Vafilipi 2:2 - KITABU KITAKATIFU

² Ng'onyaa munyi mukore ilisangala liange litwekizwi ku liiva ni zing'anagani zindala nzere, lisanga mu uvuyanzi vulala vwere, mu liiva nu mwoyo mulala kandi uvulariri vulala.

Vafilipi 2:2 Iomraidhean Croise

Zaburi 122:8

Kigira aviiko navalina vange, mboraa ku vandu va Jerusalemi, “Mirembe jive harara ni munyi.”

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Vikolwa 1:14

Yava vosi vavugana harara kazozo mu lisaala, kuli muganda, harara na vakali kandi Maria mama wa Yeso, na avamwavo veve.

Vikolwa 2:1

Lwa liaduuka lidiku lia Pendekote, vandu avasuuviraa vosi havundu harara.

Vikolwa 2:46

Amadiku goosi vahongera kuvugana mu Litembeli, navuzwa ing'inga yo komeganyia mugadi, vavugana mu zinyumba ziavo, ni vasanga viukulia viavo nu vuyanzi kandi ni mioyo jaali ligali.

Vikolwa 5:12

Avatumwa vaakora vilolekizu viokogenyia vinyingi ku vandu. Avasuuviri vosi vavugana harara mu muganda mu lusimbu lwa Solomoni.

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

2 Vakorintho 2:3

Kivuni chagira ning'oda ibarwa yeyo chaali ndi, lwa nziza yaho kuluuta munyi, mburi kuva ni livererizwa na yavo avenyekaa vanyaanzize. Mbeeye ni lisuuvira ndi lwa mbeeye nu vuyanzi, kandi munyi mwosi muveeye nu vuyanzi kuli ndio.

2 Vakorintho 7:7

Sigaveeye ku liza lia Tito lienyine iliakoleminya mioyo, navuzwa kandi kigira amakuva ga yakovolera kuli mwamuzuva. Yakovolera kuli muveeye na mahooru amanene kandi kuli muveeye novovereri, kuli mwetegeki kosoola; kali kalunu mbeeye nu vusangali ligali.

Vafilipi 1:4

Vuli ing'inga lwa salira munyi mwosi, saalaa nu uvusangari

Vafilipi 2:16

lwa muva muvahezaa likuva lie livamwoyo. Nimuva nimukora ndio, inzi ndava ni kivuni chukwekonya kigira munyi Lidiku lia Kristo, kigira lilamanyia ndi ilinyang'ana liange liosi harara ni miyinzi josi sijali ja vuzwa mba.

Vafilipi 2:20

Simbeeye nu mundu wundi kuli uyu oveeye ni lienya lia giligali mu liiva lienyu mba.

Vafilipi 4:2

Ng'onyaa Eyodia na Sindike, mwaza ni muyanzaa mugerizi kuvugilirizana nu kuva nu mwoyo mulala kuli avavozo mu Mwami.

Vakolosai 2:5

Kali nindaveeye nimunyi mumuviri, navuzwa mbeeye harara nimunyi mu Roho. Inzi kandi sangala kolola vugulu vwinyu vonene, ni lisingira vudinyu lie lisuuvira lienyu mu Kristo

2 Vatesalonike 2:13

Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

Filemona 1:20

Kunangwa, amiitu wange, nuyanza ngolera uvulahi yivu kigira Mwami; kuli amiitu mu Kristo, sangariza mwoyo gwange mu Kristo!

2 Yohana 1:4

Inzi ndaasangara ligali konyoora avalala ku avana vovo vagenda mu giligali, kuli Baba yalaga kunyi.

3 Yohana 1:4

Simbeeye nu uvusangari vundi ovonene kuvita yivu mba, nivutaveeye kuhulira ndi, avana vange vamenya mu giligali.