Vafilipi 2:14 - KITABU KITAKATIFU

¹⁴ Mukore ivindu viosi vugira liegana anoho amahangari,

Vafilipi 2:14 Iomraidhean Croise

Zaburi 106:25

Vamenya mu mahema gaavo nokomonya, kandi sivali vanyara kuhuliriza Yahova mba.

Tsing'ano 13:10

Liegingira si liletaa kindu, navuzwa liletaa vudinyu. Voveeye vulahi kwenya miigizu.

Livalidza 14:27

“Avandu vachamu yava vililira ku inzi kuduuka ing'inga ki? Inzi mali kuhulira lilira linyingi lia vandu va Isiraeli vililira ku inzi!

Matayo 20:11

Lwa vaavugura mabese gaavo, vatanga kwililira ku mwene mulimi

Marko 14:5

Ngano gaali gagulizwi mabese gaduukanaa zidinari mia tatu zilahevwe avadaka!” Vagondekera mukali oyo.

Marko 9:14

Lwa vaduuka ku aviigi vandi, valora ikiduma ekenene ni kivakumbirizi harara na avigizi vi Lilaga nivahangalizanaa navo.

Luka 5:30

Mu lilia, Avafarisayo valala na avigizi vi Lilaga valala vihambihiza Yeso nivavoora, “Kigira ki mulizaa nukunwa harara na vasololi vuvusuuru kandi na avoni?”

Vikolwa 15:2

Paolo na Baranaba vaali na mahangali manene na vandu yavo kigira likuva yili. Lwa Paolo na Baranaba vaali nivamali kotevana navo, likalaga liavo liali ndi: Paolo na Baranaba harara na vandu vasuuvira valala kuvo vi Livugana lia Andiokia, vazie Jerusalemi kolola vatumwa na vakulundu ku likuva liene yili.

Vikolwa 15:39

Maku vaali na mahangali manene hagati haavo, kuduuka nivavukana. Baranaba yavugula Mariko, nivaniina mu liato nivazia Saipurasi.

Vikolwa 15:7

Lwa vamala kotevana amateeva manyingi, Petero yasingira navoora, “Avaamitu vange, munyi mumanyi vulahi ndi ku zing'inga ziavita, Nyasaye yandovola kutuia hagati hinyu, nzilwaze Ivangeri ku vandu Avizihiiri kunangwa vaduuki kuhulira nukusuuvira.

Vikolwa 6:1

Mu madiku yago lwi livaliza lia vandu vasuuvira yaazizagilira komeedeka, lirembana liatulira hagati ha avasuuviri Vayuda avamolomaa Luguriki na yavo avamolomaa Luheburaina. Avayuda avamolomaa Luguriki vamonya ndi avakunzakali vaavo vivilirangwa mu ligavula lie viukulia via kase.

Varumi 12:18

Niganyalika kolovega lwinyu, muve ni mirembe na vandu vosi.

Varumi 14:1

Muvugiliri vandu vaveeye vadedekere mutahangalizana navo ku makuva gi zing'anagani ziavo mba.

Varumi 16:17

Avaamitu vange, mugoonyaa ligali mwilindi ku yavo vosi avaleetaa vwavukani nukwikigitaliza avandu vandi mu lisuuvira, kandi vahing'ana namigizu ga mwanyoola. Mwerehe ku vandu yavo!

1 Vakorintho 10:10

Mutamoonya kuli valala kuvo vamoonya ma nivadivizwa ne Engelosi wi Likuza mba.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vagalatia 5:15

Navuzwa, ni mulumana kuli zinyama ziu mbulimu nu kusalirizana aveene naveene, muhenze vulahi gase muladivizana aveene naveene.

Vagalatia 5:26

Leki kuvuli kuva ni liekonya lia vuzwa nu kutindilana aveene naveene, no kokolerana embodoka aveene naveene.

Vafilipi 2:3

Mutakola kindu kali kilala kuturana ni liegomba lie vindu vie kivala anoho iliekonya lia vuzwa mba, navuzwa muve ni liegehiza aveene naveene. Vuli kazozo, muganagane avandi kuva avalahi kuvita munyi.

1 Vatesalonike 5:13

Mu vavugiliri ligali mu vuyanzi kigira miyinzi jaavo ja vakora. Mumenye ni mirembe hagati hinyu munyi aveene naveene.

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Yakobo 1:20

Uvutima vwu umundu sivuduukaa kulienya lia Nyasaye iliveeye uvulungi mba.

Yakobo 3:14

Navuzwa ni muva ni muveeye nembodoka, uvululu, uvwimani ni likayirwa mu mioyo jinyu, mutakola uvwoni ku agiligali ku liekonya kigira ovogeri kandi mutaveha ovovehi ku agiligali mba.

Yakobo 5:9

Avaamitu vange, mutililira nokomonyana aveene ku vene, kunangwa Nyasaye avuli kumukalagira. Mukalagi aveeye ahimbi, yetegeki kwingira.

1 Petro 3:11

Gamudukira alekane nu vudamanu na akole vulahi; adukanaa yegombe mirembe nu mwoyo gwigwe gwosi.

1 Petro 4:9

Mugenihizane aveene naveene vugira kwigana.

Yudasi 1:16

Avandu yava avililiraa kazozo na nivadura avandu vandi. Valonda likayirwa lidamanu liavo aveene, vekonyaa nukwetovooza aveene kandi vizominyaa avandu vandi muvugaadi kigira venya kwenyolera vindu via venya.