Vafilipi 2:9 - KITABU KITAKATIFU

⁹ Kulwa yaga, Nyasaye yamunenehiza kuduuka higulu ligali na yamuha lieta iliveeye linene kuvita agandi goosi.

Vafilipi 2:9 Iomraidhean Croise

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Zaburi 110:5

Yahova aveeye ha mukono gugwo mulungi; lwa asinyika aladuvulanyia avami.

Zaburi 89:27

Ndamukora ave muyaayi wange wimbiri, kandi mwami munene ligali kuvita avami vosi.

Zaburi 91:14

Nyasaye avoora, “Ndahonyia yavo avayaanzaa, kandi ndakinga yavo avambugiliraa kuli Yahova.

Isaya 52:13

Yahova avoora, “Mutumikiri wange alaguuta mu miyinzi jije midinyu. Alahevwa luyali lonene; kandi alanenehizwa ligali.

Isaya 53:12

Kigira yaga, ndamuviika havundu hu luyali, alagavulana vilaanye harara na avizingulu. Kigira yihaana umwene kuduuka ku likuza, yavalizwa harara na voni; kali ndio, yaginga uvwoni vwa vandu vanyingi kandi nasaara ndi avoni vaduuki kusaamiifa.”

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Luka 10:22

“Baba wange ombeeye vindu viosi. Sihaveeyeho numulala umanyi mwana nivwaha, natali Baba, kandi sihali nu umanyi Baba nivwaha, natali Mwana, kandi ku vosi wu Mwana atovoraa ku muvuulira.”

Yohana 13:3

Yeso yamanya ndi, Baba weve umali kuviika vindu viosi hasi hi zinguru zizie, kandi yamanya ndi yatura ku Nyasaye kandi yirana ku Nyasaye

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Yohana 17:12

Lwa ndaali navo ndavalinda vulahi kuzinguru zie lieta liilio, lieta lia wamba. Ndaavalinda, kandi avulaho kali mulala wagota ku yavo nataveeye oyo mwana wu vudivi, uwalagilwa kogota; kunangwa agang'odwa mu Mang'oda Matakatifu gaduuki kuduukizwa kuva agiligali.

Yohana 17:5

Baba! Ombe vukumi imbiri woovo kalunu, vukumi vulala vwene vwa ndaali navwo harara niivi lirova nilikikiri kolombwa.

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

Vafeso 1:10

Lilohiza yili, Nyasaye alakatwekiza lwi ing'inga indahi ilakaduuki. Alakavungizi vindu viosi harara, vindu viomuligulu kandi vindu viomulirova, na Kristo alakave mutwi gwavio.

Vakolosai 1:18

Aveeye mutwi gwu muviri gwigwe, likanisa; aveeye uvutangiliru vwi livamwoyo liu muviri zana. Aveeye Muyaayi watanga kwivulwa, uwasimugukizwa kutura mu likuza, kunangwa oyo yenyine aduuki kuva wu mu vindu viosi.

2 Vatesalonike 1:12

Muliiva yili lietu liu Mwami wiitu Yeso liduuki kukuminywa kutura ku munyi, na munyi kutura kuye, kuvitira mu zimbavasi zia Nyasaye wiitu kandi ziu Mwami wiitu Yeso Kristo.

Vahebraina 1:4

Mwana yamanya naakolwa kuva Munene kuvita zingelosi, kuli lieta lia Nyasaye yamugulika liveeye linene ligali kuvita agaavo.

Vahebraina 1:9

Ivi uyanzaa vulungi na udunyiraa uvudamanu. Yicho nicho kigira Nyasaye, Nyasaye woovo, umali kokotovola nu kukuvaka maguta, kandi umali kuhaana ku ivi uvusangari vwu luyali voveeye vonene kuvita avache vovo.”

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 2:9

Navuzwa kololaa Yeso, wakolwa kuva mukekeeke ku zingelosi ku ing'inga engekeeke, kunangwa kuvitira mu zimbavasi zia Nyasaye, aduuki kukuzira avandu vosi. Kumulolaa kalunu naavikiywi itaji yu vukumi kandi yuluyali kigira uvusaliri vwi likuza lilie.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

2 Petro 1:17

Kwaali ho lwa yanyoora uluyali nu vukumi ku Nyasaye Baba. Lwa mwoyo gwaaza kuye kutura mu vukumi ovonene nigovoora, “Uyu niyie umwana wange umuyanze wange, unyanzizaa!”

3 Yohana 1:7

Vaatura kuzia ku zing'endo ziavo mu uvuyinziri vwa Kristo vugira kuvugilira ovokonyi vwosi kutura ku vandu vatasuuviraa.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.

Likunula 5:12

Vavoola nu mwoyo umunene: “Mwana wi Ligondi uwiitwa uduukani, konyoora uvunyali, uvutugi, ovogeri kandi izingulu, uluyali uvukumi ni lizominya!”