Vafilipi 4:6 - KITABU KITAKATIFU

⁶ Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

Vafilipi 4:6 Iomraidhean Croise

1 Avami 8:28

Yahova Nyasaye wange, inzi mbeeye mutumikiri woovo. Hulira lisaala liange na uhaane mativuli ku lianira lia ngoteva kalunu.

2 Kyetsinyinga 32:20

Maku mwami Hezekia nu muporofeti Isaya muyaayi wa Amozi, vasaala ku Nyasaye kandi vanira kuye avakoonye.

Zaburi 51:15

O, Yahova, ongonye komoloma; na inzi ndakwizominya.

Zaburi 55:17

Nzanira ku Yahova vuli mugambazuri, mbasu hagati kandi vudiku, lielilira liange liaduuka kuye naye alahulira.

Zaburi 55:22

viika vudinyu vuvwo ku Yahova, naye alakosoola. Sialaleka avalungi veve vaguutwi mba.

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 16:3

Teva Yahova agaasizi lilohiza liilio, na limaliriza lia lio lilava lilahi.

Lwimbu lwa Solomoni 2:14

Ivi oveeye kuli likuulu lievisaa mu zimbangaywa zia magina. Leka ndore mumoni mumwo kandi mbuliri mwoyo gugwo; Kigira mwoyo gugwo goveeye mulahi ligali, kandi mumoni mumwo muveeye mwuvuyaanzi.

Jeremia 32:16

Inyima wa ndaali nindaakahaana zibarwa zie ligulana mulimi ku Baruki mwana wa Neria, ndaasaara ku Yahova nimbora,

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Danyeli 3:16

Sadaraka, Meshaka, na Abedinego vativura nivavoora, “O, mwami, si kulageliza kwikinga aveene mba.

Danyeli 6:10

Lwa Danieli yahulira ndi mwami umali kuviika mukono ku lilago yili, yazia yengo. Munyumba yeeye yaali mu ne keng'oze chaali higulu na chaali ni lidirisia liahenza Jerusalemi. Hene yaho kuli yakola kazozo, yasigama hasi ha yaali yiguyi lidirisia nasaara ku Nyasaye haali kavaga ku lidiku.

Matayo 10:19

Lwa valimuhila mu viina kumuyaara, mutakahende mioyo ku aga mulitivula anoho kuli mulivoola; kigira ku ing'inga yeyo, mulakahevwe aga mulivoola.

Matayo 13:22

Nuvuguza yivu uvwagwa mu mafwa voveeye kuli avandu vahuliraa likuva, navuzwa amadidikano gi ikivala yiki, harara nilienya uvutugi, vikunikaa likuva zana, ma vavura kwama amakuyu.

Matayo 6:34

Kunangwa mutahenda mwoyo ku lidiku lia mugamba, kigira mugamba goveeye na makuva gagwo. Muleke uvudinyu vwi lidiku lilala vuduukane ni lidiku liene yilio.

Matayo 6:8

Mutava kuli aveene yavo mba. Baba winyu amanya vindu via mwenya kali ni mukikiri ku muteeva.

Luka 10:41

Mwami Yeso yativura namuvolera, “Marita, Marita, ohendaa mwoyo kandi nunyang'ana ku vindu vinyingi.

Luka 12:22

Yeso yavolera aviigi veve, “Kigira gene yaga muvooleraa, Mutahenda mwoyo kigira livamwoyo lienyu, ku icha mulilia, anoho zinguvu zia mwenya kwivika.

Luka 12:29

“Kunangwa, mutenyeleriza muziganagani zienyu icha mulilia anoho icha mulinwa mba.

Luka 18:1

Maku, Yeso yavolera vigi veve lugano kuvamanyia ndi, gavadukiraa vasaale kazozo vugira kuluha.

Luka 18:7

Kalunu, Nyasaye sialakalagira avandu avatovole veve uvulungi, avamwanira mbasu nuvudiku? Alalindagilira ko lohono kuvativulira lianira liavo?

1 Vakorintho 7:21

Ivi waali mutugwa lwa Nyasaye yakulanga? Vulahi. Utahenda mwoyo mba. Navuzwa niiva wakanyoola vwiyangu kuva muvoholore, tumikira vulahi uvwiyangu yivwo.

1 Vakorintho 7:32

Ndakayanzi munyi muvuli kuva ne kehenda mwoyo. Mundu utaveeye nu mukali anyang'aniraa miyinzi ju Mwami, kigira agerizaa kuyaanziza Mwami.

2 Vakorintho 1:11

kuli munyi mukokonyaa kandi munzira ya masaala ginyu kigira kunyi. Galava ndi, amasaala manyingi kigira kunyi galanyoola mativuli, kandi Nyasaye alagasiza kunyi; kandi vanyingi vizominyaa Nyasaye mu lisandiza kigira kunyi.

Vafeso 5:20

Mwizominye kandi muhaane lisandiza kazozo ku Baba Nyasaye kigira vindu viosi mu lieta liu Mwami wiitu Yeso Kristo.

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

Vakolosai 3:15

Muleke mirembe ja Kristo ahaanaa jamiihi mu mioyo jinyu, kigira mirembe yiji, Nyasaye yamulanga muuzi mwosi harara mumuviri mulala, muve kandi nilisandiza.

Vakolosai 3:17

Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Petro 5:7

Muviiki lihenda mwoyo lienyu liosi ku Nyasaye kigira amulindaa.

1 Samweli 1:15

Hana yamutivulira, “Awa; Simbambiki mba, mwami wange, sinweyange iwaini mba. Mbeeye nekehenda mwoyo kenene ligali. Ndakusaalaa, nimbika vudinyu vwu mwoyo gwange ku Yahova.

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.

1 Samweli 7:12

Maku Samweli yavugula ligina, naalisingiriza hagati ha Mizipa na Sheni, navoora, “Yahova amali kokokonya munzira yoosi,” kandi yaaligulika “Ebeneza.”