Vafilipi 3:8 - KITABU KITAKATIFU

⁸ Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

Vafilipi 3:8 Iomraidhean Croise

1 Avami 14:10

Kigira yaga, ndaleta kivi ku vwamihi vwi inyumba yooyo kandi ndiita visukululwi vikisaza vovo vosi, vana na vahindira vugira kweliza. Ndatuliza ho vandu vinyumba yooyo; valeeywa vatuli ho kuli isingu.

2 Avami 9:37

Zinyama ziu muviri gwigwe zilakasalanywe uwene yeyo kuli isingu, kunangwa mundu kali mulala sialakanyalize kugumanyiriza.’ ”

Ayubu 20:7

navuzwa valahuuzwa ihale kuli luguchi. Yavo avavamanya valakavoole, valakagenye aveeye haliha.

Zaburi 126:6

Yavo avazizaa kumiza uvuguza nivalira, valirana nisango yuvusangali lwa valeta ligesa liavo mu videera.

Zaburi 73:25

Nivwaha wa inzi mbeeye naye mu ligulu nataveeye ivi? Lwa inzi mbeeye ni ivi, ni kinduki cha inzi nyenya ku lirova?

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Malaki 2:3

Ndakahaane mageri ku vana vienyu kandi ndakavake mu zimoni zienyu isingu yi mitugu ja muhaana kuli visiuviliru. Mulahilwa kutura imbiri wange nukuhirwa ku isiina.

Livalidza 14:30

Ndaamulaga komenya mucho, navuzwa siaveeyeho kali mulala ulimenya mucho nitali Kalebu muyaayi wa Jefune na Joshua muyaayi wa Nuni.

Luka 1:43

Inzi nivwaha kali mama wu Mwami wange yaaze ku inzi?

Luka 11:20

Navuzwa niiva inzi ngungaa amademoni kuzinguru zia Nyasaye, mumanye ndi Uvwami vwa Nyasaye vumali kuduuka ku munyi.

Yohana 14:20

Lwi lidiku yilio liliduuka mulakamanye ndi inzi mbeeye mu Baba wange, kandi munyi muveeye mu inzi, kuli inzi mbeeye mu munyi.

Yohana 14:7

Mulava mwamanya inzi, ngano mwamanyia Baba wange kandi. Kutura kalunu mumumanyi, kandi mumali kumulora.”

Yohana 16:3

Valamukolera yaga kigira vakikiri kumanya.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 17:8

Inzi mali kuvavoolera amakuva ga wambolera mbavoolere navo vagavugiliyi. Vamanya agiligali ndi inzi ndaatula ku Ivi, kandi vamali kusuuvira ndi ivi wanduma.

Yohana 20:13

Zingelosi yavo vamuteeva, “Mukali, kigira ki uliraa?” Naye yavavolera, “Vaakuvugula Mwami wange, na simanyi wa vamuviki mba!”

Yohana 20:28

Tomasi yamutivulira, “Mwami wange kandi Nyasaye wange!”

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Varumi 8:18

Ndolaa ndi uvusaliri vwitu vwi ing'inga ya kalunu yiyi si vunyala koleng'anywa nu vukumi vwa kulilola kali hakuzu mba.

Varumi 8:39

anoho kivala chi igulu, anoho cha hasi ligali, anoho kelombe ku vilombe viosi ikinyala kukwavukanyia nu vuyanzi vwa Nyasaye, ovoveeye vwitu kuvitira mu Kristo Yeso, Mwami wiitu.

1 Vakorintho 2:2

Lwa ndaali ni munyi ndatovora mburi kumanya kindu choosi hagati hinyu nitali Yeso Kristo mbitilira likuza lilie ku musalaba.

1 Vakorintho 9:10

Si yaali naganagana kigira kunyi ligali lwa yavoola yaga? Yee, yaga gaang'oderwa kunyi. Uyu ulimaa, kandi uyu ogesaa gavadukiraa vakole imiyinzi jaavo ni lisuuvira ndi valanyora kegero ku viamo vie vitagwa zana.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Vagalatia 1:16

kuvuula Mwana weve ku inzi, kunangwa nduuki kwilwaza Ivangeri yeeye ku vandu vizihiiri, si ndaazia ku mundu woosi kwenya zing'anagani mba;

Vafeso 4:13

Kandi ndio, kunyi kwosi kulakaze harara muvuhambani vwi lisuuvira lieta kandi mu limanya lietu liu Mwana wa Nyasaye. Kulakave avandu avahindira avadukanga ku kegero chu vuduukiru vwosi ovonyoleka mu Kristo.

Vafilipi 1:1

Inzi Paolo na Timateo, avatumikiri va Kristo Yeso, Kong'oderaa munyi Avakristayo vosi mu Filipi avahambanywa na Kristo Yeso, avahenzi na aviimiliri va amakanisa harara na avakonyeleri vaavo.

Vafilipi 3:10

Icha inzi nyenya ku viosi ni kumanya Kristo, no kolola izingulu zie ilisimuguka lilie, nduuki kusanga mu uvusaliri vwivwe, nu kuvwa kuli oyo mu likuza lilie,

Vafilipi 3:12

Simbolanga ndi inzi ndaamara kuguuta, anoho mali kokolwa umudukiru ligali mba. Nzidinyirizaa ligali kuzia imbiri kunangwa nduuki ku kivuni kandi nyoore ikihaanwa yicho ichagira Kristo Yeso niyaangunzira.

Vafilipi 3:7

Navuzwa ku viosi iviali vinyala kuva viu uvukala ku inzi, kalunu mbivalizaa kuva iligotiza kigira Kristo.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

1 Petro 2:7

Ligina yili liveeye liu vuguli vonene ligali ku vandu avasuuviraa; navuzwa yavo avatasuuvira, “Ligina zana liavumbaki vasuura, kuli ilitaveeye novokoonyi, ligirung'ani kugwa ligina lie kivuni kenene ku goosi.”

2 Petro 1:2

Zimbavasi ni mirembe vive mu munyi muvunyingi mulimanya Nyasaye na Yeso Mwami wiitu.

2 Petro 1:3

Zinguru zindakatifu zia, Nyasaye zimali kukuha vindu viosi viduukana kove navio ku komenye liiva lia Nyasaye. Kuvitira mu limanya lietu lia uyu wakulanga kuduuki kusanga mu vukumi kandi uvulahi vwivwe mwene.

2 Petro 1:8

Ni muva ni vindu yivi muvunyingi, vilamukola kuva avaguru kandi avadukanu mu limanya Mwami wiitu Yeso Kristo.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.

1 Yohana 1:3

Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.