Vafilipi 2:7 - KITABU KITAKATIFU

⁷ Mu vogono yivwo, yihaana, naleka viosi via yaaha navio ma navugura liiva liu umutumikiri. Yekola kuli umundu wa kazozo kandi naaloleka mu liiva liu mundu.

Vafilipi 2:7 Iomraidhean Croise

Zaburi 22:6

Navuzwa inzi simbeeye mundu kandi mba; mbeeye vuzwa eng'ende. Ndegeelizangwa nokokolerwa kehenyahenye na vandu vosi!

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 49:3

Yambolera, “Isiraeli Ivi oveeye mutumikiri wange, avandu valanzizominya kigira munyi.”

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Danyeli 9:26

Inyima wi ing'inga yiyi, mwimiliri mutovole wa Nyasaye alakitwi vugira likalaga lirungi. Lidaala kandi Litembeli vilakadivizwi, ni liihi lia vasigu vu mwamihi wi zinguru. Maku keheri kilakaduuki kuli amazi manene, kilakalete vulwani harara ni lidivizwa lia Nyasaye amali kolohiza.

Zekaria 3:8

Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Matayo 12:18

“Henza uyu aveeye mutumikiri wange wa ndaatovora; muyanze wange, wu mwoyo gwange guyaanzaa. Inzi ndakatumi Roho wange kuye, naye alakalandizi likalaga liange liuvulungi ku zihiiri ziosi.

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Marko 9:12

Yavativulira, “Yee, ligali Elija alaza kutanga aduuki kwetegekiza vuli kindu. Navuzwa kigira ki gang'odwa mu Mang'oda Matakatifu ndi, Mwana wa Adamu alakubizwa ikivi kinyingi nu kuchaywa?

Luka 22:27

Nivwaha oveeye munene, uyu wikaye komesa kulia viukulia anoho ni uyu umutumikiraa? Ni uyu wikala komesa kulia viukulia! Navuzwa, kali nigaveeye ndio inzi mbeeye hagati hinyu kuli uyu utumikaa.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Varumi 1:3

Ivangeri yiyi eveeye kigira Mwana wa Nyasaye, Mwami wiitu Yeso Kristo, uwaali kisukururwi cha Daudi ku liiva liu muviri;

Varumi 15:3

Kristo si yiyanziza mwene mba. Navuzwa, kuli Mang'oda Matakatifu ku maziambiri gavoora, “Amanyego goosi ga yavo vanyega ivi, gaaza ku inzi.”

Varumi 15:8

Inzi muvooleraa ndi, Kristo yakolwa mutumwa wa Vayuda aduuki kumanyia ndi Nyasaye aveeye musuuvirifu, kandi kudinyiriza lisuuviriza lia Nyasaye yahaana ku vaguuga viitu liduuki kuva liagiligali.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

2 Vakorintho 13:4

Kali ni yavambwa mu vodedekere, navuzwa kalunu aveeye mwoyo kuzinguru zia Nyasaye. Kigira kunyi kandi koveeye avadedekere muye, navuzwa mu vikolwa vietu ni munyi, kulasanga mu zinguru zia Nyasaye mu livamwoyo lilie.

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Vagalatia 4:4

Navuzwa lwa ing'inga indahi yaduuka, Nyasaye yatuma Mwana weve. Yaza kuli mwana wivulwa nu mukali, kandi namenya hasi hi Lilaga lia Avayuda,

Vafilipi 2:6

Yaali ni liiva lia Nyasaye vuli kazozo, navuzwa siyaganagana agerizi kutumikira zinguru kweleng'anyia na Nyasaye mba.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.