Vafilipi 4:1 - KITABU KITAKATIFU

¹ Kunangwa, vamiitu vange, munyi muveeye avayaanze vange mbeeye na mahooru kolola munyi ligali! Munyi mungolaa kuva nu vuyanzi kandi nzekonyaa kigira munyi. Gamudukira musingiri vudinyu mu Mwami.

Vafilipi 4:1 Iomraidhean Croise

Ayubu 31:36

Ngano ndakagiviiki ku mavega gange ni liegingira, kandi ngano ndakagevohi ku mutwi kuli itaji.

Zaburi 125:1

Yavo avasuuviraa mu Yahova vaveeye kuli kiguru cha Ziyoni, kitanyala kusundwa, navuzwa kihindira mihiga ni mihiga.

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Matayo 10:22

Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.

Yohana 8:31

Kunangwa, Yeso yavolera Avayuda yavo avaari nivamusuuviyi, “Niiva mulagumira amigizu gange mulava ligali aviigi vange;

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

1 Vakorintho 16:13

Mulindi, musingiri vudinyu mu lisuuvira lienyu, muve valuviriri, kandi muve ni zinguru.

2 Vakorintho 1:14

kuli mumali kumanyiriza kunyi hakekeke vuzwa, ndi munyala kwekonya kigira kunyi kuli kunyi kunyala kwekonya kigira munyi, ku Lidiku lie liza liu Mwami wiitu Yeso.

Vagalatia 5:1

Koveeye no vovoholore mu Kristo na Kristo niyie wakovoholora. Kunangwa, singiri vudinyu kuli avandu vavoholore kandi mutavugilira kuva avatugwa kandi mba.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 1:8

Nyasaye aveeye mulolekizi wange ndi mboraa agiligali, lwambolaa ndi vuyanzi vwange ligali ku munyi mwosi vuturaa ku Kristo Yeso.

Vafilipi 2:16

lwa muva muvahezaa likuva lie livamwoyo. Nimuva nimukora ndio, inzi ndava ni kivuni chukwekonya kigira munyi Lidiku lia Kristo, kigira lilamanyia ndi ilinyang'ana liange liosi harara ni miyinzi josi sijali ja vuzwa mba.

Vafilipi 2:26

Aveeye ni lienya ligali kolola munyi mwosi, na yaveeye ni liverera kigira munyi mwahulira ndi aveeye umulwaye.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

2 Vatesalonike 2:15

Kunangwa avaamitu viitu, singiri vudinyu nu vuluviliri. Mulonde amigizu ga kwamwigiza, nigava ku lilwaza lietu, ku makuva giitu anoho ku ibarwa yitu.

Vahebraina 10:23

Gendi kugumiri vudinyu lisuuvira lietu vugira lihayahaya, kigira Nyasaye walomba lilagana yili aveeye musuuvirifu.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

Vahebraina 4:14

Maku gendi kugumiri vudinyu ligali lieyama lisuuvira lietu lia kovora koveeye nu Musaalisi Munene ligali umali kuzia kuduuka mwigulu imbiri wa Nyasaye naye ni, Yeso Mwana wa Nyasaye.

2 Petro 3:17

Navuzwa munyi, avalina vange, mwamanya vindu yivi. Muve mu lielinda kunangwa muvuli kogotizwa nu vugadi vwa vandu vachamu harara ma mugwi kutura havundu halahi.