye vugira uvuti vwosi.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Vafeso 6:5

Munyi avatugwa muhaane luyali ku vanene vinyu vu mu lirova kandi muvatie ligali. Mukore ndio nimioyo jinyu josi kuli mukutumikiraa Kristo.

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

Vahebraina 10:1

Lilaga lia Vayuda siliveeye kelolero kidukiru na kisuvirifu chi vindu vieligali viza mba, navuzwa ichiriri chi lilohiza lie vindu valahi viizaa. Visiuviliru vilala viere vihaanwa vuli muhiga. Kunangwa Lilaga linyala ndi, kuvitira mu visiuviliru yivi, kolomba avandu vaazaa ku Nyasaye kuva avadukiru?

Vahebraina 10:19

Kunangwa, avaamitu vange, kigira masahi ga Yeso, koveeye no vovoholore vwosi vwu kwingira Hatakatifu ligali.

Vahebraina 11:28

Kigira lisuuvira yatangiza lipasaka, nalaga amasahi guufwi ku viliango kunangwa Engelosi wi Likuza avuli kwita avayaayi viivulwa kutanga mu vandu va Isiraeli.

Vahebraina 12:24

Mumali kuuza ku Yeso umuhambanyi wililagana lihia, kandi ku masahi guufa agasuuvirizaa vindu vilahi ligali kuvita masahi ga Habili.

Vahebraina 4:16

Kunangwa, gendi kuluviliri kwisunda ahimbi kondeve yu vwami vwa Nyasaye, hi zimbavasi ziveeye. Ahene yaho, kulanyoola livererwa kandi zimbavasi ziukokokoonya lwa kuzienya.

Vahebraina 6:11

Lienya lietu linene liveeye ndi, sa mulala ku munyi alolekizi vugulu vwivwe kuduuka ku keheri, chu vuduukiru vwi lisuuvirizwa lienyu.

Vahebraina 7:19

Lilaga lia Musa siliali linyala kokora kindu choosi kuva kidukiru mba. Navuzwa kalunu mu vogono vwalio, lisuuvirizwa lilahi ligali kuvita, limali kuhaanwa lia kunyala kuvitira mu, ma kwisundi ahimbi ku Nyasaye.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.

Vahebraina 9:19

Kutanga Musa yalandizira avandu vosi malago goosi kuli galohizwa mu Lilaga. Maku navugura masahi gi zigiriki na gi zimburi, nagazuganyia harara na mazi, kandi naguuha ku kitabu chi Lilaga kandi niyuha ku vandu vosi, natumikira ameyo galombwa ku visara nuvwoya vwakanyu.

Yakobo 1:6

Navuzwa lwa usaala, kuduuka usuuviri kandi utahayahaya mba. Mundu uhayahayiza aveeye kuli kiguvuli munyanza kisugumwa kandi kihunzulanywa yiyi na yiyi nimbuuza.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege