Vafilipi 3:17 - KITABU KITAKATIFU

¹⁷ Avaamitu vange, muzizagiliri mu kokora kuli inzi ngolaa. Muhenze ligali ku yavo avalondaa liiva lirungi lia kwamuha.

Vafilipi 3:17 Iomraidhean Croise

Zaburi 37:37

Henza ku mundu mulahi kandi mundu mulungi; mundu wi mirembe aveeye ni visukululwi.

Varumi 16:17

Avaamitu vange, mugoonyaa ligali mwilindi ku yavo vosi avaleetaa vwavukani nukwikigitaliza avandu vandi mu lisuuvira, kandi vahing'ana namigizu ga mwanyoola. Mwerehe ku vandu yavo!

1 Vakorintho 10:32

Mu liiva lienyu liosi, mutikigitalizi mundu woosi mba. Kali vave Avayuda anoho vandu vizihiiri anoho vaveeye mu likanisa lia Nyasaye.

1 Vakorintho 11:1

Muve aviigi ku inzi, kuli inzi mbeeye umwigi kutura ku Kristo.

1 Vakorintho 4:16

Kunangwa, mugoonyaa ligali mwigi kutura ku inzi.

Vafilipi 4:9

Mukore vindu viosi via mwiga no konyoora kutura ku inzi kandi via mwahulira nimbora no kolola ningoraa. Na Nyasaye uhaanaa kunyi mirembe alava harara ni munyi.

1 Vatesalonike 1:6

Mwiga ku kunyi kandi kutura ku Mwami, kali niiva mwasalirizwa ligali kuvita, mwanyoola likuva nu vusangali kutura ku Roho Mutakatifu.

2 Vatesalonike 3:14

Hawundi mulala alasura kuhulira likuva lia kutumaa ku munyi mu ibarwa yiyi. Nigava ndio, mu manyirizi mundu oyo, mutava ni lihambana naye mba, kunangwa aduuki kuva esoni.

2 Vatesalonike 3:7

Munyi aveene mumanyi vulahi ndi gamudukira mukore kuli aga kwakora. Kunyi sikwaali avagata lwa kwaali harara ni munyi mba.

2 Vatesalonike 3:9

Kwakora yaga sigali kigira sikoveeye nu vunyali konyoora ovokonyi vwinyu, navuzwa kigira kwenya kuva kelolero cha munyala kolonda.

Vahebraina 13:7

Mwizurizi aviimiliri vinyu va maziambiri, avamwilwazira likuva lia Nyasaye. Muganagane ligali kuli vamenya kandi kuli vaakuza, mwigi kutura ku lisuuvira liavo.

1 Petro 5:3

Mutagerizi kwamiiha kandi gatava kuli mwekora avanene vamulinda mba, navuzwa muve kelolero chi ichayo.