Vafilipi 3:2 - KITABU KITAKATIFU

² Mugerihi ku yavo avakolaa vindu vidamanu, vaveeye ku zimbwa, avandu vavoola kuduuka yavo vakalage imiviri jaavo.

Vafilipi 3:2 Iomraidhean Croise

Zaburi 119:115

Tuli ku inzi munyi avoni. Inzi ndahulira malago ga Nyasaye wange.

Zaburi 22:16

Kiduma cha avandu vadamanu kingumbirizi; vambodong'ani kuli kiduma chi zimbwa zinduru pa. Vatandulanyia makono nivirenge viange kuli isimba.

Zaburi 22:20

Ombonyie kutura ku kivavi; honyia livamwoyo liange kutura kuzinguru zie zimbwa yizi!

Tsing'ano 26:11

Mundu musiru okolaa kindu chu vusiru lwa kaviri, aveeye kuli imbwa yirana kulia maluki gayo.

Matayo 24:10

Vandu avanyingi valikigitara no koleka ilisuuvira liavo. Valazamana aveene naveene nu kuduunyirana

Matayo 7:15

“ Mugerihi ku avaporofeti vo vovehi. Valaza ku munyi niviviiki zinguvu zia magondi, navuzwa mu mioyo jaavo vaveeye visalang'ongo vilulu.

Matayo 7:6

“Mutaha izimbwa vindu vitakatifu, gase zilagirung'ana ma zimutanduli; anoho mutasigisira zinguruvi iziluulu zienyu, gase zilaziduvagira hasi.

Varumi 2:28

Kunangwa, Muyuda wiligali nivwaha ni oyo wakevwa ligali? Kigira, Muyuda wi ligali siaveeye uyu ololekaa vuzwa ichova, anoho likevwa lieligali siliveeye kigira yakevwa ku muviri mba.

2 Vakorintho 11:13

Avandu kuli yava vaveeye avatumwa vovovehi; avatumwa vuvugadi avigirung'anyia veene valoreke kuli avatumwa viligali va Kristo.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vagalatia 5:15

Navuzwa, ni mulumana kuli zinyama ziu mbulimu nu kusalirizana aveene naveene, muhenze vulahi gase muladivizana aveene naveene.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

2 Petro 2:22

Gamali kokoleka kuvo kuli izing'ano zie ligali ndi: “Imbwa yiranaa kandi ku maluki gayo,” kandi “Inguruvi isingiywi kandi yiranaa kugalagala mu madohi.”

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.