Vafilipi 3:18 - KITABU KITAKATIFU

¹⁸ Ndaamara kumuvolera amakuva gaavo haali kanyingi ulwimbiri, kandi kali kalunu nziraniraa kumuvolera na amaliga: vaveeye ho na avandu avanyingi avaveeye avasigu vu musalaba gwa Kristo.

Vafilipi 3:18 Iomraidhean Croise

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

Isaya 8:11

Yahova yanziganihiza ni zinguru zizie zinene mbule kolonda zinzira ziavandu valonda.

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Kyavalevi 11:16

Livuudu, imbugavuga, kiliiza.

Kyavalevi 13:8

Musaalisi alamuhenzeliza kandi. Niiva vumali kulanda alamulandiza kuva mudamanu; voveeye vulwaye vwu kutihiza vwo vogere.

Luka 19:41

Lwa yaduuka ahimbi Jerusalemi yalora lidaala zana, nalililira,

Vikolwa 20:19

Mumanyi kuli ndatumikira Mwami ni liegehiza liosi, na maliga goosi ndakora miyinzi jange kuli mutumwa wumwami mu ing'inga yu vudinyu vunyingi uvwangwira kigira vuhimwa vwa Vayuda.

Varumi 9:2

Lwa mboraa kuli vovereri vwange voveeye vonene, kandi kuli mbeeye nu vusaliri vutaveeye ne kegero mu mwoyo gwange kigira avandu vange,

1 Vakorintho 1:18

Likuva lie likuza lia Kristo ku musalaba liveeye uvusiru ku yavo avadivaa, navuzwa ku kunyi avahonywa, liveeye zinguru zia Nyasaye.

1 Vakorintho 6:9

Si mumanyi ndi vandu vachamu sivalinyoola vwami vwa Nyasaye? Mutagadwa mba! Avandu vamenyaa mu kifavwi cho voheyi, avasigamiraa misaambwa, anoho avaheyi, malaya masaaza anoho avasaza vagonaa avasaza vache,

2 Vakorintho 11:13

Avandu kuli yava vaveeye avatumwa vovovehi; avatumwa vuvugadi avigirung'anyia veene valoreke kuli avatumwa viligali va Kristo.

2 Vakorintho 11:29

Lwu mundu woosi aveeye mudedekere mu lisuuvira, inzi kandi mbeeye mudedekere; lwu mundu woosi akolaa vwoni, inzi kandi mbezaa ni lihenda mwoyo.

2 Vakorintho 2:4

Ndaamung'odera ibarwa yeyo kuturana nu vudinyu vonene no vovereri mu mwoyo kandi namaliga manyingi. Lienya liange si liali kumuvereriza mba, navuzwa kokora munyi mumanye ndi ndaamuyaanza ligali vosi.

Vagalatia 1:7

Mugiligali gene, sihaveeyeho ni “Ivangeri yindi mba”, navuzwa mboraa yaga kigira vaveeye ho avandu valala avamunyangizaa, kandi avagerizaa kugirung'anyia Ivangeri ya Kristo.

Vagalatia 2:14

Lwa ndaalora ndi ligenda liavo ku lovega lwa agiligali gi Ivangeri si liali lirungi, ndagondokera Petero imbiri wavo vosi, “Ivi oveeye Muyuda, na wamenyangi kuli vandu vizihiiri, si gaali kuli Muyuda mba! Ivi unyala ndi kogeriza kuniga vandu vizihiiri vamenye kuli Avayuda?”

Vagalatia 2:21

Sisulaa zimbavasi zia Nyasaye mba. Mundu naava naakolwa mulungi imbiri wa Nyasaye ku Lilaga, gaveeye kovora ndi, Kristo yakuza vugira kivuni!

Vagalatia 5:21

likendeka, vwiti, uvuhambiku, uvuhuvaali vwi zing'ano ziosi, ni vindu kuli yivio; ndanga kumwiganihiza lero kuli lwa ndaamwiganihiza maziambiri. Yava avakolaa vindu kuli yivi sivanyala konyoora vwami vwa Nyasaye mba.

Vagalatia 6:12

Avandu vageriza kuniga munyi mukevwe kuzinguru, ni yava avenyaa kwimanyia ndi vaveeye avalahi, nu kwekonya ku vindu viu muviri. Vakora ndio kunangwa vavuli kudambizwa kigira musalaba gwa Kristo.

Vagalatia 6:14

Navuzwa, kulwa inzi, ndekonya vuzwa mwene kigira musalaba gwu Mwami wiitu Yeso Kristo. Kuvitira ku musalaba, vindu vie lirova viakuza kandi inzi ndaakuza kuvindu vie lirova.

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

Vafilipi 1:4

Vuli ing'inga lwa salira munyi mwosi, saalaa nu uvusangari

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

2 Vatesalonike 3:11

Kovora yaga kigira kunyi kuhuliraa ndi vaveeye ho avalala ku munyi avamenyi nilimenya liu vugata, avavuraa kuyinzira, navuzwa ukwiyingiriza mu makuva ga vandu vandi.

2 Petro 2:10

kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.

Yudasi 1:13

Avandu yavo vaveeye kuli iviguvuli vinene vie inyanza ivitiigalilangwa ni ivikolwa viavo vie zisoni vilolekaa kuli ulufulu. Vaveeye kuli zing'ereng'ani zivodong'ana nga, izia Nyasaye yavikira uvwiyangu mu kisundi mihiga ni mihiga.