Vahebraina 1:2 - KITABU KITAKATIFU

² Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Vahebraina 1:2 Iomraidhean Croise

Litanga 49:1

Yakobo yalanga vayaayi veve navavoolera, “Hambi harara na ndamuvolera chaza chekoleke ku munyi mu madiku ga hambiri:

Isaya 2:2

Mu madiku gaaza, kukigulu kwi Litembeli lia Yahova liumbakwa kilava igulu ligali kuvita vigulu vindi viosi. Na zihiiri zinyingi valagenda kuzia kucho.

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Isaya 45:12

Kuzinguru ziange ndaalomba ligulu na viosi viveeye mu lio; liuva, mweli ni zing'ereng'ani. Ndaalomba lirova, kandi ninomba mundu komenya ku lio.

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Jeremia 30:24

Uvutima vwa Yahova vululu sinavugirung'ane mba kuduuka lwa naduukizi ilienya liezing'anagani zizie. Mumadiku gaaza mulakamanye yaga.

Jeremia 48:47

Navuzwa mu madiku gaaza Yahova alilanyila Moabu uvutugi kandi. Yaga goosi nigo aga Yahova amali kovora ndi, galakoleka ku kivala cha Moabu.

Ezekieli 38:16

Ivi nuwingiliri avandu vange va Isiraeli kuli ikiihi kikuguta ku kivala. Lwi ing'inga iliduuka, ndakakutumi kwingilira kivala change, kunangwa umanyie zihiiri ndi, inzi mbeeye vwaha, nukumanyia vutakatifu vwange agandaza ngole kuvitira mu ivi.

Danyeli 10:14

Mali kuduuka kunangwa ivi uduuki kumanya agazizaa kwekoleka ku vandu vovo mu madiku gaaza.” Yaga namalola kigira makuva gaaza.

Danyeli 2:28

Navuzwa aveeye ho na Nyasaye wu Mwigulu, uvula viokogenyia viaviswa. Akovoleraa O, mwami wiitu agazizaa kwekoleka mu madiku gaaza. Kalunu ndakovolera maloto googo, amalola ga walola lwa waali nogonaa.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Mika 4:1

Mu madiku gaaza mukigulu chi Litembeli liumbakwa, kilakave kiguru kitambi ligali kuvita vigulu vindi viosi. Zihiiri zinyingi zilangunyana kuzia mu kiguru yiki,

Livalidza 24:14

Baalamu yavolera Balaki, “Kalunu nzirana ku vandu vange, navuzwa ningikiri kuzia, ngovolera ga vandu va Isiraeli valikolera vandu vovo mu zing'inga ziza.”

Matayo 13:39

Musigu wamiiza mavanze ni Setani. Ligesa liveeye keheri chi lirova, na avagesi ni zingelosi.

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Matayo 21:38

Navuzwa lwa avalimi yavo valora umwana weve vavolerana, ‘Uyu niyie ulinyoola imiandu; gendi kumwiti, ma kuvuguli imiandu jije!’

Matayo 26:63

Navuzwa Yeso yakiring'ana. Musaalisi Munene yamuvolera, “Ngwisuuhiza mu lieta lia Nyasaye oveeye mwoyo, okovolere niiva ivi niyie Mesia, Umwana wa Nyasaye.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Matayo 3:17

Kandi henza, umwoyo gwatura mu ligulu ni govoora, “Uyu nu Umwana wange muyanze wandayanza.”

Marko 1:1

Yaga na makuva malahi ga Yeso Kristo, Mwana wa Nyasaye.

Marko 12:6

“Yaatigara umundu mulala wukutuma naye nu muyaayi weve umuyanze. Lwu kumaliriza, yatuma umwene oyo navoora, ‘Valatia, kigira nu muyaayi wange.’

Marko 12:7

Navuzwa avalimi yavo vavolerana aveene ku aveene, ‘Uyu niyie ulinyoola imiandu; gendi kumwiti kunangwa imiandu josi jilave ijietu!’

Yohana 1:10

Likuva liali mu lirova, kandi muye Nyasaye yalomba lirova, navuzwa lirova, siliamumanya mba.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 1:3

Nyasaye yalomba vindu viosi kuvitira muye. Sichaaliho ni kindu kali kilala ku vilombe viosi, ichalombwa vugira Ye.

Yohana 13:3

Yeso yamanya ndi, Baba weve umali kuviika vindu viosi hasi hi zinguru zizie, kandi yamanya ndi yatura ku Nyasaye kandi yirana ku Nyasaye

Yohana 13:32

Niiva uvukumi vwa Nyasaye vuvuulikiyi mu Mwana, kandi ndio Nyasaye naye alalolekiza uvukumi vwu Mwana muye mwene, na alamukuminya vwangu.

Yohana 15:15

Kutura kalunu sinyala kumulanga avatumwa kandi mba, kigira mutumwa siamanyi ichu mwami weve akolaa mba. Navuzwa inzi mali kumulanga avalina, kigira mali kumuvolera goosi aga ndahulira kutura ku Baba wange.

Yohana 16:15

Viosi via Baba aveeye navio viveeye iviange; yiki nicho chagira nimbora, Roho Mutakatifu alavugula aga ndimuha na amulandiziri.

Yohana 17:2

Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Yohana 3:25

Amahangari malulu gatulira hagati ha valala ku aviigi va Yohana nu Muyuda mulala ku makuva gu kwisaava kolondekana ni miima ji lisuuvira liavo.

Yohana 5:26

Kuli Baba aveeye vutangiliru vwi livamwoyo kandi ndio umali kuhaana Mwana ave vutangiliru vwi livamwoyo.

