Vafilipi 3:16 - KITABU KITAKATIFU

¹⁶ Leki komenye vuzwa mu amalago malala meere aga kwa gumira kutura yilwo kuduuka lero.

Vafilipi 3:16 Iomraidhean Croise

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

Varumi 15:5

Nyasaye oveeye vutangiliru vwu vwikuziri nilizuvana, amuhe mwoyo gwu vuhambani mu livugilizana liduukiru hagati hinyu lwa muva nimulondaa Kristo Yeso.

Vagalatia 5:7

Mwaali ni mukoraa vulahi! Nivwaha wamwigalira muvura kolonda agiligali? Yamugoonya kuli ndi?

Vagalatia 6:16

Mirembe, ni zimbavasi vive ku yavo vosi avagendaa mu lilago yili kandi ku avandu vosi va Nyasaye.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 2:2

Ng'onyaa munyi mukore ilisangala liange litwekizwi ku liiva ni zing'anagani zindala nzere, lisanga mu uvuyanzi vulala vwere, mu liiva nu mwoyo mulala kandi uvulariri vulala.

Vafilipi 4:2

Ng'onyaa Eyodia na Sindike, mwaza ni muyanzaa mugerizi kuvugilirizana nu kuva nu mwoyo mulala kuli avavozo mu Mwami.

Vakolosai 2:6

Kunangwa kuli mwa vugula Kristo Yeso kuva Mwami, muzizagiliri komenya ndio muye,

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

Likunula 3:3

Kunangwa wizulizi amigizu agiligali ga wavugula, kandi agawahulira nu kwiganira. Navuzwa nuvula kulinda nu kusaala, ndaaza ku ivi kuli umwiivi, na ivi siulamanya ing'inga ya nziza ku ivi mba.