Vafilipi 4:8 - KITABU KITAKATIFU

⁸ Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

Vafilipi 4:8 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

2 Samweli 1:23

“Saolo na Jonazani, vaali avalahi kandi avayaanzwa ligali. Mulivamwoyo, kandi mu likuza; sivaavukana mba. Vaali avizimbiru kuvita zindizu. Vaali avizingulu kuvita zisimba.

2 Samweli 23:3

Nyasaye wa Isiraeli umali komoloma; mukingi wa Isiraeli yambolera: “Mwami wamihaa nuvulungi, uwamiha mu liitia Nyasaye.

Zaburi 82:2

“Kuduuka mulekere likalaga litaveeye nuvulungi nukumanyia liyanzilira avandu vadamanu.

Tsing'ano 11:1

Yahova adunyiraa vandu vatumikira vigero viuvugadi, navuzwa aveeye nuvuyanzi ni vigero viagiligali.

Tsing'ano 12:4

Mukali mulahi aveeye itaji kandi uvusangari kumusaza weve; navuzwa mukali oletanga zisoni kumusaza weve aveeye kuli vigumba vivie viaguunda.

Tsing'ano 16:11

Yahova yenya vigelo viosi vive visuuvirifu, na vuli kegelo keve cha giligali.

Tsing'ano 20:7

Avana vaveeye ni ingavi niiva vaveeye na baba oveeye musuuvirifu kandi okolaa gaveeye amalungi.

Tsing'ano 31:10

Nivwaha unyala konyoora mukali mulahi? Aveeye mulahi ligali kuvita magina guvuguli.

Tsing'ano 31:29

Avoora; “Vakali vanyingi vaveeye avalahi, navuzwa ive oveeye mulahi kuvavita vosi.”

Tsing'ano 31:31

Adukanaa asandizwi ku viosi viakolaa kandi vandu vosi vaduukana vahane luyali kuye.

Lwimbu lwa Solomoni 5:16

Limoloma lilie liveeye lilahi ligali, vindu viosi kuye viyanziza. Avakali va Jerusalemi, uyu nu muyanze wange kandi nu mulina wange.

Isaya 26:7

Yahova, ulungikizaa zinzira ziavalungi, inzira ya vagenda ku eveeye inungi.

Matayo 22:16

Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Marko 6:20

yaali ni yatia Yohana kigira yamanya aveeye umundu umulahi kandi umutakatifu. Kulwayago yamukinga vulahi. Herodi yayanza kuhuliriza aga Yohana yavoola, kali niiva yaahenda umwoyo ligali ing'inga yoosi yayamuhulirizaa.

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Luka 2:25

Kunangwa yaali ho mundu mu Jerusalemi walangwa Simioni; yaali mundu mulungi kandi uwatia Nyasaye niliehozeliza. Mundu uyu yalindilira vohonyi vwa Isiraeli kandi Roho Mutakatifu yaali kuye.

Luka 23:50

Yaali ho mundu mulala uwalangwa Josefu, kutura mu lidaala lie Vuyuda ilialangwa Arimazia. Yaali mundu mulahi kandi umulungi, yaali mulala ku vanene vi kiyaalo cha Vayuda.

Yohana 7:18

Oyo wevoolera ku vunyali vwivwe mwene yeyenyera uvukumi vwivwe mwene; navuzwa uyu uwenyaa uvukumi vwa oyo wamutuma, aveeye wiligali, na muye siaveeye nuvugadi vwosi mba.

Vikolwa 10:22

Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.”

Vikolwa 22:12

“Yaali yo mundu mulala walangwa Anania, mundu watia Nyasaye, uwatia Lilaga lietu, kandi waali nu luyali lonene imbiri wa Vayuda vosi avamenyaa Damasiko.

Vikolwa 6:3

Kunangwa, avaamitu, mutovole avandu saba ku munyi avaveeye nilizominywa lilahi, aviizula Roho Mutakatifu novogeri, kuvaviiki ku miyinzi yigu vagulindi.

Varumi 13:13

Ligenda lietu kuduuka live lio vohocha kuli avandu vamenyi mu vulavu vwi lidiku; kutava mu lihuvaala nilisieva, mu lihambika, mu vohenyi, anoho kifavwi cho voheyi mu volembani nilikubana kandi nembodoka mba.

Varumi 13:3

Avamihi sivaleeta litihiza ku vandu valahi mba navuzwa vatihiza vandu vadamanu. Wakayaanzi uvuli kuva nuvuti nayavo vamiiha? Maku okole gaveeye malahi, navo valakwizominya,

Varumi 14:18

Uyu utumikira Kristo kuli ndio ayaanzwa na Nyasaye, kandi avugilirwa na vandu.

