Vafilipi 3:1 - KITABU KITAKATIFU

¹ Mulimala, avaamitu vange, musangare mu Mwami. Sivoveeye uvudinyu ku inzi ukwirana kumung'odera ivindu vilala viere, navuzwa vwakaveeye vulahi ku munyi, niiva inzi ngola ndio.

Vafilipi 3:1 Iomraidhean Croise

1 Kyetsinyinga 15:28

Kunangwa vandu va Isiraeli vosi vazia harara ni Lisandugu lie Lilagana kuduuka Jerusalemi ni lihanzuka liu vusangali, ni vakuba visiliva, ling'alala kandi vikuli, kandi zinyimbu ziuvukana vwi migoye.

1 Kyetsinyinga 16:10

Mwikuminyiri lieta lilie litakatifu; Vandu vosi vasangale mu Yahova!

1 Kyetsinyinga 29:22

Kunangwa, lidiku liene yilio, vaali nu vusangali ligali lwa valia kandi ni vanwa imbiri wa Yahova. Ku ing'inga ya kaviri, vaakora Solomoni kuva mwami. Mu lieta lia Yahova, vamuvaka amaguta kuli mwamihi wavo, na Zadoku kuli musaalisi.

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Ayubu 22:26

maku ulava ni liyaanzizwa mu Nyasaye Wuvunyali, kandi ulalola ndi aveeye litangilira liu vusangali vuvwo.

Zaburi 149:2

Musangare O, Isiraeli kigira uyu wamulomba. Musangare munyi avandu va Ziyoni kigira mwami winyu!

Zaburi 32:11

Munyi avaveeye avalungi, muyanze nukusangara, kigira aga Yahova amali kumukolera. Munyi avahulira Yahova, musangare ligali.

Zaburi 33:1

O, munyi avaveeye valungi, musangare mu Yahova; mwizominye Yahova mwosi avamuhulira.

Zaburi 37:4

Wenyelerizi uvuyanzi vwa Yahova, naye alakuha viosi via wenya kutura kuye.

Zaburi 42:4

Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 5:11

Navuzwa oleke vosi avasuuviraa mu ivi vasangale, leka vimbi nu vusangali kazozo. Uvakingi yavo avayaanzaa ivi vaveeye nu vusangali ligali kigira ivi.

Zaburi 97:1

Yahova aveeye mwami! Lirova, musangare! Musangare, O, munyi visulu vie inyanza.

Isaya 41:16

Mulavwilura nimbuuza ilatulizamu mukuzi, kandi ilasalanyia mukuzi zana yigwo. Maku mulasangala kigira mulizominya inzi Yahova winyu, inzi Nyasaye Mutakatifu wa avandu va Isiraeli.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 65:14

Valimba nu vusangali mu mioyo jaavo, navuzwa munyi mulalira kigira uvuzunu mu mioyo jinyu.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Zefania 3:14

Mwimbi kandi musangare, munyi, avandu va Isiraeli! Musangare ni mioyo jinyu josi, Jerusalemi!

Zefania 3:17

Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Zekaria 10:7

Avandu va Isiraeli valakave ni zinguru kuli vasikari, valakave nu vuyanzi kuli avandu vamali kunwa iwaini, visukululwi viavo vilakizulizi liguuta yili, kandi valakave nu vuyanzi ku ga inzi Yahova mali kokora.

Matayo 5:12

Muyanze kandi musangare ligali, kigira amadanyi ginyu gaveeye amanene mwigulu; nindio vadambiza avaporofeti avaari imbiri winyu.

Luka 1:47

Kandi mwoyo gwange gusangali kigira nu Nyasaye, Muhonyi wange.

Varumi 5:11

Si gaveeye yaga geng'ine, navuzwa kandi kusangara mu Nyasaye kuvitira mu Mwami wiitu Yeso Kristo, umali kukuhambanyia na Nyasaye.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

Kwidzulitsa 12:18

Munyi harara na avana vinyu, vatumikiri vinyu harara na vandu vinyuma ya Levi avamenyi mu madaala ginyu kuduuka muliri vihaanwa vienyu imbiri wa Yahova Nyasaye winyu havundu harara heng'ine hatovolwa kusigamira Yahova Nyasaye winyu. Mulasangalira uwene yeyo imbiri wa Yahova Nyasaye winyu ku viosi viamumali kokora.

Kwidzulitsa 16:11

Musangare imbiri wa Yahova Nyasaye winyu harara na avana vinyu, vatumikiri vinyu kandi vandu vinyumba ya Levi avageni, avavisandu kandi avakunzakali vamenyi mu madaala ginyu. Mukore yaga goosi havundu harara hukusigamira ha Yahova yatovola.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Vafilipi 4:4

Mu sangale mu Mwami kazozo. Mboraa kandi musangare!

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

1 Vatesalonike 5:16

Musangare kazozo,

Yakobo 1:2

Avaamitu vange, mwiganagane aveene kuva nu vusangali, lwa amagerizu zing'ano ziosi gaaza ku munyi.

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 4:13

Nitali musangare kulwo kuva avasangi mu vusaliri vwa Kristo kunangwa muduuki kwizura uvusangari kuvita kegero, lwu uvukumi vwivwe vu liloreka.

2 Petro 3:1

Avalina vange avayaanze, yiyi ni ibarwa yange ya kaviri, mung'oderaa. Mu ziombi ngerizaa kuvukiza iziganagani zindahi mu mioyo jinyu ku limwizuliza amakuva yaga.

1 Samweli 2:1

Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!