Vafilipi 3:11 - KITABU KITAKATIFU

¹¹ mu lisuuvirizwa ndi inzi mwene ndakasimugukizwi kutura mu vakuzu na kuduuka ku livamwoyo litahera mba.

Vafilipi 3:11 Iomraidhean Croise

Zaburi 49:7

Mundu umwene sianyala kwitungira mba; sianyala kutunga Nyasaye uvuguli vwi livamwoyo lilie mba,

Luka 14:14

naivi ulagasizwa, kigira yavo sivaveeye nichavatunga mba. Kigira Nyasaye alakutunga ing'inga ya avandu valungi valisimuguka.”

Yohana 11:24

Marita yamutivulira, “Manyi ndi alasimuguka ing'inga yi lisimuguka, lidiku lie keheri.”

Vikolwa 23:6

Navuzwa lwa Paolo yalora ndi kiduma kilala nicha Avasadukayo ni ikindi cha Avafarisayo, yahanzuka imbiri wi kiyaalo navoora, “Avaamitu vange, inzi nu Mufarisayo, umwana wu Mufarisayo. Inzi mali koleetwa mu kiyaalo kigira lisuuvira liambeeye nalio ndi avakuzu valakasimuguki.”

Vikolwa 26:7

Lilagana liene yilio nilio lie zihiiri zietu likomi na ziviri lwa vasuuvira konyoora nivasigamiraa Nyasaye nu mwoyo gwosi umbasu nu vudiku. O, Mwami, Avayuda vanzaala kigira lisuuvira yili!

Vikolwa 27:12

Kigira havaali yaho si haali havundu halahi ho komenya ing'inga yu vukindu vonene mba, avanyingi vayanzilira kuzizagilira no logendo, mbula niganyalika vaduuki Foenisia. Foenisia ni haali havundu mu Kerete hahenza ku isavaalu yi madioli na Ivaale yi madioli; vamenye yo ing'inga yu vukindu vonene.

Varumi 11:14

Suuviraa nyara kokora avandu vi ihiiri yange vakendeke, na ndio nduuki kohonyia valala kuvo.

1 Vakorintho 15:23

Navuzwa sa mulala alakasimugikizwi kuli gaalohizirwa mwene: Kristo wu kutanga ku vosi; maku yavo avaliva va Kristo ing'inga yi liza lilie.

1 Vakorintho 9:22

Inzi ndaamenya kuli mudedekere hagati ha yavo avaari vadedekere mu lisuuvira, kunangwa nduuki kuvaleeta ku Yeso. Kulwayago, ndaamenya kuli liiva lia vandu vosi, kunangwa nduuki koleta valala ku Yeso munzira yoosi inyalika.

1 Vakorintho 9:27

Nombaa umuviri gwange kuva mudukiru ligali ku liduywa kunangwa inzi mwene kandi ndanyooleke nimbeeye harara na yavo avandaamara kulanga mu ligerana yili.

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

1 Vatesalonike 3:5

Ku kivuni yiki, lwa ndaali si nyara, ndatuma Timateo, kunangwa nduuki kumanya kuli lisuuvira lienyu liveeye. Ndaali nuvuti, namusia mugerizi wamugeriza munzira yoosi, na miyinzi jietu ja kwa kola hagati hinyu jive ja vuzwa.

2 Vatesalonike 2:3

Mutaleka umundu kali mulala amugaade munzira yoosi. Kigira Lidiku yilio si lilaaza, kuduuka uvwibaali vwukumaliriza vwekoleka kutanga, kandi Muchamu aloleke, uwakalagirwa kuzia kudivizwa mu gehena.

Vahebraina 11:35

Kuvitira mu lisuuvira avakali vavugura aviiko vaavo vakuzu nivasimugukiziwi. Avandi vasuuraa kuvugilira vovoholore, vakuzira mu lidambizwa kunangwa vaduuki konyoora lisimugukizwa mu livamwoyo lilahi ligali.

Likunula 20:5

Avakuzu vandi yavo vatigara sivasimuguka mba kuduuka mihiga elefu ndala. Yili nilio lisimuguka liu kutanga.