Varumi 2:29

Muyuda wiligali ni oyo oveeye Muyuda musi mugati; agaveeye kovora, uwumwoyo gwigwe mu Roho gumali kokevwa; kandi yigu goveeye muyinzi gwa Roho wa Nyasaye, sigoveeye gwi Lilaga liang'odwa mba. Mundu wu lugano yilu anyoora lizominywa lilie kutura ku Nyasaye, silitulaa ku vandu mba.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 13:7

Kalunu kusaala Nyasaye ndi munyi muvuli kokora vwoni vwosi, sigaveeye kuvuli kwimanyia kuli vandu vamali kuguuta, navuzwa muduuki kokora agaveeye malungi, kali niiva kunyi kulaloleka kuli vatamiywi.

2 Vakorintho 6:8

Kohevwa uluyali na vandi. Konyegwa kandi kuginwa na valala; na kwizominywa na vandi. Kuvugulwa kuli vavehi, navuzwa kovora giligali;

2 Vakorintho 8:18

Harara naye, kutumaa amiitu mulala, wulusuma lwilwe lulahi kwilwaza Ivangeri ya Nyasaye, lwamanyikana mu makanisa goosi.

2 Vakorintho 8:21

Kivuni chi lienya lietu keveeye kokora agaveeye malungi; sigaveeye vuzwa imbiri wu Mwami yenyine mba, navuzwa imbiri wa vandu kandi.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vafeso 4:25

Kigira yaga, musuuli uvovehi, vuli mundu gamuduukira avolere musuuviri wache gagiligali, kigira koveeye kwosi kevero kilala aveene naveene harara mu muviri gwa Kristo.

Vafeso 5:9

Likuyu liu vulavu linyoolekaa mu goosi gaveeye malahi, malungi kandi agiligali.

Vafeso 6:14

Kunangwa singiri vudinyu ni mwevohi agiligali kuli umusibi mu vikenge vienyu, kandi ni mwiviki uvulungi kuli isalamba,

Kwidzulitsa 16:20

Mulalonde uvulungi vweng'ine; kunangwa muduuki komenya mu kivala cha Yahova Nyasaye winyu amuhezaa.

Vafilipi 3:1

Mulimala, avaamitu vange, musangare mu Mwami. Sivoveeye uvudinyu ku inzi ukwirana kumung'odera ivindu vilala viere, navuzwa vwakaveeye vulahi ku munyi, niiva inzi ngola ndio.

Vakolosai 4:5

Muve no vogeri ku vandu avatasuuvira. Mutumikiri vwiyangu ni ing'inga ya muveeye nayo vulahi.

1 Vatesalonike 4:12

Munzira yiyi mulanyola lizominywa kutura ku vandu avasuuviraa kandi muvuli kuva ni lienya kindu kutura ku mundu woosi.

Tito 1:8

Gamudukira ave mwingirizi wa vageni kandi uyanzaa gaveeye malahi. Gamudukira ave mwilindi wuvulungi, umutakatifu, kandi wi miima milahi.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Tito 2:2

Wigizi avakulundu vave avadukanu, avokohevwa luyali, avilindi, avovogeri, vi lisuuvira, vu vuyanzi, kandi vu kwikuzira.

Tito 2:7

Mu vindu viosi ivi umwene wimanyie kuva oveeye chokololera ku miima milahi; ove musuuvirifu kandi mugulu mu liegiza liilio.

Tito 3:14

Kuduuka avandu viitu vigi kutumikira zing'inga ziavo mu likora miyinzi milahi, kunangwa vakonye avandu vaveeye novogeheru. Vatava ni limenya liavuzwa mba.

Vahebraina 11:2

Kigira lisuuvira avaguuga vavugilirwa na Nyasaye.

Vahebraina 13:18

Muzizagiliri kukusaalira. Kololaa ndi koveeye ni zing'anagani ziu mu mwoyo zindahi, kigira kwenyaa kokole agaveeye malungi kazozo mu vindu viosi.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 4:8

Kuvita vindu viosi muyaanzane ligali aveene naveene, kigira uvuyanzi vukunikaa uvwoni uvunyingi.

2 Petro 3:1

Avalina vange avayaanze, yiyi ni ibarwa yange ya kaviri, mung'oderaa. Mu ziombi ngerizaa kuvukiza iziganagani zindahi mu mioyo jinyu ku limwizuliza amakuva yaga.

1 Yohana 3:18

Avana vakekeeke vange, uvuyanzi vwitu vutava vwa amakuva ni limoloma iliere vuzwa mba; kuduuka vove uvuyanzi vwagiligali uvwimanyia uvwene mu vikolwa.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.

1 Yohana 4:1

Avalina avayaanze vange, mutasuuvira avandu vosi avevoora avaveeye na Roho, navuzwa muhenzerizi kandi mulole niiva mundu oyo yimilirwa na Roho wa Nyasaye. Yiki ni kigira avaporofeti vovovehi vanyingi vamali kuzia mu kivala choosi.

Ruth 3:11

Na kalunu, mukaana wange, utatia mba. Ndakokolera goosi agoteeva, kigira avilidaala liosi lia vandu vange vamanya ivi oveeye mukali mulahi.