Vafilipi 2:15 - KITABU KITAKATIFU

¹⁵ kunangwa muduuki kuva avataveeye nimbara, kandi avasereze kuli avana avadukiru va Nyasaye, avamenyaa mu kivala cha avandu avagoyanu kandi avoni. Kuduuka mung'ereng'ane hagati haavo kuli zing'ereng'ani mwigulu,

Vafilipi 2:15 Iomraidhean Croise

Zaburi 122:5

Nimwo mwa vami va Isiraeli viikara kukalagira avandu vaavo.

Kutwula 34:35

kandi valora mu moni mwimwe nimung'ereng'ana; maku Musa yifumaa inguvu inzasasu mu moni mwimwe kuduuka ing'inga yindi lwa yazizaa komoloma na Yahova.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Tsing'ano 8:8

Chambolaa, choosi keveeye chiligali; kivula ho keveeye chu vugadi anoho chokogotiza.

Isaya 60:1

Vuka ivi Jerusalemi, kandi ong'ereng'ane kuli liuva; uvukumi vwa Yahova vong'ereng'anaa ku ivi!

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Matayo 17:17

Yeso yativura, “Munyi avamuvula ilisuuvira! Ndamenya ni munyi kuduuka ng'inga ki? Ndikuzira ni munyi kuduuka ng'inga ki? Ndeteri umwana zana hano.”

Matayo 5:45

muduuki kuva avana va Baba winyu oveeye mwigulu. Kigira alavizaa iliuva lilie ku vadamanu na valahi, kandi akubizaa imbura ku valahi na vadamanu.

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Luka 6:35

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Yohana 5:35

Yohana yaali kuli itaya yaduuka kandi eng'ereng'anaa, na munyi ku ing'inga ngekeeke mwavugilira kusangalira uvulavu vwivwe.

Vikolwa 2:40

Petero yiganihiza avandu na amakuva gandi manyingi, na avanigaa, navoora, “Mwehonyie ku likula lidamanu yili.”

Vikolwa 20:30

Kali mu munyi valatura mu avandu, avavoora amakuva go vovehi, vaduuki kogotiza avandu nu kuvang'usa vavalonde.

Varumi 16:19

Avandu vosi vaahuliyi amakuva gu vusuuvirifu vwinyu ku Ivangeri, kandi ku kivuni yiki, mbeeye nu vuyanzi ligali kigira munyi. Nyenya muve avageri mu limanya agaveeye malahi, muvuli konyooleka ni kindu ku gaveeye madamanu.

1 Vakorintho 1:8

Oyo alamudinyiriza muve ni zinguru mu lisuuvira kuduuka ku keheri, muduuki konyooleka vugira imbara ku Lidiku lie likalagirwa liu Mwami wiitu Yeso Kristo.

2 Vakorintho 6:17

Mwami avoora, “Mwiyahuli aveene kutura kuvo. Mutadiiri kindu choosi kitaveeye kinifu, ninzi ndamuvugirira.

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Kwidzulitsa 32:5

Navuzwa munyi simuveeye avasuuvirifu mba kandi simuduukani kulangwa avandu veve mba, ihiiri yuvwoni kandi yuvugaadi.

Vafilipi 1:10

kunangwa muve avanyala kotovola ivindu viveeye ivilahi ligali. Maku mulava vavoholore kandi avataveeye nimbara yoosi ku Lidiku lia Kristo.

Vafilipi 3:6

kandi ndaali nu uvugulu mu lidambiza likanisa ligali neembodoka. Kolondekana ni imiima ju vulungi vwi Lilaga, inzi sindanyoolwa ku nimbala kali hakuzu mba.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

Tito 1:6

Mukulundu wi likanisa kuduuka ave musaza utaveeye nimbara kuye. Kuduuka ave musaza wu mukali mulala, kandi kuduuka avana veve vave avasuuviri avataveeye ni kirage anoho vatatizaa malago;

Tito 2:10

vatiiva kutura kuvo, navuzwa vamanyie uvusuuvirifu, kunangwa vaduuki kuhaana luyali ku amigizu ga Nyasaye Muhonyi wiitu ku vindu viosi.

Tito 2:15

Wigizi vindu yivi; utumikiri vunyali vuvwo vwosi lwa wigiza kandi lwa uvadinyirizaa. Utaleka mundu kali mulala akolege anoho kukuchaya.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

2 Petro 3:14

Kunangwa, avalina vange, lwa mukilindilira Lidiku yilio, mukore zinguru ligali muve avasereze, vugira imbara imbiri wa Nyasaye kandi muve ni mirembe naye Nyasaye.

Likunula 2:5

Wizulizi ha watura niwaguluka. Wiganiri na oleke uvwoni vuvwo, ma wirane kokora miyinzi ja wakola mulitanga. Niiva si uliganira, ndaaza ku ivi vwangu, nu kutuliza ikinara chicho chi zitaya aha keveeye.

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.