Vahebraina 1:7 - KITABU KITAKATIFU

⁷ Navuzwa ko zingelosi, Nyasaye yavoola ndi, “Nyasaye akolaa zingelosi veve kuva zimbuza kandi avatumikiri veve kuva lumemo lwu muliru.”

Vahebraina 1:7 Iomraidhean Croise

Litanga 3:24

Maku Yahova Nyasaye yakunga mundu kuzia ihale kutura mu mulimi gwa Edeni, yavika avakerubi ku lovega lwi ivugwi wa Edeni, kandi kivavi kehemahimaa chavodoganaa mu zimbega ziosi. Yakola ndio kwigalira mundu woosi avuli kuzia ahimbi nu musaala gwi livamwoyo.

1 Avami 22:19

Mikaya yaazizagilira kovora, “Kalunu huliri cha Yahova avola! Ndoli Yahova niyikaye koendeve yeeye yu vwami mwigulu naveeye harara nizingelosi veve vosi nivasingiyi ku zimbega zizie ziombi;

2 Avami 2:11

Vazizagilira komoloma ni vagenda; maku nonoho ligare liu muliru ni lihilwaa ni zibarasi ziu muliru liaza hagati haavo ni livavukanyia. Elija yahilwa igulu kuduuka mwigulu ni kihuzuzi.

2 Avami 6:17

Hene yaho Elisha yasaala, “O, Yahova, yigula zimoni ziu muyaayi uyu na oleke alole!” Yahova yativura lisaala lilie, kandi mutumikiri wa Elisha yahenza igulu, nalora vigulu ni vizuyi zibarasi na magare gu vulwani gu muliru goosi nigakumbirizi Elisha.

Zaburi 104:4

Ivi utumikira imbuza kuli avatumwa vovo, nolomemo lwu muliru kuli avatumikiri vovo.

Isaya 6:2

Zingelosi zisingiyi igulu weve, vuli indala yaali nizimbaha sita; yakunika mumoni mwimwe nizimbaha ziviri, kandi yakunika muviri gwigwe nizimbaha ziviri, nitumikira zimbaha zindi ziviri kuburuka.

Danyeli 7:10

mugera gwu muliru gwasundukaa kutura muyo. Vaali ho vandu zielefu zinyingi vamutumikira kandi vandi zimilioni vasingira imbiri weve. Kiyaalo chatanga miyinzi, kandi vitabu viakunulwa.

Zekaria 6:5

Yandivulira, “Yizi nizimbuuza zine zimali kuuza kutura imbiri wa Yahova wikivala choosi.”

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.