Yohana 5:27

Kandi yamali kuha Mwana uvunyali vwu kukalaga, kigira aveeye Mwana wa Adamu.

Yohana 9:29

Kunyi kumanyi vulahi ndi Nyasaye yamoloma na Musa; navuzwa kulwu mundu uyu kali kunyi sikumanyi uwa atulaa mba.”

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 2:17

‘Mu madiku ge keheri, Nyasaye avoora: Ndazuka Roho wange ku avandu vosi. Avana vinyu, avayaayi na vakana, valaporofeta makuva gange; vasoleri vinyu valalola malola, na vasakulu vinyu valalota maloto.

Varumi 1:4

ku liiva liu vutakatifu vwu vunyasaye vwivwe, Yeso Kristo yalolekizwa ni zinguru zinene kuva Mwana wa Nyasaye kulwo kusimugukizwa kutura mu vakuzu.

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

1 Vakorintho 2:7

Vogeri vwa nzilwazaa voveeye vwa agaviswa ga Nyasaye, ovogeri vwaviswa ku vandu navuzwa vwa Nyasaye yatovola kigira uvukumi vwitu kali lirova ni likikiri kolombwa.

1 Vakorintho 8:6

navuzwa ku kunyi aveeye ho Nyasaye mulala yenyine vuzwa, Baba oveeye mulombi wi vindu viosi, wa koveeye mwoyo kigira oyo. Kandi haveeye ho vuzwa nu Mwami mulala Yeso Kristo, wi vindu viosi vialombwa kuvitira muye; kandi koveeye mwoyo kuvitira muye.

Vagalatia 4:4

Navuzwa lwa ing'inga indahi yaduuka, Nyasaye yatuma Mwana weve. Yaza kuli mwana wivulwa nu mukali, kandi namenya hasi hi Lilaga lia Avayuda,

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.

Vafeso 3:9

Kandi ngole avandu vosi vaduuki kolola kuli lilohiza lia agaviswa ga Nyasaye liduukizwa. Nyasaye, oveeye mulombi wi vindu viosi yaavisa imbisu kutura kale,

Kwidzulitsa 18:15

Muvogono yivwo Yahova Nyasaye winyu alamutumira muporofeti kuli inzi kutura mu vandu vinyu, na munyi kuduuka mumuhuliri.

Kwidzulitsa 31:29

Manyi ligali ndi inyima wilikuza liange, avandu valagwa avadamanu kandi vasuuli icha ndaavigiza. Mu ing'inga yizaa, maduywa gukutihiza galavagwira, kigira valava ni vakora Yahova kuva nu vutima mulikola ga yavagaya vavuli kokora.”

Kwidzulitsa 4:30

Lwa muveeye mu kivi ni vindu yivi viosi viekoleke ku munyi, ahene yaho mulimalirika mulagirung'ana nokwirana ku Yahova Nyasaye winyu nukumuhulira.

Vahebraina 1:5

Nyasaye si yavoolela ku zingelosi, “Ivi oveeye Mwana wange; lero inzi mali kugwa Baba woovo?” Anoho si yavoola ku engelosi woosi, “Inzi ndava Baba weve, naye alava Mwana wange?”

Vahebraina 1:8

Navuzwa ku Mwana, Nyasaye yavoola, ndi: “ O, Nyasaye, Uvwami vuvwo, vulahindira mihiga ni mihiga! Wamiihaa avandu vovo nu vulungi.

Vahebraina 11:3

Kigira lisuuvira, kumanyirizaa ndi ligulu lialombwa ku likuva lia Nyasaye, kunangwa, linyala kololeka lialombwa kutura ku vitalolekaa.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Vahebraina 4:14

Maku gendi kugumiri vudinyu ligali lieyama lisuuvira lietu lia kovora koveeye nu Musaalisi Munene ligali umali kuzia kuduuka mwigulu imbiri wa Nyasaye naye ni, Yeso Mwana wa Nyasaye.

Vahebraina 5:8

Kali niiva yaali Mwana wa Nyasaye, navuzwa yiiga kuhulira Nyasaye kuvitira mu vusaliri vwivwe.

Vahebraina 7:28

Lilaga lia Musa litovolaa avandu vataveeye vadukanu kuva avasaalisi vanene; navuzwa lisuuvirizwa lia Nyasaye lia yakola kuliesuuha, liaza inyima wi Lilaga, limali kotovola Mwana, umali kokolwa muduukiru mihiga ni mihiga.

Vahebraina 7:3

Siaveeyeho na vang'oda baba anoho na mama weve mba anoho mulala ku vaguuga veve mba; livulwa lilie anoho likuza lilie silimanyikani mba. Aveeye kuli Mwana wa Nyasaye; alava musaalisi mihiga ni mihiga.

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

1 Petro 1:20

Yatovolwa na Nyasaye ing'inga yi lirova liali ni likikiri kolombwa kandi yalolekizwa mu madiku gukumaliriza yaga kigira munyi.

2 Petro 3:3

Kindu chu kutanga, gamudukira mumanye ndi mu madiku ge keheri yaga, vandu valala valaloleka kuva vilivamwoyo liavo iliamiifwi ni likayirwa lie miviri jiavo valakamunyage kandi

Yudasi 1:18

Vamuvolera, “Lwi zing'inga zie ekeheri ziduuka, avandu valakaze avalimukolera kehenyahenye avandu valonda ilikayirwa liavo lidamanu ilitaveeye liu uvunyasaye.”